കൃഷി ചെയ്യാന്‍ പ്രത്യേകം സ്ഥലമോ വളമോ വേണ്ട, കൃഷിപ്പണികളുമില്ല, വീട്ടില്‍ ജനല്‍പ്പടിയിലോ ബാല്‍ക്കണിയോ പോഷക സമ്പുഷ്ടമായ ഇലക്കറികളും ധാന്യങ്ങളും വളര്‍ത്താം... ഇതാണ് മൈക്രോ ഗ്രീന്‍.
By Harithakeralam
കാലാവസ്ഥ വ്യതിയാനം കാരണം ദുരിതത്തിലാണ് കേരളത്തിലെ കര്‍ഷകര്‍. വേനല്‍മഴ എത്തിനോക്കുക പോലും ചെയ്യാത്തതിനാല്‍ കൃഷിയെല്ലാം നാശത്തിന്റെ വക്കിലാണ്. ജലക്ഷാമം രൂക്ഷമാണ്. ഈ അവസ്ഥയില്‍ വീട്ടില്‍ അടുക്കളത്തോട്ടമൊരുക്കുന്നതു പോലും പ്രയാസമാണ്. ഇവിടെയാണ് മൈക്രോ ഗ്രീന്‍ കൃഷി രീതി രക്ഷയ്‌ക്കെത്തുന്നത്.
കൃഷി ചെയ്യാന്‍ പ്രത്യേകം സ്ഥലമോ വളമോ വേണ്ട, കൃഷിപ്പണികളുമില്ല, വീട്ടില്‍ ജനല്‍പ്പടിയിലോ ബാല്‍ക്കണിയോ പോഷക സമ്പുഷ്ടമായ ഇലക്കറികളും ധാന്യങ്ങളും വളര്‍ത്താം... ഇതാണ് മൈക്രോ ഗ്രീന്‍. അതായത് ചുരുക്കിപ്പറഞ്ഞാല്‍ ഒരു ചെടി മുളച്ച് ഒരാഴ്ചയ്ക്കുള്ളില്‍ വിളവെടുക്കുന്ന രീതി. വിത്തിട്ട് തൈയുണ്ടായി അതു നട്ട് കായ് വന്നു പറിച്ചെടുക്കാന്‍ മാസങ്ങള്‍ കാത്തിരിക്കുന്നതിനേക്കാള്‍ നല്ലതല്ലേ പോഷസമ്പുഷ്ടമായ മൈക്രോ ഗ്രീന്‍ രീതി. കൂടുതല്‍ അറിയാന്‍ തുടര്‍ന്നു വായിക്കുക.
.png)
ചെറുപയര്‍, ധാന്യങ്ങള്‍, ചീരവിത്തുകള്‍, കടുക് തുടങ്ങി പ്രാദേശികമായി കിട്ടുന്നവയെല്ലാം മൈക്രോ ഗ്രീന്‍ രീതിയില്‍ കൃഷി ചെയ്യാം. ചെറുപയര്‍ പോലുള്ള ധാന്യങ്ങളാണ് ഏറ്റവും ഉത്തമം. രണ്ട് ചെറിയ ബീജപത്രങ്ങളും നീളം കുറഞ്ഞ ഒരുതണ്ടും ആദ്യത്തെ തളിരിലകളും ചേര്‍ന്നതാണ് മൈക്രോഗ്രീന്‍. ഇവ മുറിച്ചെടുത്ത് തോരനോ കറിയോ തയാറാക്കാം, അല്ലെങ്കില്‍ രുചികരമായ സലാഡുകള്‍ ഒരുക്കാം.
സുക്ഷിരങ്ങളുള്ള പ്ലാസ്റ്റിക് ട്രേയും കുറച്ചു വിത്തുകളും ചകിരിച്ചോറുമാണ് മൈക്രോ ഗ്രീന്‍ വളര്‍ത്തിയെടുക്കാന്‍ ആവശ്യം. ചകിരിച്ചോര്‍ പ്ലാസ്റ്റിക് ട്രേയില്‍ നിരത്തി വളരാനുള്ള ബഡ് തയാറാക്കുക. ട്രേയില്‍ പകുതിയോളം മാത്രം ചകിരിച്ചോര്‍ നിറച്ചാല്‍ മതി. നനച്ച ശേഷം വേണം നിറയ്ക്കാന്‍. ഒരാഴ്ചമാത്രമാണ് നമ്മള്‍ ചെടികള്‍ വളര്‍ത്തുന്നത്, ഇതിനാല്‍ വളങ്ങള്‍ ആവശ്യമില്ല. എട്ടു മണിക്കൂര്‍ വെള്ളത്തിലിട്ട് കുതിര്‍ന്ന വിത്തുകളാണ് നടേണ്ടത്. എട്ടുമണിക്കൂര്‍ വെള്ളത്തിലിട്ടുവച്ചാല്‍ വിത്തുകള്‍ മുളച്ചു തുടങ്ങും. ഇവ ചകിരിച്ചോറിട്ടു തയാറാക്കിയ പ്ലാസ്റ്റിക് ട്രേയില്‍ വിതറുക. നന്നായി ഇടതൂര്‍ന്നു വേണം വിത്തുകള്‍ വിതറാന്‍. ശേഷം മുകളില്‍ കുറച്ചു ചകിരിച്ചോര്‍ ഇട്ട് അമര്‍ത്തുക. മൂന്നോ നാലോ ദിവസം കഴിയുമ്പോഴേക്കും ചെടികള്‍ വളര്‍ന്നു ചകിരിച്ചോറില്‍ നിന്നു പുറത്തേക്കു വരും.
അഞ്ചോ ആറോ ദിവസം കൂടിയാല്‍ പത്ത്- ഇതിനകം ചെടികള്‍ പറിച്ചെടുക്കണം. ദിവസം കൂടും തോറും പോഷക ഗുണങ്ങള്‍ കുറയും. നന്നായി സൂര്യപ്രകാശം ലഭിക്കുന്ന സ്ഥലത്ത് വേണം പ്ലാസ്റ്റിക്ക് ട്രേകള്‍ വയ്ക്കാന്‍. വെള്ളം വാര്‍ന്നു പോകുന്നുണ്ടെന്ന് ഉറപ്പുവരുത്തണം. വല്ലാതെ വാട്ടമുണ്ടെങ്കില്‍ ഇടയ്ക്ക് മുകളില്‍ വെള്ളം തളിച്ചു കൊടുക്കാം. തട്ടുകളാക്കി ട്രേ വയ്ക്കാന്‍ കഴിയുമെങ്കില്‍ ദിവസവും മൈക്രോ ഗ്രീന്‍ വിളവെടുക്കാം. ഒരു ട്രേയില്‍ ഒരുക്കിയ ചകിരിച്ചോറില്‍ നാലോ അഞ്ചോ തവണ വിത്ത് വിതയ്ക്കാം.
ഗുണങ്ങള്‍ നിരവധി
പ്രോസ്റ്റേറ്റ് ക്യാന്‍സര്‍ പോലുള്ള ഗുരുതരമായ രോഗങ്ങള്‍ക്ക് പരിഹാരം കാണുന്നതിന് മൈക്രോഗ്രീന്‍സ് പച്ചക്കറികള്‍ സഹായിക്കുമെന്നാണ് പഠനങ്ങള്‍ പറയുന്നത്. ആന്റി ഓക്‌സിഡന്റുകളുടെ കലവറ കൂടിയാണിവ.ദഹന പ്രശ്നങ്ങള്‍ക്ക് പരിഹാരം കാണാനും ഇവയുടെ ഉപയോഗം സഹായിക്കും. പ്രമേഹം, കൊളസ്‌ട്രോള്‍ എന്നിവ നിയന്ത്രിക്കാനും മൈക്രോ ഗ്രീന്‍ സഹായിക്കുമെന്നാണ് ഡോക്റ്റര്‍മാര്‍ പറയുന്നത്. ശരീരത്തിലെ ചീത്ത കൊളസ്‌ട്രോള്‍ ഇല്ലാതാക്കുന്നതിന് സാധിക്കുന്നു. പക്ഷാഘാതം പോലുള്ള അവസ്ഥകള്‍ പൂര്‍ണമായും ഇല്ലാതാക്കാനും കൂടിയ രക്തസമ്മര്‍ദ്ദത്തേയും ഇല്ലാതാക്കാനും സഹായിക്കും. ഇതിലുമെല്ലാം ഏറ്റവും വലിയ സംഗതി മൈക്രോ ഗീന്‍ രീതിയില്‍ ധാന്യങ്ങള്‍ വളര്‍ത്തിയെടുക്കാന്‍ കുറച്ചു സ്ഥലം മതി, വലിയ അധ്വാനം ആവശ്യമില്ല എന്നതു തന്നെയാണ്.
.jpg){kind=tracking}
പച്ചക്കറികള്‍ മുതല്‍ ഫല വൃക്ഷങ്ങളും തെങ്ങും കവുങ്ങുമെല്ലാം ഇലകള്‍ മഞ്ഞളിച്ചു വാടിത്തളര്‍ന്നു നില്‍ക്കുന്നത് കേരളത്തിലെ സ്ഥിരം കാഴ്ചയാണിപ്പോള്‍. കനത്ത ചൂട് മൂലം ചെടികള്‍ക്കെല്ലാം ക്ഷീണമുണ്ടെങ്കിലും മഞ്ഞളിപ്പ്…
By Harithakeralam
ചൂട് കടുത്തു വരുകയാണ് കേരളത്തില്‍. ഈ സമയത്ത് പച്ചക്കറികള്‍ക്ക് നല്ല പരിചരണം ആവശ്യമാണ്. ഇല്ലെങ്കില്‍ അവ നശിച്ചു പോകും. പഴമക്കാര്‍ പ്രയോഗിച്ചിരുന്ന ചില നാട്ടറിവുകള്‍ നമുക്കും പിന്തുടര്‍ന്നു നോക്കാം. ഗ്രോബാഗിലും…
By Harithakeralam
പയര്‍, തക്കാളി, വഴുതന, വെണ്ട തുടങ്ങിയ വിളകളില്‍ വെയിലിന്റെ കാഠിന്യം കാരണം വിളവ് കുറയുന്നുണ്ടോ...? വളം എത്ര നല്‍കിയിട്ടും ചെടികള്‍ നല്ല പോലെ ഫലം തരുന്നില്ലെങ്കില്‍ ഈ മാര്‍ഗമൊന്നു പരീക്ഷിക്കാം. കടലപ്പിണ്ണാക്കും…
By Harithakeralam
തക്കാളി, വഴുതന, മുളക് മുതലായ വിളകളില്‍ പതിവായി കാണുന്ന പ്രശ്‌നമാണ് ബാക്ടീരിയല്‍ വാട്ടം. തക്കാളിയും വഴുതനയും ഇതു മൂലം വിളവ് നല്‍കാതെ മുരടിച്ചു നിന്നു നശിക്കും. രോഗം വന്നതിനു ശേഷം പ്രതിവിധി തേടിയിട്ട് വലിയ…
By Harithakeralam
ഇടയ്‌ക്കൊരു മഴ ലഭിക്കുന്നുണ്ടെങ്കിലും വെയില്‍ ഇപ്പോഴും കേരളത്തില്‍ ശക്തമാണ്. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികള്‍ക്കാണ്…
By Harithakeralam
ചൂടുള്ള കാലാവസ്ഥയില്‍ കീടങ്ങളുടെ ആക്രമണം പൊതുവേ കൂടുതലയാരിക്കും. കൃഷി തുടങ്ങുമ്പോള്‍ തന്നെ ചില മാര്‍ഗങ്ങള്‍ സ്വീകരിച്ചാല്‍ ഒരു പരിധിവരെ ഇവയെ അകറ്റാം. രോഗ കീടങ്ങളില്‍ നിന്ന് പച്ചക്കറി വിളകളെ സംരക്ഷിച്ചു…
By Harithakeralam
ജനുവരി മുതല്‍ മാര്‍ച്ച് വരെയുള്ള കാലം കേരളത്തില്‍ പാവയ്ക്ക കൃഷി ചെയ്യാന്‍ അനുയോജ്യമാണ്. വേനല്‍ മഴ ലഭിച്ചു വിഷു കഴിഞ്ഞാല്‍ മേയിലും കൃഷി തുടങ്ങാം. കേരളത്തിലെ കാലാവസ്ഥയില്‍ നല്ല വിളവ് തരുന്ന പച്ചക്കറിയാണിത്.…
By Harithakeralam
ഗ്രോബാഗില്‍ നല്ല വിളവ് തരുന്ന പച്ചക്കറി ഏതാണ്...? ഈ ചോദ്യത്തിന് ആദ്യ ഉത്തരം വെണ്ട എന്നു തന്നെയാണ്. ഗ്രോബാഗിലും ചാക്കിലും ചട്ടിയിലുമെല്ലാം വളര്‍ത്താന്‍ ഏറ്റവും നല്ല വിളയാണ് വെണ്ട. ഏതു കാലാവസ്ഥയിലും…
By Harithakeralam
© All rights reserved | Powered by Otwo Designs
Leave a comment