ഒരു തരത്തിലുള്ള ദുര്‍ഗന്ധവും മലിനജലം, പുഴുക്കള്‍ എന്നിവയുടെ പ്രശ്‌നമോ ഒന്നും ഇല്ലാതെ നല്ല പൊടിയായ കമ്പോസ്റ്റ് തയാറാക്കാം.
By Harithakeralam
കേരളത്തിലെ ഏറ്റവും വലിയ തലവേദനയാണ് അടുക്കള മാലിന്യങ്ങളുടെ നിര്‍മാര്‍ജനം. നഗരങ്ങളില്‍ മാത്രമല്ല ഗ്രാമപ്രദേശങ്ങളില്‍പ്പോലും അടുക്കളമാലിന്യങ്ങള്‍ സംസ്‌കരിക്കാന്‍ സ്ഥലമില്ലാതെ ബുദ്ധിമുട്ടുകയാണ്. ഇവ കമ്പോസ്റ്റാക്കി കൃഷിക്ക് ഉപയോഗിക്കുന്നവര്‍ നിരവധിയുണ്ട്. എന്നാല്‍ ഫ്‌ളാറ്റുകളിലും നഗരങ്ങളില്‍ കുറച്ചു സ്ഥലത്ത് താമസിക്കുന്നവര്‍ക്കുമെല്ലാം കമ്പോസ്റ്റ് നിര്‍മാണം പ്രയാസമുള്ള കാര്യമാണ്. ദുര്‍ഗന്ധം വമിക്കുന്നതും പുഴുക്കളും മലിനജലവുമെല്ലാം പലതരത്തിലുള്ള പ്രയാസങ്ങള്‍ സൃഷ്ടിക്കും. ഇതിനുള്ള പ്രതിവിധിയാണ് ഇന്നു പറയുന്നത്. ഒരു തരത്തിലുള്ള ദുര്‍ഗന്ധവും മലിനജലം, പുഴുക്കള്‍ എന്നിവയുടെ പ്രശ്‌നമോ ഒന്നും ഇല്ലാതെ നല്ല പൊടിയായ കമ്പോസ്റ്റ് തയാറാക്കാം.
നല്ലൊരു പ്ലാസ്റ്റിക്ക് ബക്കറ്റാണ് ഇത്തരത്തില്‍ കമ്പോസ്റ്റ് തയാറാക്കാന്‍ ആവശ്യമുള്ള പ്രധാന വസ്തു, പിന്നെ ചകിരിച്ചോറും. ചകിരിച്ചോര്‍ കുറച്ചധികം സ്‌റ്റോക്ക് ചെയ്യുന്നതു നല്ലതാണ്, ഇടയ്ക്കിടയ്ക്ക് ആവശ്യം വരും. പച്ചക്കറി മാലിന്യങ്ങള്‍, പഴത്തൊലി, ഭക്ഷണാവശിഷ്ടങ്ങള്‍, മുട്ടത്തോട്, മീന്‍മുള്ള്, ഇറച്ചിയുടെ എല്ല് എന്നിവയെല്ലാം കമ്പോസ്റ്റുണ്ടാക്കാന്‍ ഉപയോഗിക്കാം. എന്നാല്‍ ഇറച്ചി നേരിട്ട് ഇടേണ്ട, മുട്ടയുടെ തോട് പൊടിച്ചിടുന്നതാണ് നല്ലത്. പച്ചക്കറി-പഴം അവശിഷ്ടങ്ങള്‍ മുറിച്ച് ചെറുതാക്കുന്നതും ഉചിതമാണ്.
.png)
പ്ലാസ്റ്റിക്ക് ബക്കറ്റില്‍ ആദ്യം തന്നെ കുറച്ചധികം ചകിരിച്ചോര്‍ നിറയ്ക്കുക. നമ്മുടെ വീട്ടിലെ മാലിന്യത്തിന്റെ അളവിന് അനുസരിച്ച് ബക്കറ്റിന്റെ വലിപ്പം തീരുമാനിക്കാം. നന്നായി ചകിരിച്ചോര്‍ നിറച്ച ശേഷം ഇതിലേക്ക് ഒരോ ദിവസത്തെയും മാലിന്യങ്ങള്‍ നിക്ഷേപിക്കുക. ഒരോ ദിവസവും മാലിന്യം നിക്ഷേപിച്ച ശേഷം മുകളില്‍ ചകിരിച്ചോര്‍ വിതറണം. മാലിന്യത്തിലെ ജലാംശമെല്ലാം ചകിരിച്ചോര്‍ വലിച്ചെടുക്കും. ഇതിനാല്‍ ദുര്‍ഗന്ധമുണ്ടാകില്ല. മലിനജലമൊഴുകുന്നതും പുഴുക്കളെയുമൊന്നും ഭയക്കേണ്ട കാര്യമില്ല. ജലാംശം കൂടുന്നതായി തോന്നുന്നുണ്ടെങ്കില്‍ ചകിരിച്ചോറിന്റെ അളവ് വര്‍ധിപ്പിക്കാം. അടുക്കളയുടെ ഒരു മൂലയ്ക്ക് തന്നെയീ ബക്കറ്റ് സൂക്ഷിക്കാം.
ആദ്യം നിക്ഷേപിച്ച മാലിന്യങ്ങള്‍ രണ്ടു ദിവസത്തിനുള്ളില്‍ തന്നെ പൊടിയായിട്ടുണ്ടാകും. രണ്ടാഴ്ചയ്ക്കുള്ളില്‍ ബക്കറ്റ് നിറഞ്ഞു മാലിന്യങ്ങള്‍ നല്ല പൊടി പൊടിയായി മാറും. പിന്നെ ഇതെടുത്ത് പ്രയോഗിക്കാം. കമ്പോസ്റ്റിന്റെ അളവിന് അനുസരിച്ച് ചാണകപ്പൊടിയും കുറച്ച് മണലും വിതറി മിക്‌സ് ചെയ്ത ശേഷം വേണം ചെടികള്‍ക്ക് നല്‍കാന്‍. ഫല വര്‍ഗങ്ങള്‍ക്കും പച്ചക്കറികള്‍ക്കും ഏറെ ഗുണം ചെയ്യുമീ കമ്പോസ്റ്റ്. നന്നായി പൂവിടാനും കായ്പിടുത്തമുണ്ടാകാനും കമ്പോസ്റ്റ് സഹായിക്കും.
.jpg){kind=tracking}
വേനല്‍ മഴ പരക്കെ ലഭിച്ചു കഴിഞ്ഞു, എന്നാല്‍ ചൂടിനൊട്ടും കുറവില്ലതാനും. പല സ്ഥലത്തും അന്തരീക്ഷം മേഘാവൃതമാണ് പലപ്പോഴും. കീടങ്ങളുടെ ശല്യം വലിയ രീതിയിലാണെന്നു കര്‍ഷകര്‍ പറയുന്നു. നീരൂറ്റിക്കുടിക്കുന്ന കീടങ്ങളാണ്…
By Harithakeralam
നല്ല പരിചരണം നല്‍കിയ പച്ചക്കറികള്‍ പെട്ടെന്നായിരിക്കും ആരോഗ്യമില്ലാതെ തളര്‍ന്നു വാടിപ്പോകുന്നത്. നീരൂറ്റിക്കുടിക്കുന്ന കീടങ്ങളാണിതിനു കാരണം. ഇവ ഇലകളും തണ്ടും കായ്കളുമെല്ലാം തിന്നു നശിപ്പിക്കും. ഈ കാലാവസ്ഥയില്‍…
By Harithakeralam
ആവശ്യമില്ലാതെ പലയിടത്തും കയറിപ്പറ്റി അഭിപ്രായം പറയുന്നവരെ നാം പരിഹാസത്തോടെ വിളിക്കുന്ന പേരാണ് ഇത്തിള്‍ക്കണികള്‍. എന്നാല്‍ ശരിക്കും ഇത്തരം ഇത്തിള്‍ക്കണികളുണ്ട്, പക്ഷേ ഇവ മരങ്ങളെയാണ് ആക്രമിക്കുന്നത്. ഫല…
By Harithakeralam
ഇടയ്‌ക്കൊന്നു മഴ പെയ്‌തെങ്കിലും കനത്ത ചൂട് തുടരുകയാണ് കേരളത്തില്‍. ഈ കാലാവസ്ഥയില്‍ അടുക്കളത്തോട്ടത്തില്‍ സ്വീകരിക്കേണ്ട മുന്‍കരുതലുകളാണ് ഇന്നു വ്യക്തമാക്കുന്നത്. ചീര, പച്ചക്കറി, വാഴ തുടങ്ങിയവയെ ഈ കാലാവസ്ഥയില്‍…
By Harithakeralam
വേനല്‍ എത്ര ശക്തമാണെങ്കിലും നല്ല പോലെ വിളവ് തരുന്ന പച്ചക്കറിയാണ് കുറ്റിപ്പയര്‍. സാധാരണ പയര്‍ ഇനങ്ങളെപ്പോലെ വള്ളിയായി പടരാത്തതിനാല്‍ ഈയിനത്തിന് പരിചരണം കുറച്ചു മതി. എന്നാല്‍ കുറ്റിപ്പയര്‍ നല്ല പോലെ കായ്ക്കുന്നില്ലെന്ന…
By Harithakeralam
മികച്ച പരിചരണം നല്‍കിയാല്‍ ഏതു കാലാവസ്ഥയിലും നല്ല വിളവ് തരുന്ന പച്ചക്കറിയാണ് കോവല്‍. ഏറെ ഗുണങ്ങളുള്ള കോവല്‍ ആഹാരത്തില്‍ ഇടയ്ക്കിടെ ഉള്‍പ്പെടുത്തുന്നത് നല്ലതാണ്. പന്തലിട്ട് വളര്‍ത്തുന്നതിനാല്‍ കീടങ്ങളും…
By Harithakeralam
വേനല്‍ കടുത്തിട്ടും ഉറുമ്പ് ശല്യത്തിന് അറുതിയില്ലെന്ന് പരാതി ഉള്ളവരാണോ...? വീട്ടിലും കൃഷിയിടത്തുമെല്ലാം ഉറുമ്പുകള്‍ കൂട്ടത്തോടെയെത്തി പ്രശ്‌നങ്ങള്‍ സൃഷ്ടിക്കുന്നു. പച്ചക്കറി വിളകള്‍ നശിപ്പിക്കുന്നതില്‍…
By Harithakeralam
ചൂട് കടുത്തു വരുകയാണ് കേരളത്തില്‍. ഈ സമയത്ത് പച്ചക്കറികള്‍ക്ക് നല്ല പരിചരണം ആവശ്യമാണ്. ഇല്ലെങ്കില്‍ അവ നശിച്ചു പോകും. പഴമക്കാര്‍ പ്രയോഗിച്ചിരുന്ന ചില നാട്ടറിവുകള്‍ നമുക്കും പിന്തുടര്‍ന്നു നോക്കാം. ഗ്രോബാഗിലും…
By Harithakeralam
© All rights reserved | Powered by Otwo Designs
Leave a comment