80 ദിവസമാണ് കണിവെള്ളരിയുടെ ആയുസ്. കണിവെള്ളരി നട്ട് 55-60 ദിവസം കൊണ്ട് ആദ്യകായ് പറിക്കാം. അതിനാല്‍ വിഷുവിനായി ഇപ്പോഴേ കൃഷി തുടങ്ങണം.
By Harithakeralam
വിഷുക്കാലമെത്താനായി... മലയാളിയുടെ കാര്‍ഷിക ഉത്സവമായ വിഷുവിന് പ്രധാനമാണ് കണികാണല്‍. കണിവെള്ളരിയാണ് വിഷുക്കണിയിലെ പ്രധാന പച്ചക്കറി. ഇതു നമ്മുടെ വീട്ടില്‍ തന്നെ കൃഷി ചെയ്തതാണെങ്കില്‍ ഏറെ നല്ലതല്ലേ...? വലിയ അധ്വാനമില്ലാതെ തന്നെ നമ്മുടെ കാലാവസ്ഥയില്‍ കൃഷി ചെയ്ത് വിളവെടുക്കാവുന്ന പച്ചക്കറിയാണ് വെള്ളരി.
80 ദിവസമാണ് കണിവെള്ളരിയുടെ ആയുസ്. കണിവെള്ളരി നട്ട് 55-60 ദിവസം കൊണ്ട് ആദ്യകായ് പറിക്കാം. അതിനാല്‍ വിഷുവിനായി ഇപ്പോഴേ കൃഷി തുടങ്ങണം. മണ്ണ് നന്നായി ഇളക്കി കല്ലും മറ്റുമൊഴിവാക്കി തടമൊരുക്കണം. എന്നിട്ട് കുമ്മായ പ്രയോഗം നടത്തണം. ചാണകപ്പൊടി, എല്ല് പോടി, കോഴിക്കാഷ്ടം എന്നിവ അടിവളമാക്കി നല്‍കി നനച്ച് വിത്തിടാം. നാലോ അഞ്ചോ വിത്തുകള്‍ തലേ ദിവസം നനച്ച് വെച്ച് രാവിലെ ഗ്രോബാഗിലോ കൊത്തിക്കിളച്ച മണ്ണിലോ നടാം.
.png)
നാലോ അഞ്ചോ ദിവസത്തിനുള്ളില്‍ വിത്ത് മുളച്ച് തൈകള്‍ വരും. മുളച്ച് പൊന്തിയ തൈകളില്‍ ആരോഗ്യമുള്ള രണ്ടോ മൂന്നോ നിലനിര്‍ത്തി വളപ്രയോഗം നടത്താം. നിലവിലെ കാലാവസ്ഥയില്‍ ഇലകളെ ആക്രമിക്കാന്‍ നിരവധി കീടങ്ങളെത്തും. ഇവയെ നിരീക്ഷിച്ചു നശിപ്പിക്കുന്നതായിരിക്കും നല്ലത്. ഇടയ്ക്ക് സ്യൂഡോമോണസ് പ്രയോഗിക്കുന്നത് ചെടികള്‍ക്ക് കരുത്ത് പകരും. വള്ളി വീശുമ്പോഴും, പൂവിടുമ്പോഴും വളപ്രയോഗം നടത്തണം. കുറഞ്ഞ അളവില്‍ മാത്രം ചാണകപ്പൊടിയും ചാരവും ഇടാം. ഗോമൂത്രം നേര്‍പ്പിച്ച് ഇലകളില്‍ തളിക്കുന്നതും ഗുണം ചെയ്യും. സ്യൂഡോമോണാസ് 15 ദിവസം ഇടവിട്ട് സ്േ്രപ ചെയ്യണം. ഇലകളെ ആക്രമിക്കുന്ന കീടങ്ങള്‍ രൂക്ഷമായി ആക്രമിച്ചാല്‍ വേപ്പ് അധിഷ്ഠിത ജൈവ വസ്തുക്കള്‍ പ്രയോഗിക്കാം.
നട്ട് 55 - 60 ദിവസം കൊണ്ട് ആദ്യകായ് പറിക്കാം. കായ്കള്‍ യഥാസമയം പറിച്ചെടുക്കുക. നല്ലപോലെ കായ്ക്കാനിതു സഹായിക്കും. ആഴ്ചയില്‍ മൂന്നു തവണയെങ്കിലും നനയ്ക്കുന്നത് നല്ലതാണ്. പൂക്കളെല്ലാം കായ്കളായി ഇടയ്ക്ക് പച്ച ചാണകം നേര്‍പ്പിച്ചതു പോലുള്ള വളങ്ങള്‍ ചേര്‍ത്ത് കൊടുക്കാം.
തക്കാളിക്കൃഷി തുടങ്ങാന്‍ അനുയോജ്യമായ സമയമാണിപ്പോള്‍. ഗ്രോബാഗിലും നിലത്തുമെല്ലാം തക്കാളി തൈകള്‍ നട്ട് തുടങ്ങാം. പൊതുവെ കേരളത്തിന്റെ മണ്ണില്‍ തക്കാളി നല്ല വിളവ് തരാന്‍ പ്രയാസമാണ്, മണ്ണിലെ അമ്ലതയാണ് പ്രശ്നം.…
By Harithakeralam
അനുകൂല കാലാവസ്ഥയായതിനാല്‍ പച്ചക്കറി ചെടികള്‍ നല്ല ആരോഗ്യത്തോടെ വളരുന്നുണ്ടാകും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ ബാധിക്കുന്നത് സാധാരണമാണ്. ഇലകള്‍ നശിച്ചാല്‍ ചെടിയും…
By Harithakeralam
മഴയും വെയിലുമൊന്നും പ്രശ്‌നമല്ലാതെ നല്ല വിളവ് തരുന്ന വിളയാണ് പച്ചമുളക്. കുറച്ചു ദിവസം വെള്ളത്തില്‍ നിന്നാലും പ്രശ്‌നമല്ല മുളക് ചെടി കായ്ക്കും. എന്നാല്‍ രോഗങ്ങളും കീടങ്ങളും ഏതു കാലാവസ്ഥയിലും മുളകിനെ ബാധിക്കും.…
By Harithakeralam
മഴക്കാലത്ത് നല്ല വിളവ് തരുന്ന വിളയാണ് പച്ചമുളക്. വെയിലും മഴയുമൊന്നും പ്രശ്‌നമല്ലാതെ പച്ചമുളക് വളരും. കേരളത്തില്‍ പച്ചമുളക് കൃഷി ചെയ്യാന്‍ അനുയോജ്യമായ സമയവുമിതാണ്. എന്നാല്‍ മുരടിപ്പ്, പൂ കൊഴിച്ചില്‍…
By Harithakeralam
ഏതു കാലാവസ്ഥയിലും നല്ല വിളവ് തരുന്ന പച്ചക്കറിയാണ് പയര്‍ അഥവാ അച്ചിങ്ങ. നമുക്കാവശ്യമായ വിറ്റാമിനുകളും ധാതുലവണങ്ങളും പ്രോട്ടീനും ഏറ്റവും കൂടുതലായി അടങ്ങിയിട്ടുള്ളത് പയറു വര്‍ഗങ്ങളിലാണ്. വിറ്റാമിന്‍ കെ,…
By Harithakeralam
മഴ ശക്തമായി തുടരുന്നതിനാല്‍ അടുക്കളത്തോട്ടത്തില്‍ കൃത്യമായ പരിപാലനം ആവശ്യമാണ്. തെങ്ങിന്‍ തോട്ടം, കുരുമുളക്, പച്ചക്കറി തുടങ്ങിയ വിളകള്‍ക്കാണ് ഈ സമയത്ത് പ്രത്യേക പരിപാലനം ആവശ്യമുള്ളത്.
By Harithakeralam
കാലവര്‍ഷം നേരത്തെ എത്തിയിരിക്കുകയാണ് കേരളത്തില്‍. നല്ല മഴ രണ്ടു ദിവസമായി എല്ലായിടത്തും ലഭിക്കുന്നു. പലയിടത്തും കൃഷിത്തോട്ടം വെള്ളത്തിലായി കഴിഞ്ഞു. ജാതി, പച്ചക്കറികള്‍, കുരുമുളക് പോലുള്ള വിളകള്‍ക്ക് പ്രത്യേക…
By Harithakeralam
മലയാളികള്‍ക്ക് ഏറെ പ്രിയപ്പെട്ട പച്ചക്കറിയാണ് കോവല്‍. ശരീരത്തിന്റെ രോഗ പ്രതിരോധ ശേഷി വര്‍ദ്ധിപ്പിക്കാനും ഹൃദയം, തലച്ചോറ്, വൃക്ക എന്നിവയുടെ ശരിയായ പ്രവര്‍ത്തനത്തിനും കോവല്‍ പതിവായി കഴിക്കുന്നതു നല്ലതാണ്.…
By Harithakeralam
© All rights reserved | Powered by Otwo Designs
Leave a comment