അകത്തളത്തിലെ സുന്ദരികള്‍ അഴകിനും ആരോഗ്യത്തിനും

നമ്മുടെ അകത്തളത്തിന് യോജിച്ച പത്തിനം ചെടികളെക്കുറിച്ചാണ് ഇവിടെ പ്രതിപാദിക്കുന്നത്.

By ഷീല എസ് (Msc Agri)

കേരളത്തിന്റെ കാലാവസ്ഥയ്ക്ക് പറ്റിയ ഇന്‍ഡോര്‍ പ്ലാന്റുകളെക്കുറിച്ചുള്ള പരമ്പര തുടരുകയാണ്. നമ്മുടെ അകത്തളത്തിന് യോജിച്ച പത്തിനം ചെടികളെക്കുറിച്ചാണ് ഇവിടെ പ്രതിപാദിക്കുന്നത്. അതില്‍ ആദ്യത്തെ അഞ്ച് ഇനങ്ങളെക്കുറിച്ചും അവയുടെ പരിപാലന രീതികളും മനസിലാക്കൂ. 

1. സ്നേക്ക് പ്ലാന്റ്   

അകത്തളങ്ങളില്‍ അലങ്കാരച്ചെടിയായി ഏറ്റവും കൂടുതല്‍ ഉപയോഗിക്കുന്നത് സ്നേക്ക് പ്ലാന്റാണ്. വിവിധ വെറൈറ്റികളില്‍ ഈ ചെടി ലഭ്യമാണ്.

1. ട്രൈഫാസിയേറ്റ (ബേര്‍ഡ്സ് നെസ്റ്റ് പ്ലാന്റ് ) കട്ടികുറഞ്ഞ കടുംപച്ചനിറത്തിലുള്ള ഇലകള്‍
2. സിലിണ്ട്രിക്ക – കട്ടികൂടിയ ഉരുണ്ട ഇലകള്‍ (മഞ്ഞ, പച്ച നിറത്തില്‍)
3. വേരിഗേറ്റട് സ്നേക്ക് പ്ലാന്റ് – കട്ടി കൂടിയ നീണ്ട ഇല, മഞ്ഞ ബോര്‍ഡറോട് കൂടി ഉള്ളത്.
4. ട്വിസ്റ്റ് സ്നേക്ക് പ്ലാന്റ് – കട്ടി കൂടിയ നീണ്ട മഞ്ഞ ബോഡര്‍ ഉള്ളത് ചെറുതായി ഇലകള്‍ മടങ്ങിയതും.
5. ഡെസേര്‍ട്ട് സ്നേക്ക് പ്ലാന്റ് – ഈ ചെടി മരുഭൂമിയിലെ കാലാവസ്ഥയില്‍, വെള്ളം കുറച്ചു മാത്രം ഉപയോഗിക്കുന്നത്. പെന്‍സില്‍ പോലെ നീണ്ട ഇലകളാണ്.
പൊതുവില്‍ പറഞ്ഞാല്‍ സാന്‍സിവേരിയ ഇനത്തില്‍പ്പെട്ടവയെല്ലാം വളരെക്കുറിച്ച് പരിചരണം മാത്രം ആവശ്യമുള്ളതും ആഴ്ചയിലൊരിക്കല്‍ മാത്രം നന ആവശ്യമുള്ളതുമാണ്. വേരുപടലത്തിനു നല്ല കട്ടിയുള്ളതിനാല്‍ ആവോളം വായുസഞ്ചാരമുള്ള പോട്ടിങ് മിശ്രിതമാണ് ഇവയ്ക്ക് ആവശ്യം. മണ്ണ്, ചകിരിച്ചോര്‍, പെര്‍ലൈറ്റ്-എല്ലുപൊടി – ജൈവവളം എന്നിവ ഒരേ അനുപാതത്തില്‍ ചേര്‍ത്ത മിശ്രിതമാണ് അനുയോജ്യം. 

Related News

അകത്തളത്തിലെ സുന്ദരികള്‍, അഴകിനും ആരോഗ്യത്തിനും

പച്ചമുളക് നന്നായി കായ്ക്കാന്‍ പച്ചക്കറി മാലിന്യങ്ങള്‍ ഉപയോഗിച്ചൊരു വളം

കൃഷിയില്‍ മാതൃക തീര്‍ത്ത് ഡോക്‌റ്റേഴ്‌സ് ഫാമിലി

ചൂടുകൂടുന്നു, പച്ചക്കറികളില്‍ നീരൂറ്റിക്കുടിക്കുന്ന പ്രാണികളുടെ ആക്രമണവും

2. സ്പൈഡര്‍ പ്ലാന്റ്

ഈ ചെടിയുടെ ഇലയുടെ ഘടന സ്നേക്ക് പ്ലാന്റിന്റേത് പോലെയാണെങ്കിലും വളരെ കട്ടികുറഞ്ഞതും താഴേക്ക് ചാഞ്ഞു കിടക്കുന്നതുമാണ്. വളരെപ്പെട്ടെന്നു വളരുന്ന ചെടിയാണിത്, പേരു പോലെ ചിലന്തിയോട് രൂപസാദൃശ്യം തോന്നും. വായുവിലെ വിഷവസ്തുക്കള്‍ 95 % ഇവ 24 മണിക്കൂറിനുളളില്‍ വലിച്ചെടുക്കുന്നതായി നാസയുടെ പഠനത്തില്‍ തെളിഞ്ഞിട്ടുണ്ട്. ചെറിയ സെറ്റു കളായാണ് ഇവ നടാന്‍ ലഭിക്കുക. നീര്‍വാഴ്ച നല്ല പോലെ ആവശ്യമുള്ള ഈയിനം ചെടികള്‍ ആഴ്ചയില്‍ രണ്ടു പ്രാവശ്യം നനയ്ക്കുന്നതാണ് അനുയോജ്യം. ചെറിയ പൂക്കള്‍ ഉണ്ടാകും, ഇവ ഉണങ്ങിപ്പോകം മുമ്പ് മുറിച്ചു മാറ്റണം.

3. പീസ് ലില്ലി

പേരു സൂചിപ്പിക്കും പോലെ നോക്കുമ്പോള്‍ തന്നെ ഒരു സമാധാനവും സന്തോഷവും അനുഭവപ്പെടും. ജനല്‍ സൈഡുകളില്‍ മനോഹരങ്ങളായ വിസ്താരമുള്ള ചട്ടികളില്‍ വളര്‍ത്താം. വെള്ള പൂക്കള്‍ ചൂടിയ ചെടി ഏറെ മനോഹരമാണ്, സൂര്യപ്രകാരം നേരിട്ട് പതിച്ചാല്‍ ഇലകള്‍ കരിയും. വായുമലിനീകരണം കുറയ്ക്കാന്‍ പ്രത്യേകിച്ച് കാര്‍ബണ്‍ ഡൈ ഓക്സൈഡ്, നീരാവി കുറയാത്ത ജൈവ വസ്തുക്കളെയും നീക്കം ചെയ്യുന്നു. ചെടി പെട്ടെന്നു വളര്‍ന്നു തൈകള്‍ വരുന്നതിനാല്‍ വിസ്താരമുള്ള പോട്ടുകളില്‍ വായുസഞ്ചാരമുള്ള പെര്‍ലൈറ്റുകള്‍ ചേര്‍ന്ന മിശ്രിതം ആവശ്യമാണ്. ആഴ്ചയില്‍ രണ്ടു പ്രാവശ്യം നനക്കണം. 

4. ZZ പ്ലാന്റ്

വലിയ പരിചരണമൊന്നും ആവശ്യമില്ലാതെ എളുപ്പത്തില്‍ വളര്‍ത്താവുന്ന ചെടിയാണിത്. ജലസേചനവും കുറച്ചു മതി. വായുസഞ്ചാരമുള്ള പെര്‍ലൈറ്റ് കലര്‍ന്ന പോട്ടിങ് മിശ്രിതമാണ് നടാന്‍ ആവശ്യം. വീടിന്റെ അകത്തളങ്ങളിലും ഓഫീസ് മുറികളും അലങ്കരിക്കുന്നതിനു നല്ലതാണ്, കൂടാതെ നല്ലൊരു എയര്‍ പ്യൂരിഫയര്‍ കൂടിയാണ്. 

5. കലാത്തിയകള്‍

കലാത്തിയ വെറൈറ്റികള്‍ ഏറെ പ്രചാരമുള്ള ഇന്‍ഡോര്‍ ചെടികളാണ്. ഇവയുടെ ഇലയില്‍ പ്രത്യേക വരയുള്ളത് കൂടുതല്‍ ഭംഗി നല്‍കുന്നു. പരിചരണം, വെള്ളം എന്നിവ വളരെക്കുറച്ചു മതി. കൂടുതല്‍ ഈര്‍പ്പമുള്ള ബാത്ത് റൂമുകളില്‍ വളര്‍ത്താം. ബാത്ത്റൂമില്‍ വളര്‍ത്തുന്ന കലാത്തിയ ഇനങ്ങള്‍ ആഴ്ചയിലൊരിക്കല്‍ മാത്രം നനച്ചാല്‍ മതി. വായുമലിനീകരണം നിയന്ത്രിക്കാന്‍ ഇവയ്ക്ക് കഴിവുണ്ട്.