പ്രമേഹം നിയന്ത്രിക്കാം, പൊണ്ണത്തടി കുറയ്ക്കാം: ശീലമാക്കാം ഈ പച്ചക്കറികള്‍

അമിതമായി മധുരവും ഉപ്പുമെല്ലാം അടങ്ങിയ ഭക്ഷണങ്ങള്‍ കഴിക്കുന്നതിനേക്കാള്‍ നല്ലതാണ് നാരുകള്‍ അടങ്ങിയ പഴങ്ങളും പച്ചക്കറികളും പതിവാക്കുന്നത്.

By Harithakeralam

2025-04-07

നാരുകള്‍ അടങ്ങിയ ഭക്ഷണം ശീലമാക്കുന്നത് ആരോഗ്യത്തിന് ഏറെ നല്ലതാണ്. അമിതമായി മധുരവും ഉപ്പുമെല്ലാം അടങ്ങിയ ഭക്ഷണങ്ങള്‍ കഴിക്കുന്നതിനേക്കാള്‍ നല്ലതാണ് നാരുകള്‍ അടങ്ങിയ പഴങ്ങളും പച്ചക്കറികളും പതിവാക്കുന്നത്. നാരുകള്‍ ധാരാളമുള്ള നമുക്ക് എളുപ്പത്തില്‍ ലഭ്യമാകുന്ന ചില പച്ചക്കറികള്‍ നോക്കാം.

ഗുണങ്ങള്‍

രക്തത്തിലെ പഞ്ചസാരയെ ഉയര്‍ത്തില്ലെന്നതാണ് പ്രധാന ഗുണം, ഇതിനാല്‍ പ്രമേഹ രോഗികള്‍ക്കും കഴിക്കാം. ദഹനത്തിന് ഏറെ നല്ലതാണ്, കുടലിന്റെ ആരോഗ്യം സംരക്ഷിക്കും. വിശപ്പ് കുറയ്ക്കും, ഇതിനാല്‍ വയര്‍ പെട്ടെന്ന് നിറഞ്ഞതായി തോന്നും. ഇതോടെ ഭക്ഷണം കഴിക്കുന്നതിന്റെ അളവ് കുറയും. വണ്ണം കുറയ്ക്കാന്‍ ഏറെ സഹായിക്കും.  

Related News

മണ്ണിന്റെ അമ്ലത കുറയ്ക്കും, വണ്ടുകളെ നശിപ്പിക്കും, കാല്‍സ്യത്തിന്റെ കലവറ: മുട്ടത്തോട് എന്ന ഭീകരന്‍

ഒട്ടക ഇറച്ചി കേരളത്തില്‍ വേണ്ട: നടപടിയുമായി പൊലീസ്

കുഴിമന്തിയിലും ബിരിയാണിയിലും കൃത്രിമ നിറം ചേര്‍ത്ത ഹോട്ടലുകള്‍ പിടിയില്‍

അമേരിക്കയില്‍ മുട്ട വില കുതിച്ചുയരുന്നു; ട്രക്ക് കൊള്ളയടിച്ച് ഒരു ലക്ഷം മുട്ട കടത്തി

1. ബ്രൊക്കോളി

ശീതകാല പച്ചക്കറിയായ ബ്രൊക്കോളി ഇപ്പോള്‍ കേരളത്തിലും ലഭ്യമാണ്. സൂപ്പര്‍ മാര്‍ക്കറ്റുകളിലെല്ലാം കാബേജിനും കോളിഫഌവറിനുമൊപ്പം ബ്രൊക്കോളിയും ഇടം കണ്ടെത്തി കഴിഞ്ഞു. 100 ഗ്രാം ബ്രൊക്കോളിയില്‍ 2.6 ഗ്രാം ഫൈബര്‍ അടങ്ങിയിട്ടുണ്ട്. ഇവ വിശപ്പ് കുറയ്ക്കാനും ദഹനം മെച്ചപ്പെടുത്താനും സഹായിക്കും. സലാഡ് തയാറാക്കാന്‍ ഏറെ നല്ലതാണിത്.

2. ക്യാരറ്റ്  

ജ്യൂസായും പച്ചയ്ക്കും പാകം ചെയ്തുമെല്ലാം കഴിക്കാവുന്ന പച്ചക്കറിയാണ് ക്യാരറ്റ്. വലിയ വിലയുമില്ല താനും, ഏതു കാലത്തും നമ്മുടെ നാട്ടില്‍ ലഭ്യമാണ്. 100 ഗ്രാം ക്യാരറ്റില്‍ 2.8 ഗ്രാം ഫൈബര്‍ അടങ്ങിയിട്ടുണ്ട്. ക്യാരറ്റിന്റെ ഗ്ലൈസെമിക് ഇന്‍ഡക്‌സ് 39 ആണ്. ഇതിനാല്‍ പ്രമേഹ രോഗികള്‍ക്ക് കഴിക്കാം.

3. ചീര  

ചീരയുടെ ഗുണങ്ങള്‍ പ്രത്യേകിച്ചു പറയേണ്ട കാര്യമില്ല. നൂറ്റാണ്ടുകളായി മനുഷ്യന്‍ ചീര ഉപയോഗിക്കുന്നു.  100 ഗ്രാം ചീരയില്‍ 2.2 ഗ്രാം നാരുകള്‍ അടങ്ങിയിട്ടുണ്ട്. ഇവ ബ്ലഡ് ഷുഗര്‍ കുറയ്ക്കാനും ദഹനം മെച്ചപ്പെടുത്താനും സഹായിക്കും. കണ്ണിന്റെ ആരോഗ്യത്തിനും ബുദ്ധി ശക്തിക്കുമെല്ലാം ചീര നല്ലതാണ്.

4. മധുരക്കിഴങ്ങ്  

പണ്ടു കാലത്ത് നമ്മുടെ പ്രിയപ്പെട്ട വിഭവമായിരുന്നു മധുരക്കിഴങ്ങ് പുഴുങ്ങിയത്. ഷവര്‍മയും കുബൂസുമെല്ലാം തീന്‍മേശ കീഴടക്കിയതോടെ മധുരക്കിഴങ്ങ് പോലുള്ളവ പടിക്ക് പുറത്തായി. എന്നാലിതു പോലെ മനുഷ്യനെ രോഗങ്ങളില്‍ നിന്നും സംരക്ഷിക്കുന്ന മറ്റൊരു ഭക്ഷ്യവസ്തുവില്ലെന്നു തന്നെ പറയാം. 100 ഗ്രാം മധുരക്കിഴങ്ങില്‍ 3 ഗ്രാം നാരുകള്‍ അടങ്ങിയിട്ടുണ്ട്. ഇവയും ദഹനം മെച്ചപ്പെടുത്താനും കുടലിന്റെ ആരോഗ്യം സംരക്ഷിക്കാനും സഹായിക്കും. പ്രമേഹ രോഗികള്‍ക്കും  കഴിക്കാം.  

5. ഗ്രീന്‍ പീസ്  

പലതരം കറികള്‍ നാം ഗ്രീന്‍ പീസ് ഉപയോഗിച്ച് തയാറാക്കാറുണ്ട്. 100 ഗ്രാം ഗ്രീന്‍ പീസില്‍ 5.7 ഗ്രാം ഫൈബര്‍ അടങ്ങിയിട്ടുണ്ട്. ഇവയും ദഹനം മെച്ചപ്പെടുത്താനും കുടലിന്റെ ആരോഗ്യത്തിനും നല്ലതാണ്.