മഞ്ചേരി മെഡിക്കല്‍ കോളേജിലെ വിദ്യാര്‍ഥികള്‍ നടത്തിയ പഠനത്തിലാണ് മാറുന്ന ഭക്ഷണ ശീലം മലയാളിയുടെ ആയുസ് കുറയ്ക്കുന്നതായി കണ്ടെത്തിയിരിക്കുന്നത്. അവസാന വര്‍ഷ എംബിബിഎസ് വിദ്യാര്‍ഥികളായ എസ്. അഭയ്, ആര്‍.എസ്. ആര്യരാജ്, പി.പി. അപര്‍ണ എന്നിവരാണ് പഠനം നടത്തിയത്.
By പി.കെ. നിമേഷ്
യുവാക്കളുടെ അകാലമരണത്തില്‍ പ്രധാന വില്ലന്‍ ഭക്ഷണ ശീലം... മഞ്ചേരി മെഡിക്കല്‍ കോളേജിലെ വിദ്യാര്‍ഥികള്‍ നടത്തിയ പഠനത്തിലാണ് മാറുന്ന ഭക്ഷണ ശീലം മലയാളിയുടെ ആയുസ് കുറയ്ക്കുന്നതായി കണ്ടെത്തിയിരിക്കുന്നത്. അവസാന വര്‍ഷ എംബിബിഎസ് വിദ്യാര്‍ഥികളായ എസ്. അഭയ്, ആര്‍.എസ്. ആര്യരാജ്, പി.പി. അപര്‍ണ എന്നിവരാണ് പഠനം നടത്തിയത്. 2024 ജനുവരി ഒന്നിനും ഡിസംബര്‍ 31 നു മിടയില്‍ നടത്തിയ പഠനം ഓര്‍ഗന്‍ സഡന്‍ ഡെത്ത് സ്റ്റഡി എന്ന പേരിലാണ് അവതരിപ്പിച്ചത്.
അസ്വാഭാവിക മരണം സംഭവിച്ച മഞ്ചേരി മെഡിക്കല്‍ കോളേജില്‍ പോസ്റ്റ് മോര്‍ട്ടം നടത്തിയവരില്‍ നിന്നും 39 വയസില്‍ താഴെയുള്ളവരുടെ ഡാറ്റ കലക്റ്റ് ചെയ്യുകയായിരുന്നു പഠനത്തിന്റെ ഭാഗമായി ആദ്യം ചെയ്തത്. ഇതിനു ശേഷം പൊലീസ് സ്‌റ്റേഷനില്‍ നിന്ന് ഇവരുടെ ബന്ധുക്കളുടെ വിവരം രേഖരിച്ചു നേരിട്ട് ബന്ധപ്പെട്ടു. ഇത്തരത്തില്‍ 31 പേരുടെ സാംമ്പിളാണ് ലഭിച്ചത്. ജോലി, ഭക്ഷണ ശീലം, മദ്യപാനം, പുകവലി തുടങ്ങി ബന്ധുക്കളില്‍ നിന്നും നിരവധി കാര്യങ്ങള്‍ ചോദിച്ചറിഞ്ഞതായി എസ്. അഭയ് പറഞ്ഞു. മരിക്കുന്നതിന് 24 മണിക്കൂര്‍ മുമ്പ് വരെ യാതൊരു തരത്തിലുളള ആരോഗ്യപ്രശ്‌നങ്ങളും ഇവര്‍ക്കുണ്ടായിരുന്നില്ല. പക്ഷേ, മദ്യപാനം, പുകവലി, നേരം തെറ്റിയുള്ള ഭക്ഷണ ശീലം എന്നിവയെല്ലാമുള്ളവരായിരുന്നുവെന്നു മനസിലാക്കാന്‍ സാധിച്ചു.
.png)
രാത്രി പത്തിനും രാവിലെ ആറുമണിക്കുമിടയിലാണ് മിക്കവരുടേയും മരണം സംഭവിച്ചിരിക്കുന്നത്. മരിച്ചവരുടെ വയറ്റില്‍ പൊരിച്ച ഇറച്ചി ദഹിക്കാതെ കിടക്കുന്നുണ്ടായിരുന്നു. രാത്രിയില്‍ വിശ്രമം വേണ്ട അവയവങ്ങള്‍ ഭക്ഷണം വൈകി കഴിക്കുന്നതു മൂലം അമിത ജോലി ചെയ്യേണ്ടതായി വരുന്നു. ഇതിനൊപ്പം മദ്യപാനവും പുകവലിയും പോലുള്ളവ കൂടിയുണ്ടാകുമ്പോള്‍ പ്രശ്‌നം രൂക്ഷമാകുന്നു. ഇതിലും വലിയ പ്രശ്‌നം സൃഷ്ടിക്കുന്നവയാണ് കാര്‍ബോ ഹൈഡ്രേറ്റ് അടങ്ങിയ പാനീയങ്ങള്‍.
രാത്രി വറുത്തതും പൊരിച്ചതുമെല്ലാം കഴിച്ചു കൃത്രിമ പാനീയങ്ങള്‍ കുടിക്കുന്ന ശീലമുള്ളവരായിരുന്നു മരണപ്പെട്ടവരില്‍ മിക്കവരുമെന്ന് ബന്ധുക്കളുമായി സംസാരിച്ചതില്‍ നിന്നും മനസിലാക്കാന്‍ സാധിച്ചു. ഇതും ആരോഗ്യസ്ഥിതി ഗുരുതരമാക്കുന്ന കാര്യമാണ്. മിക്കവരും കൂലിപ്പണിയും മറ്റും ചെയ്ത് ജീവിക്കുന്നവരാണ്. ഇടയ്ക്ക് ആരോഗ്യപരിശോധനകള്‍ നടത്തുന്ന ശീലവുമുണ്ടായിരുന്നില്ല. ഹൃദയത്തില്‍ കൊഴുപ്പ് അടിഞ്ഞു കൂടിയതൊന്നും മനസിലാക്കാനും ഇതു മൂലം സാധിച്ചില്ല.
എണ്ണയില്‍ പൊരിച്ചെടുക്കുന്ന ഭക്ഷണങ്ങള്‍ രാത്രി വൈകി കഴിക്കുന്ന ശീലം ഗുരുതരമായ ആരോഗ്യ പ്രശ്‌നങ്ങളാണ് സൃഷ്ടിക്കുന്നതെന്ന് പഠനത്തിലൂടെ വ്യക്തമായതായി ഇവര്‍ പറയുന്നു. തുടര്‍ച്ചയായി ഈ ഭക്ഷണ രീതി പിന്തുടരുന്നതാണ് കുഴപ്പം, ഉറങ്ങുന്നതിനു തൊട്ടുമുമ്പുള്ള ഭക്ഷണ രീതി മാറ്റിയേ പറ്റൂ. ഇത്തരം ഭക്ഷണങ്ങളുടെ അമിതമായ ഉപയോഗം ഹൃദയധമനികളില്‍ കൊഴുപ്പ് അടിഞ്ഞു കൂടാന്‍ കാരണമാകും, ഓക്‌സിജന്‍ വിതരണത്തെ തടസപ്പെടുത്തും. ഇതിനാല്‍ ശരിയായ ഭക്ഷണ ക്രമം പാലിക്കേണ്ടത് അത്യാവശ്യമാണെന്നും മൂവരും പറയുന്നു.
എംബിബിഎസ് പഠനത്തിന്റെ ഭാഗമായി ആറുമാസം ചെലവഴിച്ചാണ് ഈ റിപ്പോര്‍ട്ട് തയാറാക്കിയിരിക്കുന്നത്. കണ്ടെത്തിയ കാര്യങ്ങള്‍ ഏറെ ഗൗരവകരമായതിനാല്‍ ഇക്കാര്യത്തില്‍ വിശദമായ പഠനം നടത്താനാണ് തീരുമാനം. കുറച്ചു കൂടി വര്‍ഷങ്ങള്‍ക്ക് മുമ്പ് മരിച്ചവരുടെ രേഖകകള്‍ കൂടി പരിശോധിക്കും. ഇവയെല്ലാം ചേര്‍ത്ത് വിശദമായ പഠനമാണ് ഇനി ഉദ്ദേശിക്കുന്നതെന്നും എസ്. അഭയ്, ആര്‍.എസ്. ആര്യരാജ്, പി.പി അപര്‍ണ എന്നിവര്‍ പറയുന്നു. കോഴിക്കോട് കൊയിലാണ്ടി സ്വദേശിയാണ് എസ്. അഭയ്, ആര്യ തിരുവനന്തപുരം സ്വദേശിയും അപര്‍ണ രാമനാട്ടുക സ്വദേശിയുമാണ്.
.jpg){kind=tracking}
കരള്‍ പണിമുടക്കിയാല്‍ നമ്മുടെ ആരോഗ്യം നശിക്കും. ശരീരത്തിന് രോഗപ്രതിരോധ ശേഷി നഷ്ടമാവുകയും പലതരം അസുഖങ്ങള്‍ പിടിപെടുകയും ചെയ്യും. മരണത്തിന് വരെയിതു കാരണമാകാം. മദ്യപാനം കരളിനെ നശിപ്പിക്കുന്ന ശീലമാണ്, എന്നാലിപ്പോള്‍…
By Harithakeralam
മനുഷ്യ ശരീരത്തിലെ ഏറ്റവും പ്രധാനപ്പെട്ട അവയവമാണ് കരള്‍. വിഷാംശങ്ങളെ നീക്കുക, കൊഴുപ്പിനെ വിഘടിപ്പിക്കുക, ദഹനം സുഗമമാക്കുക തുടങ്ങി നിരവധി ജോലികള്‍ കരളാണ് ചെയ്യുന്നത്. കരളിന് ആരോഗ്യമില്ലാതായാല്‍ ശരീരം മൊത്തത്തില്‍…
By Harithakeralam
വേനല്‍ കടുത്തതോടെ സണ്‍സ്‌ക്രീന്‍ ഉപയോഗം വര്‍ധിച്ചിരിക്കുകയാണ്. പണ്ടൊക്കെ സിനിമാതാരങ്ങളും മറ്റും ഉപയോഗിച്ചിരുന്ന സണ്‍സ്‌ക്രീനിപ്പോള്‍ നമ്മുടെ നാട്ടിലെല്ലാം സര്‍വസാധാരണമായിരിക്കുന്നു. കടുത്ത വെയിലുണ്ടാക്കുന്ന…
By Harithakeralam
ബദാം, അണ്ടിപ്പരിപ്പ്, വാള്‍നട്ട് തുടങ്ങിയവ വാങ്ങാന്‍ നല്ല ചെലവാണ്, സാധാരണക്കാര്‍ക്ക് ഇതെല്ലാം വാങ്ങി ദിവസവും കഴിക്കാന്‍ കഴിഞ്ഞു കൊള്ളണമെന്നില്ല. എന്നാല്‍ ഏതു വരുമാനക്കാര്‍ക്കും വാങ്ങി കഴിക്കാനുതകുന്നതാണ്…
By Harithakeralam
മൂത്ര സഞ്ചി നിറഞ്ഞിരിക്കുന്നതായി അനുഭവപ്പെട്ടാലും മൂത്രമൊഴിക്കാന്‍ കഴിയാത്ത അവസ്ഥ ചിലര്‍ക്കുണ്ടാകാറുണ്ട്, പ്രത്യേകിച്ചു പുരുഷന്‍മാര്‍ക്ക്. പല കാരണങ്ങള്‍ കൊണ്ടാണീ അവസ്ഥയുണ്ടാകുന്നതെന്ന് പറയുന്നു വിദഗ്ധര്‍…
By Harithakeralam
1. നേന്ത്രപ്പഴം
പൊട്ടാസ്യം ധാരാളം അടങ്ങിയ നേന്ത്രപ്പഴം കഴിക്കുന്നത് ശരീരത്തിന് പെട്ടെന്ന് ഊര്‍ജം ലഭിക്കാനും പേശികളുടെ വളര്‍ച്ചയ്ക്കും ഏറെ സഹായകമാണ്. പ്രീ വര്‍ക്കൗട്ട് ഫുഡായും…
By Harithakeralam
നല്ല ഉറക്കം ആരോഗ്യമുള്ള മനസും ശരീരവും പ്രദാനം ചെയ്യും. ഉറക്കം കുറഞ്ഞാലും കൂടിയാലും ശരീരത്തിന് അപകടമാണ്. ഉറക്കുറവാണ് ഇപ്പോള്‍ യുവാക്കളടക്കം നേരിടുന്ന പ്രശ്‌നം. ഇതു രക്തസമര്‍ദം കൂടാനും ഹൃദയാഘാതത്തിനും വരെ…
By Harithakeralam
രാവിലെ എണീറ്റതുമുതല്‍ അസിഡിറ്റിയും ഗ്യാസും പ്രശ്‌നമുണ്ടാക്കുന്നുണ്ടോ...? ഒരു 35 വയസ് കഴിഞ്ഞ മിക്കവര്‍ക്കും ഈ പ്രശ്‌നമുണ്ടാകും. ചില ഭക്ഷണങ്ങള്‍ കഴിച്ചും ചിലത് ഒഴിവാക്കിയും ഇതുമാറ്റിയെടുക്കാം.
By Harithakeralam
© All rights reserved | Powered by Otwo Designs
Leave a comment