വീട്ടുമുറ്റത്തുള്ള പുല്ലും കരിയിലകളും ഉപയോഗിച്ച് എളുപ്പത്തില്‍ കമ്പോസ്റ്റ് തയാറാക്കാനുള്ള മാര്‍ഗങ്ങള്‍ നോക്കാം.
By Harithakeralam
നല്ല വെയിലായതിനാല്‍ ധാരാളം കരിയില ലഭിക്കുന്ന സമയമാണിപ്പോള്‍. ഉണങ്ങിയ ഇലകള്‍ പറമ്പിലും മറ്റും വീണു കിടക്കുന്നുണ്ടാകും. ഇവ ഉപയോഗിച്ച് കമ്പോസ്റ്റ് തയാറാക്കി കൃഷി ചെയ്യാം. ഗ്രോബാഗില്‍ കൃഷി ചെയ്യുന്നവര്‍ക്ക് ഏറെ അനുയോജ്യമായ ഒന്നാണ് കമ്പോസ്റ്റ്. അടുക്കള മാലിന്യങ്ങളും ഇലകളുമുപയോഗിച്ചാണ് നാം സാധാരണ കമ്പോസ്റ്റ് തയാറാക്കുന്നത്. വീട്ടുമുറ്റത്തുള്ള പുല്ലും കരിയിലകളും ഉപയോഗിച്ച് എളുപ്പത്തില്‍ കമ്പോസ്റ്റ് തയാറാക്കാനുള്ള മാര്‍ഗങ്ങള്‍ നോക്കാം.
1. പച്ചിലയും കരിയിലും
കരിയിലയില്‍ കാര്‍ബണും പച്ചിലയില്‍ നൈട്രജന്റെ അംശവും ധാരാളമുണ്ടാകും. നമ്മുടെ ചുറ്റുപാടുമുള്ള കരിയിലകളും പുല്ലുമെല്ലാം ശേഖരിച്ച ശേഷം ഒരു ചണച്ചാക്കെടുക്കുക. പ്ലാസ്റ്റിക്ക് ചാക്കാണെങ്കിലും കുഴപ്പമില്ല, എന്നാല്‍ ചണച്ചാക്കാണെങ്കില്‍ വായുസഞ്ചാരമെല്ലാം നല്ല പോലെ നടക്കും. പ്രകൃതിദത്തമായ വസ്തുവായതിനാല്‍ ഇതും ഒടുവില്‍ കമ്പോസ്റ്റായി മാറുമെന്ന ഗുണവുമുണ്ട്. ഇതില്‍ മൂന്നില്‍ രണ്ടു ഭാഗം കരിയിലയും ഒരു ഭാഗം പച്ചിലയും നിറയ്ക്കാം. ആദ്യം കരിയിലയിട്ട് ചാണക സ്ലറി ഒഴിച്ചു വീണ്ടും കുറച്ചു പച്ചിലകളോ പുല്ലോയിടുക. പിന്നീട് വീണ്ടും കരിയില, വീണ്ടും ചാണക സ്ലറി, ഇത്തരത്തില്‍ ചാക്ക് നിറച്ചു കെട്ടിവയ്ക്കുക. പുല്ലും പച്ചിലകളും ലഭിച്ചില്ലെങ്കില്‍ അടുക്കളയില്‍ നിന്നുള്ള പച്ചക്കറി അവശിഷ്ടങ്ങളായാലും മതി. ചാക്ക് തണലത്ത് വേണം സൂക്ഷിക്കാന്‍. 15 ദിവസം കൊണ്ട് കമ്പോസ്റ്റായി മാറാന്‍ തുടങ്ങും. ഒരു മാസം കഴിഞ്ഞാല്‍ പുറത്തെടുക്കാം. പൊടിഞ്ഞ ഇലകള്‍ അരിച്ചെടുത്താല്‍ നല്ല കമ്പോസ്റ്റ് പൊടി ലഭിക്കും. ഈ പൊടി ഗ്രോബാഗിലും മറ്റും ഉപയോഗിക്കാം.
2. കരിയില ചാക്കില്‍
ഏറ്റവും എളുപ്പത്തില്‍ ചെയ്യാവുന്ന മാര്‍ഗമിതാണ്, നമ്മുടെ ചുറ്റുമുള്ള കരിയിലകള്‍ ശേഖരിച്ച് ചെറുതായി വെള്ളം തളിച്ച് ചാക്കില്‍ കെട്ടിവയ്ക്കുക. ചാക്ക് കുത്തി നിറച്ച് കരിയിലകള്‍ ഇടാം. ഇതില്‍ ഒരു പിടി മണ്ണുമിട്ട് നല്ല പോലെ കെട്ടി തണലത്ത് വയ്ക്കുക. ചൂടുള്ള കാലാവസ്ഥയില്‍ ഇതു കമ്പോസ്റ്റാകാന്‍ മൂന്നു മാസമെങ്കിലുമെടുക്കും. എന്നാല്‍ മഴക്കാലത്താണെങ്കില്‍ ഒരു മാസം കൊണ്ടു കമ്പോസ്റ്റ് റെഡിയാകും.
3. കരിയിലകള്‍ മണ്ണിരയ്ക്ക്
മുകളില്‍ പറഞ്ഞ രണ്ടു രീതികളിലും കമ്പോസ്റ്റ് തയാറാക്കിയാല്‍ പൂര്‍ണമായി പൊടിയാത്ത ഇലകളും കമ്പുകളുമെല്ലാം ധാരാളം ലഭിക്കും. അത്യാവശ്യം നന്നായി അഴുകിയ ഇവ നേരെ മണ്ണിര കമ്പോസ്റ്റ് തയാറാക്കുന്ന തടത്തിലേക്കിട്ടു കൊടുത്താല്‍ വേഗത്തില്‍ കമ്പോസ്റ്റായി മാറും.
കരിയില കമ്പോസ്റ്റ് ഗുണങ്ങള്‍
1. കമ്പോസ്റ്റ് മണ്ണില്‍ ചേര്‍ത്താല്‍ ഇളക്കമുള്ളതാകും. നല്ല വേരോട്ടമുണ്ടാകാനും ചെടികള്‍ നല്ല പോലെ വളരാനുമിതു സഹായിക്കും.
2. നല്ല നീര്‍വാര്‍ച്ചയും വായു സഞ്ചാരവും ഉറപ്പാണ്, വളങ്ങള്‍ വേഗത്തില്‍ വലിച്ചെടുക്കാന്‍ ഇതു മൂലം ചെടികള്‍ക്ക് സാധിക്കും.
3. കമ്പോസ്റ്റ് തരിച്ചെടുത്തതിനു ശേഷം വരുന്ന അവശിഷ്ടം വേനല്‍ക്കാലത്ത് തടത്തിലിട്ടു കൊടുക്കാം, ഈര്‍പ്പം നിലനിര്‍ത്താനിതു സഹായിക്കും
വേനല്‍മഴ നല്ല പോലെ ലഭിച്ചതോടെ പച്ചമുളക് നടാനുള്ള ഒരുക്കങ്ങള്‍ തുടങ്ങാം. വേനലിലും മഴക്കാലത്തും നല്ല വിളവ് തരുന്ന പച്ചമുളകിന് അഴുകല്‍ രോഗം പ്രശ്‌നമാണ്. വിത്ത് മുളയ്ക്കാതിരിക്കുക, തൈകള്‍ മുരടിച്ചു…
By Harithakeralam
ഒന്നു രണ്ടു മഴ കിട്ടിയതോടെ പച്ചക്കറിച്ചെടികള്‍ അല്‍പ്പമൊന്നു ജീവന്‍ വച്ചു നില്‍ക്കുകയായിരിക്കും. എന്നാല്‍ പല തരത്തിലുള്ള കീടങ്ങളും ഈ സമയത്ത് പ്രശ്‌നക്കാരായി എത്തും. ഇവയെ തുരത്താനും പച്ചക്കറികളുടെ…
By Harithakeralam
മുട്ടത്തോടും ചായച്ചണ്ടിയും ആവശ്യം കഴിഞ്ഞാല്‍ പഴാക്കി കളയാറാണ് പതിവ്. എന്നാലിവ കൊണ്ട് ചെടികള്‍ക്ക് നല്ലൊരു വളര്‍ച്ചാ ഹോര്‍മോണ്‍ തയാറാക്കാം. പൂന്തോട്ടത്തിലെയും പച്ചക്കറി ചെടികളും നന്നായി പൂക്കാന്‍ ഇതു വളരെ…
By Harithakeralam
ഏതു കാലാവസ്ഥയിലും നന്നായി വളരുന്ന കാന്താരി മുളകിനെ സാധാരണ കീട-രോഗ ബാധ വലിയ തോതില്‍ ബാധിക്കാറില്ല. എന്നാല്‍ ചൂട് അനിയന്ത്രിതമായി വര്‍ധിച്ച സാഹചര്യത്തില്‍ ഇലപ്പേന്‍, വെള്ളീച്ച പോലുള്ളവ കാന്താരിയെ വലിയ തോതില്‍…
By Harithakeralam
പച്ചക്കറികള്‍ മുതല്‍ ഫല വൃക്ഷങ്ങളും തെങ്ങും കവുങ്ങുമെല്ലാം ഇലകള്‍ മഞ്ഞളിച്ചു വാടിത്തളര്‍ന്നു നില്‍ക്കുന്നത് കേരളത്തിലെ സ്ഥിരം കാഴ്ചയാണിപ്പോള്‍. കനത്ത ചൂട് മൂലം ചെടികള്‍ക്കെല്ലാം ക്ഷീണമുണ്ടെങ്കിലും മഞ്ഞളിപ്പ്…
By Harithakeralam
എല്ലാം തികഞ്ഞ ജൈവവളമാണ് കോഴിക്കാഷ്ടം. കേരളത്തിലും അയല്‍സംസ്ഥാനങ്ങളിലും ധാരാളം കോഴിഫാമുകള്‍ ഉള്ളതിനാല്‍ ഇതു ലഭിക്കാനും ബുദ്ധിമുട്ടില്ല. അടുക്കളത്തോട്ടത്തിലും ടെറസ് കൃഷിയിലുമെല്ലാം നമ്മള്‍ ധാരാളം കോഴിക്കാഷ്ടം…
By Harithakeralam
തക്കാളിച്ചെടിയെ ആക്രമിക്കുന്നതില്‍ പ്രധാനിയാണ് ചിത്രകീടം. ഇലകളില്‍ക്കൂടി വളഞ്ഞുപുളഞ്ഞു വെള്ള നിറത്തിലുള്ള വരകള്‍ കാണുന്നതാണ് പ്രഥമ ലക്ഷണം. പിന്നീട് ഇവ കരിഞ്ഞ് ഇലകള്‍ നശിച്ചുപോകുന്നു. ചെറിയ തൈകളിലും വലിയ…
By Harithakeralam
വേനല്‍ക്കാലത്ത് പച്ചക്കറികളില്‍ കാണുന്ന പ്രധാന പ്രശ്‌നമാണ് പൂകൊഴിച്ചില്‍. കടുത്ത ചൂട് കാരണം പൂക്കളെല്ലാം കൊഴിയുന്നു, ഇതിനാല്‍ വിളവ് ലഭിക്കുന്നുമില്ല. പയര്‍, തക്കാളി, വഴുതന, വെണ്ട തുടങ്ങിയ വിളകളിലാണ് ഈ…
By Harithakeralam
© All rights reserved | Powered by Otwo Designs
Leave a comment