ചമ്പക്കുളം കൃഷിഭവന് പരിധിയിലെ ചക്കന്കരി പാടശേഖരത്തില് നടത്തിയ പരീക്ഷണമാണ് വിജയം കണ്ടത്. കാര്ഷിക ഡ്രോണില് സീഡ് ബ്രോഡ്കാസ്റ്റിംഗ് യൂണിറ്റ് (seed broadcasting unit) ഘടിപ്പിച്ചാണ് ഡ്രോണ്
ആലപ്പുഴ: വിത്ത് ലാഭം, സമയം ലാഭം, കൂലിചെലവ് ലാഭം. നെല്ലില് വളമിടാന് മാത്രമല്ല, പൂട്ടി ഒരുക്കിയ പാടശേഖരങ്ങളില് വിത്ത് വിതയ്ക്കാനും ഡ്രോണുകള് അനുയോജ്യമെന്നു കണ്ടെത്തിയിരിക്കുകയാണ് കേരള കാര്ഷിക സര്വകലാശാല. ഡ്രോണ് ഉപയോഗിച്ച് നെല്വിത്ത് വിതയ്ക്കാനായി ആലപ്പുഴ, ചമ്പക്കുളം കൃഷിഭവന് പരിധിയിലെ ചക്കന്കരി പാടശേഖരത്തില് നടത്തിയ പരീക്ഷണമാണ് വിജയം കണ്ടത്. കാര്ഷിക ഡ്രോണില് സീഡ് ബ്രോഡ്കാസ്റ്റിംഗ് യൂണിറ്റ് (seed broadcasting unit) ഘടിപ്പിച്ചാണ് ഡ്രോണ് സീഡര് രൂപവല്ക്കരിച്ചത്.
കാര്ഷിക സര്വകലാശാലയുടെ നേതൃത്വത്തില് ആയിരുന്നു പരീക്ഷണം. മങ്കൊമ്പിലെ ഡോ. എം.എസ്. സ്വാമിനാഥന് നെല്ലു ഗവേഷണ കേന്ദ്രവും കോട്ടയം കൃഷി വിജ്ഞാന കേന്ദ്രവും സംയുക്തമായി ചേര്ന്നു ചക്കന്കരി പാടശേഖരത്തിലെ എം.കെ. വര്ഗീസ് മണ്ണുപറമ്പിലിന്റെ ഒരേക്കര് കൃഷിയിടത്തിലായിരുന്നു പരീക്ഷണപറക്കല് നടത്തിയത്. കുട്ടനാട്ടിലെ കൂടുതല് വിസ്തൃതിയുള്ള പാടശേഖരങ്ങളില് കുറഞ്ഞ സമയംകൊണ്ട് ഫലപ്രദമായി വിതയ്ക്കാന് സഹായിക്കുന്ന ഡ്രോണ് സീഡര് ഉപയോഗത്തിലാകുന്നത് വഴി സമയബന്ധിതമായി വിതച്ചു തീര്ക്കാന് സഹായിക്കുന്നു എന്ന് മാത്രമല്ല, കൃത്യമായ വിത്ത് വിതരണവും കുറഞ്ഞ വിത്തളവും ഉറപ്പാക്കുന്നു. കുട്ടനാടന് പാടശേഖരങ്ങളില് ഒരു ഏക്കറിന് 50 കിലോ വിത്താണ് സാധാരണയായി ശുപാര്ശ ചെയ്യുന്നത് എന്നാല് ഡ്രോണ് സീഡര് ഉപയോഗിക്കുമ്പോള് ഏക്കറിന് 30 കിലോ വിത്ത് മതിയാകും എന്ന പ്രത്യേകതയും ഉണ്ട്. പത്തു കിലോ വിത്ത് സംവഹന ശേഷിയുള്ള സീഡറില് മൂന്ന് തവണകളിലായി 30 കിലോ വിത്ത് ചക്കന്കരി പാടശേഖരത്തിലെ ഒരേക്കറില് വിതയ്ക്കാന് 25 മിനിറ്റു മാത്രമാണ് വേണ്ടിവന്നത്.
ഡ്രോണ് ഉപയോഗിച്ച് വളങ്ങളും മൈക്രോ ന്യൂട്രിയെന്റ്സും തളിക്കാറുണ്ടെങ്കിലും വിത നടത്തിയത് ആദ്യമായാണ്. കേരളത്തില് തന്നെ ആദ്യമായാണ് വിത്ത് വിതയ്ക്കാന് ഡ്രോണുകള് ഉപയോഗിക്കുന്നത്. സമയലാഭവും സാമ്പത്തിക ലാഭവും മാത്രമല്ല കൈകൊണ്ടുള്ള വിതയെ അപേക്ഷിച്ച് ഡ്രോണ് ഉപയോഗിച്ചുള്ള വിതയില് വിത്ത് ചവിട്ടി താഴുന്നില്ല എന്നുള്ളതും മണ്ണിലെ പുളിരസം ഇളക്കാതെ വിതയ്ക്കാം എന്നതും മേന്മയാകുന്നു.കൃത്യമായ അകലത്തില് വിതയ്ക്കാന് കഴിയുന്നതിനാല് നെല്ച്ചെടികള് തിങ്ങി നിറഞ്ഞു വിളവ് കുറയുന്ന അവസ്ഥയും ഇല്ലാതാകും. തൊഴിലാളിക്ഷാമം മൂലം കൃഷി മുടങ്ങുന്നതും ഒരു പരിധിവരെ ഒഴിവാക്കാം.
നൂതന സാങ്കേതികവിദ്യകളും യന്ത്രവല്ക്കരണവും നടപ്പാക്കാന് കാര്ഷിക സര്വകലാശാല നടത്തുന്ന പ്രയത്നങ്ങള്ക്ക് ഡ്രോണ് സീഡര് ഒരു പുത്തനുണര്വ് നല്കുമെന്ന് നെല്ല് ഗവേഷണ കേന്ദ്രം മേധാവി ഡോ. എം. സുരേന്ദ്രന് പറഞ്ഞു. മങ്കൊമ്പ് നെല്ല് ഗവേഷണകേന്ദ്രത്തിലെ ശാസ്ത്രജ്ഞരായ ഡോ.ജോബി ബാസ്റ്റിന്, ഡോ. നിമ്മി ജോസ്, ഡോ. ബിന്ധു പി എസ്, കുമരകം കെ വി കെയുടെ മേധാവി ഡോ ജയലക്ഷ്മി, ഡോ.മാനുവല് അലക്സ്, ഡോ. ആശാ പിള്ള എന്നിവരാണ് ഈ ഉദ്യമത്തിന് നേതൃത്വം നല്കിയത്. രോഗ കീടനിയന്ത്രണം സ്വാഭാവികമായിത്തന്നെ നടപ്പാകും എന്നതും ഇതിന്റെ സവിശേഷതയാണ്. ചമ്പക്കുളം പഞ്ചായത്ത് പ്രസിഡന്റ് ജലജകുമാരി, വാര്ഡ് മെമ്പര്, ചമ്പക്കുളം പാടശേഖരത്തിലെ കര്ഷകര്, മാധ്യമ പ്രവര്ത്തകര് എന്നിവരും പങ്കെടുത്തു. കുമരകം കൃഷി വിജ്ഞാന കേന്ദ്രത്തിന്റെ ഉടമസ്ഥതയിലുള്ള ഡ്രോണ് സീഡര്' കൂടുതല് കര്ഷകരിലേയ്ക്ക് എത്തിക്കുവാനുള്ള ഉദ്യമമാണ് ഇനി നടത്തുന്നത്.
തിരുവനന്തപുരം: രാജ്യത്തെ തനത് ജനുസില്പ്പെട്ട കന്നുകാലികളെ സംരക്ഷിക്കുന്നതിനും അവയുടെ പാലുല്പ്പാദനവും, ഉല്പ്പാദനക്ഷമതയും വര്ദ്ധിപ്പിക്കുന്നതിനുമായി, തനത് ജനുസില്പ്പെട്ട കന്നുകാലികളെ പരിപാലിക്കുന്ന…
വെള്ളായണി കാര്ഷിക കോളേജിലെ ഇന്സ്ട്രക്ഷണല് ഫാമില്നിന്നും ഇന്ത്യന് തേനീച്ചയുടെ കോളനികള് കൂടൊന്നിന് 1400/- രൂപാനിരക്കിലും. മണ്ണിരക്കമ്പോസ്റ്റിനനുയോജ്യമായ യുഡ്രിലസ് ഇനത്തില്പ്പെട്ട മണ്ണിരകള്…
തിരുവനന്തപുരം: മൂല്യ വര്ദ്ധനവിലൂടെ കര്ഷകരുടെ വരുമാന വര്ദ്ധനവ് ലക്ഷ്യമിട്ട് നടപ്പിലാക്കുന്ന പദ്ധതികളില് കൃഷിവകുപ്പിന്റെ പുതിയ കാല്വയ്പ്പാണ് കേരളഗ്രോ ഓര്ഗാനിക്, കേരളഗ്രോ ഗ്രീന് എന്നീ…
ന്യൂഡല്ഹി: കാര്ഷിക മേഖലയുടെ ഉന്നമനത്തിനായി 13,966 കോടിയുടെ പദ്ധതിക്ക് കേന്ദ്രമന്ത്രിസഭയുടെ അംഗീകാരം. പ്രധാനമന്ത്രി നരേന്ദ്ര മോദിയുടെ അധ്യക്ഷതയില് ചേര്ന്ന യോഗത്തിലാണ് കാര്ഷിക പ്രവര്ത്തനങ്ങള്ക്ക്…
കല്പ്പറ്റ: സംയോജിത കാപ്പി വികസന പദ്ധതിയുടെ ഭാഗമായി കാപ്പിത്തോട്ടങ്ങളുടെ സമഗ്ര ഉന്നമനത്തിനായി കോഫി ബോര്ഡ് വിവിധ പദ്ധതികള്ക്കായി സബ്സിഡി പ്രഖ്യാപിച്ചു. വിവിധ പദ്ധതികള്ക്കുള്ള അപേക്ഷകള് സെപ്റ്റംബര്…
ചരിത്ര പ്രസിദ്ധമായ ആറന്മുള അഷ്ടമിരോഹിണി മഹാവള്ള സദ്യയ്ക്ക് വിഷരഹിത പച്ചക്കറിയെത്തിച്ചു നല്കാന് കേരള സര്ക്കാര് കൃഷി വകുപ്പ് സ്ഥാപനമായ ഹോര്ട്ടികോര്പ്പും ആറന്മുള പളളിയോട സേവാസംഘവും കരാര് ഒപ്പുവെച്ചു.…
കേരള കാര്ഷിക സര്വ്വകലാശാലയുടെ ഇ-പഠന കേന്ദ്രം നടത്തിവരുന്ന 'രോഗകീട നിയന്ത്രണം ജൈവ ജീവാണു മാര്ഗങ്ങളിലൂടെ' എന്ന വിഷയത്തിലെ സൗജന്യ ഓണ്ലൈന് പരിശീലന പരിപാടിയുടെ പുതിയ ബാച്ച് 2024 ഓഗസ്റ്റ്…
ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി കേരള മൃഗസംരക്ഷണ വകുപ്പ് സംസ്ഥാന വ്യാപകമായി ഉരുക്കള്ക്ക് 2024 ഓഗസ്റ്റ് 1-ാം തീയതി മുതല് 30 പ്രവൃത്തി ദിവസങ്ങളിലായി കുളമ്പുരോഗപ്രതിരോധ കുത്തിവയ്പ് അഞ്ചാംഘട്ടവും…
© All rights reserved | Powered by Otwo Designs
Leave a comment