അടുക്കളയില് നിന്നു ദിവസവും ഒഴിവാക്കുന്ന അഴുകുന്ന വസ്തുക്കളില് പ്രധാനമാണ് മത്സ്യാവശിഷ്ടം.
By Harithakeralam
മലയാളികളുടെ പ്രിയപ്പെട്ട ഭക്ഷണമാണ് മീന്. ചോറും മീന് കറിയുമാണ് നമ്മുടെ ഇഷ്ടഭക്ഷണം. മത്സ്യാവശിഷ്ടങ്ങള് ധാരാളം നമ്മുടെ അടുക്കളയിലുണ്ടാകുമെന്നു സാരം. ഇവ നശിപ്പിച്ചു കളയുന്നത് പലര്ക്കും തലവേദനാണ്, പ്രത്യേകിച്ച് നഗര പ്രദേശങ്ങളില് താമസിക്കുന്നവര്ക്ക്. അടുക്കളത്തോട്ടത്തിലെ പച്ചക്കറികള്ക്ക് മികച്ച വളമാണിത്.
ആഴ്ചയില് ഒരിക്കലെങ്കിലും മീന് ഉപയോഗിക്കാത്ത വീടുകള് കേരളത്തില് ഇല്ലെന്നു തന്നെ പറയാം. മീന് കഴുകി കിട്ടുന്ന വെള്ളം ചെടികളുടെ പെട്ടെന്നുള്ള വളര്ച്ചക്ക് സഹായിക്കും. ഇവ പച്ചക്കറികളുടെ തടത്തിലൊഴിച്ചു കൊടുത്ത ശേഷം കുറച്ചു മണ്ണ് വിതറണം. എന്നാല് ഉറുമ്പ് പോലുള്ളവയുടെ ശല്യമൊഴിവാക്കാം.
അടുക്കളയില് നിന്നു ദിവസവും ഒഴിവാക്കുന്ന അഴുകുന്ന വസ്തുക്കളില് പ്രധാനമാണ് മത്സ്യാവശിഷ്ടം. പച്ചക്കറികളുടെ അവശിഷ്ടങ്ങള്, ബാക്കി വന്ന പാകം ചെയ്ത ഭക്ഷ്യവസ്തുക്കള്, മുട്ടത്തോട് എന്നിവയെല്ലാം വളമാക്കാം ഇതിനൊപ്പം ചേര്ക്കാം. പൈപ്പ്, ബക്കറ്റ്, ചെറിയ ടാങ്ക് എന്നിവ കൂടി വേണം കമ്പോസ്റ്റ് തയാറാക്കാന്. മത്സ്യാവശിഷ്ടങ്ങള് ജലാംശം പരമാവധി ഒഴിവാക്കിയും ചെറുതാക്കിയും വേണം മറ്റുള്ളവയോടൊപ്പം ടാങ്കിലോ പൈപ്പിലോ ബക്കറ്റിലോ നിക്ഷേപിക്കാന്. ബാക്റ്റീരിയ ലായനി, ഇഎം ലായനി എന്നിവ ഏതെങ്കിലും ഇടക്ക് ഇതിലൊഴിച്ചു വല്ലപ്പോഴും ഇളക്കി കൊടുക്കണം. ബാക്റ്റീരിയ പ്രവര്ത്തനത്തിലൂടെ ജൈവ വസ്തുക്കള് പൊടിഞ്ഞു വളമാകും. ഇടയ്ക്ക് പച്ചച്ചാണകമൊരു കപ്പ് ഒഴിച്ചു കൊടുക്കുന്നത് ബാക്റ്റിരിയ പ്രവര്ത്തനം ത്വരിതപ്പെടുത്തും. പുളിച്ച മോര് ഈ കമ്പോസ്റ്റിങ്ങ് പ്രവര്ത്തനത്തിനാക്കം കൂട്ടും. രണ്ടു മൂന്നു മാസം കൊണ്ട് നല്ല വളമായി മാറും. ഇത് എല്ലാതരം വിളകള്ക്കും തടത്തിലിട്ട് കൊടുക്കാം.
വീട്ടില് തന്നെ ഉണ്ടാക്കാന് പറ്റുന്ന വളര്ച്ചാ ഉത്തേജകമാണ് ഫിഷ് അമിനോ. മത്തി അഥവാ ചാളയാണ് ഇതിനായി ഉപയോഗിക്കുക. മത്തി ചെറിയ കഷ്ണങ്ങളാക്കി ഭരണിയിലോ, പ്ലാസ്റ്റിക്ക് പാത്രത്തിലോ ഒരു മാസമിട്ട് വെക്കണം. ശേഷം നന്നായി ഇളക്കി അതിന്റെ നീര് ഊറ്റിയെടുത്ത് മറ്റൊരു കുപ്പിയിലേക്ക് മാറ്റിവെക്കാം. ഒരു ലിറ്റര് വെള്ളത്തില് 25 ml ഫിഷ് അമിനോ എന്ന കണക്കിനെടുത്ത് നന്നായി ഇളക്കി ഇലകളില് സ്പ്രെ ചെയ്യാം. ഇലകളില് തളിക്കുന്നത് അതിരാവിലെയായാല് നല്ലത്. ശ്രദ്ധിക്കേണ്ട മറ്റൊരു കാര്യം വീര്യം കൂടുതലായാല് ഇലകള് ഇലകള് വാടി പൊഴിഞ്ഞ് പോകും.
പയര് കൃഷിയിലെ ഏറ്റവും വില്ലന് ചാഴിയാണ്. മൂപ്പ് എത്തുന്നതിന്റെ മുമ്പു തന്ന ചാഴി പയറില് പറ്റിക്കൂടി പയര് മണികളിലെ നീരു കുടിച്ച് നശിപ്പിക്കുന്നു. ചാഴിയെ അകറ്റാന് ഒരു കര്ഷകര് കണ്ടെത്തിയ വിദ്യയാണ് ഉണക്കമീന് ലായനി. പെട്ടെന്ന് അഴുകുന്ന മത്തി, അയല തുടങ്ങിയ മീനുകളാണ് ഇതിനായി ഉപയോഗിക്കേണ്ടത്. ഒരു പാത്രത്തില് ഉണക്കമീന് ചെറു കഷ്ണങ്ങളാക്കി വെള്ളമൊഴിച്ചു വെക്കുക. രണ്ടു മൂന്ന് ദിവസം കഴിഞ്ഞ് കൈ ഉറയുടെ സഹായത്തോടെ നന്നായി കുഴമ്പ് രൂപത്തിലായ മീന് ലായനി അരിച്ചെടുത്ത് ആവിശ്യത്തിന് വെള്ളം ചേര്ത്ത് പയറിന്റെ ഇലകളിലും ചെറു തണ്ടിലും സ്േ്രപ ചെയ്യാം. ഇങ്ങനെ മൂന്ന് നാല് ദിവസം കൂടുമ്പോള് ചെയ്യുമ്പോഴെക്കും ചാഴി ശല്യം പൂര്ണ്ണമായും ഇല്ലാതാകും.
പച്ചക്കറികളും പഴവര്ഗങ്ങളും നടുന്നതിനു മുമ്പ് നിലമൊരുക്കാനായി കുമ്മായം ചേര്ക്കാറുണ്ട്. കുമ്മായം ചേര്ത്ത് ഒരാഴ്ച മുതല് പത്ത് ദിവസം കഴിഞ്ഞേ തൈകള് നടുകയോ വിത്തിടുകയോ ചെയ്യാറുള്ളൂ. മണ്ണിന്റെ അമ്ലത ക്രമീകരിക്കാനും…
By Harithakeralam
വേനല്ക്കാലത്ത് പച്ചക്കറികള് നല്ല വിളവ് തരുമെങ്കിലും കീടങ്ങളുടെ ആക്രമണം രൂക്ഷമായിരിക്കും. ഇലതീനിപ്പുഴു, മഞ്ഞ, ശല്ക്കകീടം, മീലിമുട്ട, വെള്ളീച്ച തുടങ്ങി നിരവധി കീടങ്ങള് പച്ചക്കറികളെ നശിപ്പിക്കാനെത്തും.…
By Harithakeralam
എല്ലാകാലത്തും നല്ല കായ്ഫലം നല്കുന്നവയാണ് വഴുതന വിളകളായ പച്ചമുളക്, തക്കാളി, വഴുതന എന്നിവ. അടുക്കളയില് മിക്ക ദിവസവും ആവശ്യമുള്ളവയാണ് പച്ചമുളകും തക്കാളിയും. ഇതര സംസ്ഥാനത്ത് നിന്ന് അമിതമായി…
By Harithakeralam
അസഹ്യമായ മണമുള്ള ഇലയാണ് പപ്പായയുടേത്, ഒരു പ്രത്യേക തരം കറയുമുണ്ട്. ജൈവകര്ഷകര് പപ്പായ ഇല കീടനാശിനിയായി ഉപയോഗിക്കാറുമുണ്ട്. എന്നാല് ഇലതീനിപ്പുഴു, വെള്ളീച്ച എന്നിവയുടെ ആക്രമണം ശക്തമാണെങ്കില് പപ്പായ ഇല…
By Harithakeralam
നല്ല തണുപ്പുണ്ടായിരുന്നതിനാല് കാബേജ് പോലുള്ള ശീതകാലപച്ചക്കറികള്ക്ക് മികച്ച വിളവാണ് ഇത്തവണ ലഭിച്ചിരിക്കുന്നത്. എന്നാല് വളര്ച്ചയെത്തിയ കാബേജ് ചെടിയെ പുഴുക്കള് വലിയ രീതിയില് ആക്രമിക്കുന്നുണ്ട്. ഡയമണ്ട്…
By Harithakeralam
ചീര നല്ല വിളവ് തരുന്ന സമയമാണിപ്പോള്. നനയ്ക്കാനുള്ള സൗകര്യമുണ്ടെങ്കില് ഇക്കാലത്ത് ചീരയില് നിന്നും നല്ല വിളവ് ലഭിക്കും. എന്നാല് കീടങ്ങളുടെ ആക്രമണവും രൂക്ഷമായിരിക്കും. ഇലതീനിപ്പുഴുക്കളാണ് വലിയ പ്രശ്നം…
By Harithakeralam
പൊള്ളുന്ന വെയിലത്തും പച്ചമുളകില് നല്ല വിളവ് ലഭിക്കാന് വീട്ടില് തന്നെ ലഭിക്കുന്ന വസ്തുക്കള് ഉപയോഗിച്ചൊരു വളം തയാറാക്കിയാലോ. വിപണിയില് ലഭിക്കുന്ന പച്ചക്കറികളില് ഏറ്റവുമധികം രാസകീടനാശിനികള് പ്രയോഗിക്കുന്നവയാണ്…
By Harithakeralam
നല്ല പരിചരണം നല്കിയാല് വെയിലത്തും മികച്ച വിളവ് തരുന്ന വിളയാണ് പച്ചമുളക്. ഇലപ്പേന്, വെള്ളീച്ച എന്നിവയുടെ ആക്രമണം പച്ചമുളകില് രൂക്ഷമാണെന്ന് പലരും പരാതി പറയുന്നുണ്ട്. കാലാവസ്ഥയിലെ പ്രശ്നങ്ങള്…
By Harithakeralam
© All rights reserved | Powered by Otwo Designs
Leave a comment