പൊതുവെ പിടിച്ചു കിട്ടാന്‍ പ്രയാസമുള്ള കറിവേപ്പിന് ചൂടില്‍ നിന്നു യഥാസമയം സംരക്ഷണം നല്‍കിയില്ലെങ്കില്‍ നശിച്ചു പോകുമെന്ന് ഉറപ്പാണ്.
By Harithakeralam
വേനലിനെ പേടിയുള്ള ചെടിയാണ് കറിവേപ്പ്. ഇത്തവണ തുടക്കത്തിലേ നല്ല ചൂടുള്ളതിനാല്‍ കറിവേപ്പിന് പ്രത്യേക ശ്രദ്ധ നല്‍കണം. പൊതുവെ പിടിച്ചു കിട്ടാന്‍ പ്രയാസമുള്ള കറിവേപ്പിന് ചൂടില്‍ നിന്നു യഥാസമയം സംരക്ഷണം നല്‍കിയില്ലെങ്കില്‍ നശിച്ചു പോകുമെന്ന് ഉറപ്പാണ്. ഈ സമയത്ത് കറിവേപ്പ് ചെടിക്ക് നല്‍കേണ്ട പ്രത്യേക സംരക്ഷണ മാര്‍ഗങ്ങള്‍ നോക്കാം.
നാരങ്ങ നീര്
ഉഷ്ണം മാറ്റാനുള്ള പ്രധാന പ്രതിവിധിയാണ് നാരങ്ങ ജ്യൂസ്. പലതരത്തില്‍ നാരങ്ങവെള്ളം പൂശുന്നവരാണ നമ്മള്‍. കറിവേപ്പിനും വേനലില്‍ നാരങ്ങ നീര് ഏറെ നല്ലതാണ്. ഒരു നാരങ്ങ പിഴിഞ്ഞ് നീരെടുക്കുക. ഇത് ഒരു ലിറ്റര്‍ വെള്ളത്തില്‍ കലര്‍ത്തി ചുവട്ടിലൊഴിച്ചു കൊടുക്കുക. ചെടിയുടെ എണ്ണത്തിന് അനുസരിച്ചു നാരങ്ങയുടെ എണ്ണം വര്‍ധിപ്പിക്കാം. അച്ചാറുണ്ടാക്കാന്‍ നാരങ്ങ പുഴുങ്ങിയെടുക്കാറുണ്ടല്ലോ, ഈ ആവി കയറ്റിയ വെള്ളവും കറിവേപ്പിന് ഒഴിക്കാം. മുഞ്ഞ പോലുള്ളൊരു പേന്‍ കറിവേപ്പിന്റെ തണ്ടുകളില്‍ ഇക്കാലത്ത് കൂടു കൂട്ടും. ഇലകളുടെ പച്ചപ്പ് കളഞ്ഞ് തണ്ട് നശിപ്പിക്കുന്ന ഇവയെ തുരത്താനും നാരങ്ങ സഹായിക്കും. മഞ്ഞള്‍ പൊടി കലക്കിയ നാരങ്ങ വെള്ളം തളിച്ചാല്‍ ഇവ പോയിക്കിട്ടും.
.jpg)
വളപ്രയോഗം
ചെടിയുടെ വേരുകള്‍ മുറിയാതെ മണ്ണിളക്കുക. ആവശ്യമില്ലാത്ത പുല്ലുകളും മറ്റു കളകളും പറിച്ചു കളഞ്ഞ ശേഷം ഉണങ്ങിയ ചാണകപ്പൊടിയിട്ടു കൊടുക്കുക. ആവശ്യത്തിന് അനുസരിച്ച് ചാണകപ്പൊടി വട്ടത്തിലിട്ടു കൊടുക്കാം. ഇതിന് ശേഷം കുറച്ചു എല്ല് പൊടി വിതറുക. ഇതിന് ശേഷം മണ്ണിട്ടു മൂടി കരിയിലകളോ ചകിരിയോ ഉപയോഗിച്ച് പുതയിട്ടു പതിവായി നനയ്ക്കുക.
കഞ്ഞിവെള്ളം
കറിവേപ്പിന് കഞ്ഞിവെള്ളം പോലെ ഗുണം ചെയ്യുന്ന മറ്റൊരു വളമില്ല. രണ്ടോ മൂന്നോ ദിവസം പുളിപ്പിച്ച കറിവേപ്പില്‍ രണ്ടു ടേബിള്‍ സ്പൂണ്‍ വിനാഗിരി ഒഴിക്കുക. ഇതില്‍ ഇരട്ടിവെള്ളം ചേര്‍ത്തു നേര്‍പ്പിച്ച് ഒഴിച്ചു കൊടുക്കാം. മാസത്തില്‍ രണ്ടു തവണ ഇങ്ങനെ ചെയ്താല്‍ ഈ വേനല്‍ക്കും നല്ല പോലെ പച്ച ഇലകള്‍ ലഭിക്കും. ഇതു പോലെ ഫിഷ് അമിനോ ആസിഡ് ചേര്‍ത്തും കഞ്ഞിവെള്ളം പ്രയോഗിക്കാം. ദ്രാവക രൂപത്തില്‍ വളങ്ങള്‍ നല്‍കുന്നതാണ് ഇക്കാലത്ത് നല്ലത്. ജൈവസ്ലറി, ബയോഗ്യാസ് സ്ലറി എന്നിവ നേര്‍പ്പിച്ച് ആഴ്ചയില്‍ ഒരു പ്രാവശ്യമെങ്കിലും നല്‍കുക.
ഇലകളില്‍ പുള്ളിക്കുത്ത്
വേനല്‍ ശക്തമായാല്‍ കറിവേപ്പ് ഇലകളില്‍ പുള്ളിക്കുത്തുകള്‍ പ്രത്യക്ഷപ്പെടാം. വേപ്പെണ്ണ, സോപ്പ് മിശ്രിതം ഉപയോഗിച്ച് ഇവയെ നേരിടാം. അഞ്ച് മില്ലി വേപ്പെണ്ണ, അഞ്ച് മില്ലി ലിക്വിഡ് സോപ്പ്, ഒരു നുള്ള സോഡാപ്പൊടി എന്നിവ ഒരു ലിറ്റര്‍ വെള്ളത്തില്‍ കലക്കി നല്ല പോലെ സ്‌പ്രേ ചെയ്താല്‍ ഈ രോഗത്തില്‍ നിന്നും ചെടികളെ രക്ഷിക്കാം. ആഴ്ചയിലൊരിക്കല്‍ ഇങ്ങനെ ചെയ്യണം.
തക്കാളിയുടെ ആകൃതിയിലുള്ള വഴുതന, ഒറ്റനോട്ടത്തില്‍ മാത്രമല്ല കൈയിലെടുത്ത് നോക്കിയാലും തക്കാളിയാണെന്നേ പറയൂ. തക്കാളി വഴുതന എന്നയിനത്തെ പറ്റി കേട്ടിട്ടുണ്ടോ...? ആകൃതിയിലും നിറത്തിലുമെല്ലാം വ്യത്യസ്തങ്ങളായ…
By Harithakeralam
വീട്ടാവശ്യത്തിനുള്ള പച്ചക്കറികള്‍ വളര്‍ത്തിയെടുക്കാന്‍ ചെലവ് ചുരുക്കി വളങ്ങള്‍ തയാറാക്കാം. അടുക്കള മാലിന്യമായി നാം വലിച്ചെറിയുന്ന വസ്തുക്കള്‍ ഉപയോഗിച്ച് ഒരു രൂപ പോലും ചെലവില്ലാതെ ഇത്തരം വളങ്ങള്‍ തയാറാക്കാം.…
By Harithakeralam
ഏതു കാലാവസ്ഥയിലും വലിയ കുഴപ്പമില്ലാതെ വിളവ് തരുന്ന ഏക പച്ചക്കറിയാണ് പയര്‍. മഴയും വെയിലും മഞ്ഞുകാലവുമൊന്നും പയറിന് വളരാന്‍ പ്രശ്‌നമല്ല. കീടങ്ങളെ അകറ്റാനുള്ള നടപടികള്‍ സ്വീകരിച്ചാല്‍ നല്ല വിളവ് പയറില്‍…
By Harithakeralam
അടുക്കളയില്‍ സ്ഥിരമായി ഉപയോഗിക്കുന്ന സവാള നമ്മുടെ വീട്ടിലും കൃഷി ചെയ്താലോ...? കേരളത്തിലെ കാലാവസ്ഥയില്‍ സവാള വളരില്ല എന്നതായിരിക്കും മിക്കവരുടേയും മറുപടി. എന്നാല്‍ വലിയ തോതില്‍ ഇല്ലെങ്കിലും നമുക്കും സവാള…
By Harithakeralam
കാലാവസ്ഥയില്‍ അടിക്കടി മാറ്റങ്ങളുണ്ടാകുന്നതിനാല്‍ പല സ്ഥലങ്ങളിലും മണ്ണിന്റെ ഘടനയില്‍ വലിയ മാറ്റങ്ങള്‍ സംഭവിക്കുന്നുണ്ട്. ജൈവ വസ്തുക്കളുടെ അളവ് മണ്ണില്‍ വലിയ തോതില്‍ കുറഞ്ഞു വരുന്നുണ്ടെന്നാണ് പഠനങ്ങള്‍…
By Harithakeralam
പച്ചക്കറിക്കൃഷിയെ വിവിധ തരം അസുഖങ്ങളും കീടങ്ങളും ആക്രമിക്കാനെത്തുന്ന സമയമാണിപ്പോള്‍. മഴയും ശക്തമായ വെയിലും ഇടയ്ക്കിടെ വരുന്നതിനാല്‍ നല്ല പരിചരണം വിളകള്‍ക്ക് ആവശ്യമാണ്. ഈ സമയത്ത് കൃഷിയില്‍ പ്രയോഗിക്കാവുന്ന…
By Harithakeralam
ശക്തമായ മഴ കുറച്ചു ദിവസം കൂടി കേരളത്തില്‍ തുടരുമെന്നാണ് കാലാവസ്ഥ പ്രവചനം. മഴ മാറിയാല്‍ പിന്നെ മഞ്ഞുകാലമാണ്. പച്ചക്കറിക്കൃഷി തുടങ്ങാന്‍ അനുയോജ്യമായ സമയം. അടുക്കളത്തോട്ടം ഉഷാറാക്കാന്‍ ആഗ്രഹിക്കുന്നവര്‍…
By Harithakeralam
ഏറെ ഗുണങ്ങള്‍ നിറഞ്ഞ പച്ചക്കറിയാണ് പാവയ്ക്ക. എന്നാല്‍ കയ്പ്പ് കാരണം മിക്കവരും അടുക്കളയില്‍ പാവയ്ക്കയ്ക്ക് സ്ഥാനം നല്‍കുന്നില്ല. എന്നാല്‍ കയ്പ്പില്ലാത്ത പാവയ്ക്ക് അഥവാ കന്റോല വളര്‍ത്തിയാലോ. കേരളത്തില്‍…
By Harithakeralam
© All rights reserved | Powered by Otwo Designs
.jpg)
Leave a comment