ഔഷധഗുണങ്ങളാല്‍ സമ്പന്നമായ ആകാശവെള്ളരിയില്‍ അയേണ്‍ ,കാല്‍സ്യം, ഫോസ്ഫറസ് തുടങ്ങിയവ ധാരാളമായുണ്ട്.
By Harithakeralam
പഴമായും പച്ചക്കറിയായും ഉപയോഗിക്കാം ഔഷധച്ചെടികളുടെ കൂട്ടത്തിലും വേണമെങ്കില്‍പ്പെടുത്താം, ഒരിക്കല്‍ നട്ടാല്‍ വര്‍ഷങ്ങളോളം വിളവ് തരും, ജീവിത ശൈലി രോഗങ്ങളെ തുരത്താന്‍ ഏറെ നല്ലതാണ്... ആകാശ വെളളരിയെക്കുറിച്ചാണ് പറയുന്നത്. നമ്മുടെ നാട്ടില്‍ നല്ല വിളവ് തരുന്ന നാടന്‍ ഇനമാണിത്. വലിയ പരിചരണമൊന്നുമില്ലാതെ ആകാശവെള്ളി വീട്ടുവളപ്പില്‍ വളര്‍ത്താം.
വെള്ളം കെട്ടികിടക്കാത്ത നല്ല വെയില്‍ ലഭിക്കുന്ന സ്ഥലം വേണം കൃഷിക്കായി തെരഞ്ഞെടുക്കാന്‍. വിത്തും തൈകളും നടാനായി ഉപയോഗിക്കാം. നല്ല നഴ്‌സറികളില്‍ നിന്നും തൈ വാങ്ങി നടുന്നതാണ് ഉചിതം. രണ്ടടി വീതം നീളം, വീതി, ആഴം എന്ന അളവിലെടുത്ത കുഴികളില്‍ മേല്‍മണ്ണ്, ഉണക്ക ചാണകപ്പൊടി, കമ്പോസ്റ്റ്, വേപ്പിന്‍ പിണ്ണാക്ക് എന്നിവ ചേര്‍ത്തിളക്കി തൈകള്‍ നടാം.
.jpg)
വള്ളി വീശി തുടങ്ങിയാല്‍ പന്തലിട്ടു കൊടുക്കണം. മഴയില്ലാത്തപ്പോള്‍ ദിവസവും നന്നായി നനച്ചു കൊടുക്കണം. മരങ്ങളിലും പടര്‍ത്താമെങ്കിലും കായ്കള്‍ പറിച്ചെടുക്കാന്‍ പന്തലില്‍ പടര്‍ത്തുന്നതാണ് നല്ലത്. ഇടയ്ക്കിടയ്ക്ക് വളപ്രയോഗം നടത്താം. ചാണകപ്പൊടി, കമ്പോസ്റ്റ് പോലുള്ള വളങ്ങള്‍ നല്‍കാം. പന്തല്‍ വിളകളെ ബാധിക്കുന്ന കീടങ്ങള്‍ ഇവിടെയുമെത്താം, ശ്രദ്ധിക്കണം. ഖര-ദ്രവ രൂപങ്ങളിലുള്ള ജൈവവളങ്ങളും വളര്‍ച്ചാ ത്വരകങ്ങളും മാറിമാറി പ്രയോഗിക്കാം. നട്ട് ആറു മുതല്‍ 10 മാസത്തിനുള്ളില്‍ വിളവെടുക്കാം. എല്ലാകാലങ്ങളിലും പൂവിട്ടു കായ്കള്‍ പിടിക്കുമെങ്കിലും വേനല്‍ക്കാലത്താണ് ഏറ്റവും കൂടുതല്‍ കായ്കളുണ്ടാകുന്നത്.
പേരില്‍ വെള്ളരിയുണ്ടെങ്കിലും പാഷന്‍ ഫ്രൂട്ടിന്റെ കുടുംബമാണ് ഈ ചെടി. ഇളം പ്രായത്തില്‍ പറിച്ചെടുത്ത് പച്ചക്കറിയായി ഉപയോഗിക്കാം. പഴുക്കാന്‍ മരത്തില്‍ നിര്‍ത്തിയാല്‍ പഴമായി കഴിക്കാം. വിളഞ്ഞു പഴുക്കാന്‍ മൂന്നു മാസമെടുക്കും. പച്ച നിറത്തിലുള്ള കായ്കള്‍ വിളഞ്ഞു പഴുക്കുമ്പോള്‍ മഞ്ഞ നിറമായി മാറും. പഴുത്ത കായ്കള്‍ മുറിക്കുമ്പോള്‍ പുറത്ത് പപ്പായയിലേതു പോലെ കനത്തില്‍ മാംസളമായ കാമ്പും അകത്ത് പാഷന്‍ ഫ്രൂട്ടിലേതു പോലെ പള്‍പ്പും വിത്തുകളുമുണ്ടാകും, പള്‍പ്പിന് നല്ല മധുരമാണ്.
പ്രമേഹം, രക്തസമ്മര്‍ദം, ആസ്മ എന്നിവയ്‌ക്കെതിരേ പ്രയോഗിക്കാം. ഔഷധഗുണങ്ങളാല്‍ സമ്പന്നമായ ആകാശവെള്ളരിയില്‍ അയേണ്‍ ,കാല്‍സ്യം, ഫോസ്ഫറസ് തുടങ്ങിയവ ധാരാളമായുണ്ട്. പ്രോട്ടീനുകള്‍, നാരുകള്‍ എന്നീ പോഷകങ്ങള്‍ ധാരാളം അടങ്ങിയിരിക്കുന്നു. വിളര്‍ച്ചയെ ചെറുക്കാനും നല്ലതാണ് ആകാശ വെള്ളരി.
വീട്ടാവശ്യത്തിനുള്ള പച്ചക്കറികള്‍ വളര്‍ത്തിയെടുക്കാന്‍ ചെലവ് ചുരുക്കി വളങ്ങള്‍ തയാറാക്കാം. അടുക്കള മാലിന്യമായി നാം വലിച്ചെറിയുന്ന വസ്തുക്കള്‍ ഉപയോഗിച്ച് ഒരു രൂപ പോലും ചെലവില്ലാതെ ഇത്തരം വളങ്ങള്‍ തയാറാക്കാം.…
By Harithakeralam
ഏതു കാലാവസ്ഥയിലും വലിയ കുഴപ്പമില്ലാതെ വിളവ് തരുന്ന ഏക പച്ചക്കറിയാണ് പയര്‍. മഴയും വെയിലും മഞ്ഞുകാലവുമൊന്നും പയറിന് വളരാന്‍ പ്രശ്‌നമല്ല. കീടങ്ങളെ അകറ്റാനുള്ള നടപടികള്‍ സ്വീകരിച്ചാല്‍ നല്ല വിളവ് പയറില്‍…
By Harithakeralam
അടുക്കളയില്‍ സ്ഥിരമായി ഉപയോഗിക്കുന്ന സവാള നമ്മുടെ വീട്ടിലും കൃഷി ചെയ്താലോ...? കേരളത്തിലെ കാലാവസ്ഥയില്‍ സവാള വളരില്ല എന്നതായിരിക്കും മിക്കവരുടേയും മറുപടി. എന്നാല്‍ വലിയ തോതില്‍ ഇല്ലെങ്കിലും നമുക്കും സവാള…
By Harithakeralam
കാലാവസ്ഥയില്‍ അടിക്കടി മാറ്റങ്ങളുണ്ടാകുന്നതിനാല്‍ പല സ്ഥലങ്ങളിലും മണ്ണിന്റെ ഘടനയില്‍ വലിയ മാറ്റങ്ങള്‍ സംഭവിക്കുന്നുണ്ട്. ജൈവ വസ്തുക്കളുടെ അളവ് മണ്ണില്‍ വലിയ തോതില്‍ കുറഞ്ഞു വരുന്നുണ്ടെന്നാണ് പഠനങ്ങള്‍…
By Harithakeralam
പച്ചക്കറിക്കൃഷിയെ വിവിധ തരം അസുഖങ്ങളും കീടങ്ങളും ആക്രമിക്കാനെത്തുന്ന സമയമാണിപ്പോള്‍. മഴയും ശക്തമായ വെയിലും ഇടയ്ക്കിടെ വരുന്നതിനാല്‍ നല്ല പരിചരണം വിളകള്‍ക്ക് ആവശ്യമാണ്. ഈ സമയത്ത് കൃഷിയില്‍ പ്രയോഗിക്കാവുന്ന…
By Harithakeralam
ശക്തമായ മഴ കുറച്ചു ദിവസം കൂടി കേരളത്തില്‍ തുടരുമെന്നാണ് കാലാവസ്ഥ പ്രവചനം. മഴ മാറിയാല്‍ പിന്നെ മഞ്ഞുകാലമാണ്. പച്ചക്കറിക്കൃഷി തുടങ്ങാന്‍ അനുയോജ്യമായ സമയം. അടുക്കളത്തോട്ടം ഉഷാറാക്കാന്‍ ആഗ്രഹിക്കുന്നവര്‍…
By Harithakeralam
ഏറെ ഗുണങ്ങള്‍ നിറഞ്ഞ പച്ചക്കറിയാണ് പാവയ്ക്ക. എന്നാല്‍ കയ്പ്പ് കാരണം മിക്കവരും അടുക്കളയില്‍ പാവയ്ക്കയ്ക്ക് സ്ഥാനം നല്‍കുന്നില്ല. എന്നാല്‍ കയ്പ്പില്ലാത്ത പാവയ്ക്ക് അഥവാ കന്റോല വളര്‍ത്തിയാലോ. കേരളത്തില്‍…
By Harithakeralam
കാരറ്റിനോട് സാമ്യമുള്ള ഒരു ശീതകാല കിഴങ്ങു വര്‍ഗ പച്ചക്കറിയാണ് മുള്ളങ്കി എന്ന റാഡിഷ്. കേരളത്തിലെ സമതല പ്രദേശങ്ങളില്‍ മുള്ളങ്കി കൃഷി ചെയ്യാം. അടുക്കളത്തോട്ടത്തില്‍ ഗ്രോബാഗിലും ചാക്കിലുമെല്ലാം മുള്ളങ്കി…
By Harithakeralam
© All rights reserved | Powered by Otwo Designs
.jpg)
Leave a comment