അമീബിക് മസ്തിഷ്ക ജ്വരം ഇടക്കിടെ കോഴിക്കോട് റിപ്പോര്ട്ട് ചെയ്യുന്ന സാഹചര്യത്തിലാണ് ജാഗ്രത നിര്ദേശം നല്കിയിരിക്കുന്നത്.
By Harithakeralam
കോഴിക്കോട്: അമീബിക് മസ്തിഷ്ക ജ്വരം രോഗബാധ കണ്ടെത്തിയ സാഹചര്യത്തില് കോഴിക്കോട് ജില്ലയില് ജാഗ്രത നിര്ദേശം നല്കി ആരോഗ്യ വകുപ്പ്. അമീബിക് മസ്തിഷ്ക ജ്വരം ഇടക്കിടെ കോഴിക്കോട് റിപ്പോര്ട്ട് ചെയ്യുന്ന സാഹചര്യത്തിലാണ് ജാഗ്രത നിര്ദേശം നല്കിയിരിക്കുന്നത്. ആരോഗ്യ വകുപ്പ് നല്കുന്ന നിര്ദേശങ്ങള് പാലിക്കണമെന്ന് ജില്ലാ മെഡിക്കല് ഓഫീസര് ഡോ. കെ.കെ രാജാറാം അറിയിച്ചു.
വെള്ളത്തില് സ്വതന്ത്രമായി ജീവിക്കുന്ന അമീബ വിഭാഗത്തില്പ്പെട്ട രോഗാണുക്കള് തലച്ചോറിനെ ബാധിക്കുമ്പോഴാണ് അമീബിക് മസ്തിഷ്ക ജ്വരം (അമീബിക് എന്കെഫലൈറ്റിസ്) ഉണ്ടാകുന്നത്. കെട്ടിക്കിടക്കുന്ന വെള്ളത്തില് മുങ്ങിക്കുളിക്കുന്നവരിലും നീന്തുന്നവരിലുമാണ് രോഗമുണ്ടാവുന്നത്. മൂക്കിനെയും തലച്ചോറിനെയും വേര്തിരിക്കുന്ന നേര്ത്ത പാളിയിലുള്ള സുഷിരങ്ങള് വഴിയോ കര്ണപടത്തിലുണ്ടാകുന്ന സുഷിരങ്ങള് വഴിയോ ആണ് അമീബ തലച്ചോറിലേക്ക് കടക്കുന്നത്.
ഈ രോഗത്തിന് മരണനിരക്ക് വരെ കൂടുതലാണ്. മനുഷ്യരില്നിന്ന് മനുഷ്യരിലേക്ക് രോഗം പകരില്ല. രോഗാണുബാധ ഉണ്ടായാല് 5- 10 ദിവസത്തിനകം ലക്ഷണങ്ങള് കണ്ടുതുടങ്ങും. കടുത്ത തലവേദന, പനി, ഓക്കാനം, ഛര്ദ്ദി, കഴുത്ത് തിരിക്കാനും വെളിച്ചത്തിലേക്ക് നോക്കാനും ബുദ്ധിമുട്ട് എന്നിവയാണ് പ്രധാന ലക്ഷണങ്ങള്. കുഞ്ഞുങ്ങളില് ഇതിന് പുറമെ ഭക്ഷണം കഴിക്കാനും കളിക്കാനുമുള്ള മടി, അനങ്ങാതെ കിടക്കുക എന്നിവയും കാണാം. ഓര്മക്കുറവ്, അപസ്മാരം, ബോധക്ഷയം എന്നിവ രോഗം ഗുരുതരമാവുന്നതിന്റെ സൂചനകളാണ്. പനിയുമായി ഡോക്ടറെ കാണുന്നവര് കെട്ടിക്കിടക്കുന്ന വെള്ളത്തില് കുളിക്കുകയോ നീന്തുകയോ ചെയ്തിട്ടുണ്ടെങ്കില്, ആ വിവരം ഡോക്ടറെ അറിയിക്കണം.
ആരോഗ്യ വകുപ്പിന്റെ നിര്ദേശങ്ങള്
1. കെട്ടിക്കിടക്കുന്ന വെള്ളത്തില് കുളിക്കുന്നതും നീന്തുന്നതും ഒഴിവാക്കുക.
2. നീന്തുന്നവര് മൂക്കില് വെള്ളം കടക്കാതിരിക്കാന് നോസ് ക്ലിപ്പ് ഉപയോഗിക്കുക. വാട്ടര് തീം പാര്ക്കുകളിലെയും സ്വിമ്മിങ് പൂളുകളിലെയും വെള്ളം കൃത്യമായി ക്ലോറിനേറ്റ് ചെയ്യുന്നുവെന്ന് ഉറപ്പാക്കുക. മലിനമായതും കെട്ടിക്കിടക്കുന്നതുമായ വെള്ളത്തില് മുങ്ങിക്കുളിക്കുന്നതും മുഖവും വായും ശുദ്ധമല്ലാത്ത വെള്ളത്തില് കഴുകുന്നതും ഒഴിവാക്കുക.
3. മൂക്കിലോ ചെവിയിലോ ഓപ്പറേഷന് കഴിഞ്ഞവരും ചെവി പഴുപ്പുള്ളവരും എവിടെയും മുങ്ങിക്കുളിക്കരുത്.
കിണര് വെള്ളം ആരോഗ്യ പ്രവര്ത്തകരുടെ നിര്ദേശാനുസരണം നിശ്ചിത ഇടവേളകളില് ക്ലോറിനേറ്റ് ചെയ്യുക.
4. നീന്തല് കുളങ്ങളിലെ വെള്ളം ആഴ്ചയില് ഒരിക്കല് പൂര്ണമായും ഒഴുക്കിക്കളയുക. സ്വിമ്മിങ് പൂളിന്റെ വശങ്ങളും തറയും ബ്രഷ് ഉപയോഗിച്ച് നന്നായി ഉരച്ച് കഴുകുക. പ്രതലങ്ങള് നന്നായി ഉണങ്ങാന് അനുവദിക്കുക.
5. ഫില്റ്ററുകള് വൃത്തിയാക്കിയ ശേഷം വെള്ളം നിറച്ച് ക്ലോറിനേറ്റ് ചെയ്യുക.
കടുത്ത ചൂടാണിപ്പോള് കേരളത്തില്. റംസാന് നോമ്പ് എടുക്കുന്നവര് നിര്ജലീകരണം വരാതിരിക്കാന് ശ്രദ്ധിക്കണം. ഇതിനു സഹായിക്കുന്ന ചില പാനീയങ്ങള് പരിചയപ്പെടാം.
By Harithakeralam
ശരീരത്തിലെ കൊഴുപ്പിന്റെ അളവ് ആരോഗ്യത്തെ ദോഷകരമായി ബാധിക്കുംവിധം വര്ദ്ധിക്കുന്ന അവസ്ഥയെയാണ് അമിതവണ്ണം അഥവാ പൊണ്ണത്തടി എന്ന് വിളിക്കുന്നതെന്ന് നമുക്കെല്ലാവര്ക്കും അറിയാം. കുട്ടികളെന്നും യുവാക്കളെന്നും…
By Dr. Vimal M.V
ശരീരത്തിലുണ്ടാകുന്ന ചീത്ത കൊളസ്ട്രോളാണ് പക്ഷാഘാതം, ഹൃദയസ്തംഭനം പോലുള്ള ഗുരുതരമായ പ്രശ്നങ്ങള്ക്ക് കാരണം. ചീത്ത കൊളസ്ട്രോളിന്റെ അളവ് ശരീരത്തില് വര്ധിക്കുന്നതു തടയുകയാണ് ഇതിനെ പ്രതിരോധിക്കാനുള്ള…
By Harithakeralam
എത്ര വര്ണിച്ചാലും തീരാത്ത ഗുണങ്ങളാണ് മുരിങ്ങയിലയ്ക്കുള്ളത്. മുരിങ്ങയിലയും കായും പലതരത്തില് നാം കഴിക്കാറുണ്ട്. മുരിങ്ങയില പൊടിയാക്കി ചായയുണ്ടാക്കാന് വരെ ഉപയോഗിക്കുന്നു. തമിഴ്നാട്ടില് ഏക്കറുകണക്കിന്…
By Harithakeralam
പായസത്തിലും മറ്റും നാം ഉപയോഗിക്കുന്ന ഉണക്കമുന്തിരി രണ്ടു തരത്തിലുണ്ട്, കറുപ്പും മഞ്ഞയും. ഇതില് ഏതാണു മികച്ചത്. രണ്ടിലും അടങ്ങിയിരിക്കുന്ന വസ്തുക്കളുടെ അളവില് മാറ്റമുണ്ട്. അവ പരിശോധിക്കാം.
By Harithakeralam
വൃക്ക രോഗികളുടെ എണ്ണം ദിവസം തോറും നമ്മുടെ നാട്ടില് വര്ധിച്ചു വരികയാണ്. ഭക്ഷണ രീതിയില് വരുന്ന മാറ്റങ്ങള് തന്നെയാണിതിനു പ്രധാന കാരണം. വൃക്കയുടെ ആരോഗ്യത്തിന് കരുത്ത് പകരുന്ന ചില ഭക്ഷണങ്ങള് നോക്കാം.
By Harithakeralam
മറവി വലിയൊരു പ്രശ്നമായി മാറിയിരിക്കുകയാണിപ്പോള്. പ്രായമായവരില് മറവി സ്ഥിരമായിരുന്നുവെങ്കിലും ഇപ്പോള് ചെറുപ്പക്കാര് വരെ മറവി കാരണം വലഞ്ഞിരിക്കുകയാണ്. ഭക്ഷണക്രമത്തില് വന്ന മാറ്റവും മൊബൈല് പോലുള്ള…
By Harithakeralam
പലര്ക്കും വിവിധ കാരണങ്ങള് കൊണ്ടു കഴുത്തു വേദന വരാം. യുവാക്കള്ക്കിടയിലിപ്പോള് കഴുത്തു വേദന വ്യാപകമാണ്. കംപ്യൂട്ടറിന് മുന്നില് ഇരുന്നുള്ള ജോലിയും മൊബൈല് ഉപയോഗവുമെല്ലാം ഇതിനു കാരണമാണ്. താഴെ പറയുന്ന…
By Harithakeralam
© All rights reserved | Powered by Otwo Designs
Leave a comment