ഇതര സംസ്ഥാനങ്ങളില്‍ നിന്നും കേരളത്തിലേക്ക് എത്തുന്ന കീടനാശിനി സാന്നിധ്യമുള്ള ഉല്‍പ്പന്നങ്ങളിന്മേലും പരിശോധന നടത്തി നടപടികളുണ്ടാകുമെന്ന് മന്ത്രി
By Harithakeralam
സംസ്ഥാനത്തെ പഴം, പച്ചക്കറികളില്‍ വില്‍പ്പന നടത്തുന്ന വ്യാജ ജൈവ ഉല്പന്നങ്ങള്‍ നിയന്ത്രിക്കാന്‍ കര്‍ശന നടപടി കൈക്കൊള്ളുമെന്ന് കൃഷി മന്ത്രി പി. പ്രസാദ്. ഇതര സംസ്ഥാനങ്ങളില്‍ നിന്നും കേരളത്തിലേക്ക് എത്തുന്ന കീടനാശിനി സാന്നിധ്യമുള്ള ഉല്‍പ്പന്നങ്ങളിന്മേലും പരിശോധന നടത്തി നടപടികളുണ്ടാകുമെന്ന് മന്ത്രി പറഞ്ഞു. നിയമസഭയിലെ ചോദ്യോത്തര വേളയില്‍ ടി.ഐ.മധുസൂദനന്‍, തോട്ടത്തില്‍ രവീന്ദ്രന്‍ തുടങ്ങിയ അംഗങ്ങളുടെ ചോദ്യത്തിനു മറുപടി പറയുകയായിരുന്നു കൃഷി മന്ത്രി.
ജൈവ കാര്‍ഷിക മിഷന്‍, പോഷക സമൃദ്ധി മിഷന്‍ എന്നീ പദ്ധതികളിലൂടെ സുരക്ഷിത ആഹാരം ഉല്പാദിപ്പിക്കുന്നതില്‍ സ്വയംപര്യാപ്തത കൈവരിക്കുകയെന്ന ലക്ഷ്യത്തോടെ പദ്ധതികള്‍ ആസൂത്രണം ചെയ്ത് നടപ്പിലാക്കി വരികയാണ്. സംസ്ഥാനത്ത് ഉല്പാദിപ്പിക്കുന്ന പഴം, പച്ചക്കറികളില്‍ അവശേഷിക്കുന്നതിനേക്കാള്‍ കീടനാശിനി സാന്നിധ്യം ഇതര സംസ്ഥാനങ്ങളില്‍ നിന്നും എത്തുന്ന പഴം, പച്ചക്കറികളില്‍ ഉണ്ടെന്ന് പരിശോധനയില്‍ തെളിഞ്ഞിട്ടുള്ളതിനാല്‍ അതിര്‍ത്തി കടന്നെത്തുന്ന പഴം, പച്ചക്കറി ഉല്‍പ്പന്നങ്ങളുടെ ഗുണമേന്മ ഉറപ്പുവരുത്തുവാനുള്ള നടപടികള്‍ കൂടുതല്‍ ശക്തമാക്കും.
കൃഷിവകുപ്പിന്റെയും കേരള കാര്‍ഷിക സര്‍വ്വകലാശാലയുടെയും നേതൃത്വത്തില്‍ പഴം പച്ചക്കറി കടകളില്‍ നിന്നും പഴം, പച്ചക്കറി സാമ്പിള്‍ ശേഖരിച്ചു പരിശോധന നടത്തി വിഷാംശം നിര്‍ണ്ണയിച്ചു പ്രസിദ്ധീകരിക്കുന്ന രീതിയാണ് നിലവിലുള്ളത്. എന്നാല്‍ ഇനിമുതല്‍ ഏത് കടകളില്‍ നിന്നുമെടുത്ത ഉല്‍പ്പന്നങ്ങളിലാണ് വിഷാംശം കണ്ടെത്തിയത് എന്നുള്ള വിവരം കൂടി പൊതുജനങ്ങള്‍ക്ക് ബോധ്യപ്പെടുന്ന രീതിയില്‍ പ്രസിദ്ധപ്പെടുത്താന്‍ തീരുമാനിച്ചിട്ടുണ്ടെന്ന് മന്ത്രി നിയമസഭയില്‍ അറിയിച്ചു. അത്തരത്തില്‍ പൊതുജനങ്ങള്‍ക്ക് ഓരോ കച്ചവട സ്ഥാപനങ്ങളെ പറ്റിയും വ്യക്തമായ ധാരണ ഉണ്ടാകുന്നതിനാല്‍ ഉപഭോക്താക്കള്‍ കൂടുതല്‍ ജാഗ്രത പുലര്‍ത്തുകയും സ്വാഭാവികമായും പച്ചക്കറി കച്ചവട സ്ഥാപനങ്ങള്‍ ഗുണമേന്മ ഉറപ്പാക്കി ഉല്‍പ്പന്നങ്ങള്‍ സംഭരിക്കുന്നതില്‍ ശ്രദ്ധാലുക്കള്‍ ആകുമെന്നും മന്ത്രി പറഞ്ഞു.
കേരള ജനത മനസുവച്ചാല്‍ പച്ചക്കറികളുടെ കാര്യത്തില്‍ വളരെ വേഗം സ്വയംപര്യാപ്തത കൈവരിക്കാന്‍ കഴിയുമെന്നും അതിനു വേണ്ട പിന്തുണ ജൈവ കാര്‍ഷിക മിഷന്‍, പോഷക സമൃദ്ധി മിഷന്‍ എന്നീ പദ്ധതികളിലൂടെ പൊതു ജനങ്ങള്‍ക്ക് നല്‍കുമെന്നും മന്ത്രി അറിയിച്ചു. ബാഹ്യ സൗന്ദര്യത്തില്‍ അതീവ ശ്രദ്ധാലുക്കളായ മലയാളികള്‍ ആന്തരിക സൗന്ദര്യമെന്നു വിശേഷിപ്പിക്കാവുന്ന ആരോഗ്യത്തിന്റെ കാര്യത്തില്‍ കൂടുതല്‍ ശ്രദ്ധ ചെലുത്തണമെന്നും മന്ത്രി അഭിപ്രായപ്പെട്ടു. കേരളത്തിലെ കര്‍ഷകരിലും പൊതുജനങ്ങളിലും ജൈവ കാര്‍ഷിക ഉല്‍പ്പന്നങ്ങളുടെ ഗുണങ്ങളായ സുരക്ഷിത ഭക്ഷണം, മെച്ചപ്പെട്ട ആരോഗ്യം, പരിസ്ഥിതി സൗഹൃദം എന്നിവയെപ്പറ്റി അവബോധം സൃഷ്ടിക്കുന്നതിനും ജൈവ ഉത്പന്നങ്ങള്‍ക്ക് കൂടുതല്‍ വില ലഭിക്കുന്നതിനുള്ള വിപണി ഇടപെടലുകള്‍ നടത്തുന്നതിലൂടെ കാര്‍ഷിക വരുമാന വര്‍ദ്ധനവ് ഉറപ്പാക്കുമെന്നും, അതിനാണ് ജൈവ കാര്‍ഷിക മിഷന്‍ ലക്ഷ്യമിടുന്നതെന്നും മന്ത്രി പറഞ്ഞു.
ജൈവകൃഷി പ്രോത്സാഹിപ്പിക്കുവാനുള്ള നടപടികള്‍ ഘട്ടം ഘട്ടമായാണ് പൂര്‍ത്തീകരിക്കുന്നത്. ഈ വര്‍ഷം 10,000 ഹെക്ടറിലും തുടര്‍ന്നുള്ള വര്‍ഷങ്ങളില്‍ കൂടുതല്‍ ഇടങ്ങളിലേക്കും ജൈവകൃഷി വ്യാപിപ്പിക്കുന്നതിനാണ് പദ്ധതി വിഭാവനം ചെയ്തിട്ടുള്ളതെന്നും മന്ത്രി പറഞ്ഞു. ജൈവ ഉല്പന്നങ്ങള്‍ക്ക് മികച്ച വില ലഭിക്കുന്നതിലൂടെ കര്‍ഷകര്‍ക്ക് ജൈവ കൃഷിയോടുള്ള അഭിമുഖ്യം വര്‍ദ്ധിക്കുമെന്നാണ് കരുതുന്നതെന്നും മന്ത്രി അഭിപ്രായപ്പെട്ടു. ജൈവ കാര്‍ഷിക മിഷന്‍ മുന്നോട്ടുവച്ചിരിക്കുന്ന ലക്ഷ്യങ്ങള്‍ കൈവരിക്കുന്നതിന് വ്യക്തമായ നിര്‍വഹണ മോണിറ്ററി സംവിധാനങ്ങള്‍ തയ്യാറാക്കിയിട്ടുണ്ട്.
വിവിധ വകുപ്പുകള്‍ക്ക് പ്രാതിനിധ്യമുള്ള ഗവേണിംഗ് കൗണ്‍സില്‍, സംസ്ഥാനതല എക്‌സിക്യൂട്ടീവ് കമ്മിറ്റി എന്നിവയ്ക്ക് പുറമേ, ജില്ലാ ബ്ലോക്ക് ഗ്രാമപഞ്ചായത്ത് മുന്‍സിപ്പാലിറ്റി കോര്‍പ്പറേഷന്‍ തല കോര്‍ഡിനേഷന്‍ കമ്മിറ്റികളും രൂപീകരിച്ചിട്ടുണ്ട്. പ്രസ്തുത കമ്മറ്റികള്‍ ജൈവകൃഷിയുമായി ബന്ധപ്പെട്ട പ്രവര്‍ത്തന രൂപരേഖ ചര്‍ച്ച ചെയ്ത തീരുമാനിക്കുന്നു. വിവിധ തലത്തിലുള്ള ജൈവകൃഷിയുടെ നടത്തിപ്പ്, ഏകോപനം, ജൈവ ഉല്‍പ്പന്നങ്ങളുടെ സംഭരണം, സംസ്‌കരണം, മൂല്യ വര്‍ദ്ധനവ്, ജൈവ ഉത്പന്നങ്ങള്‍ക്ക് മെച്ചപ്പെട്ട വില ലഭിക്കുന്നതിനുള്ള സംവിധാനങ്ങള്‍ തയ്യാറാക്കല്‍, ജൈവ സര്‍ട്ടിഫിക്കേഷന്‍ തുടങ്ങിയ പ്രവര്‍ത്തനങ്ങളാണ് വിഭാവനം ചെയ്തിരിക്കുന്നത്.
സംസ്ഥാന ഹോള്‍ട്ടികള്‍ച്ചര്‍ മിഷന്‍ രാഷ്ട്രീയ കൃഷി യോജന പദ്ധതിയില്‍ ഉള്‍പ്പെടുത്തി കൂണ്‍ഗ്രാമങ്ങള്‍ നിര്‍മിക്കാന്‍ ധനസഹായം നല്‍കുന്നു. 100 ചെറുകിട കൂണ്‍ ഉത്പാദന യൂണിറ്റുകളും 2 വന്‍കിട കൂണ്‍ ഉത്പാദന യൂണിറ്റുകളും…
By Harithakeralam
തിരുവനന്തപുരം: കാലാവസ്ഥ വ്യതിയാനം സംസ്ഥാനത്തെ കാര്‍ഷിക മേഖലയെ സാരമായി ബാധിക്കുന്നു എന്ന കാര്യം സര്‍ക്കാര്‍ ഗൗരവമായിട്ടാണ് കാണുന്നതെന്ന് മന്ത്രി പി. പ്രസാദ്. 2024 ഫെബ്രുവരി മുതല്‍ മേയ് വരെയുണ്ടായ കടുത്ത…
By Harithakeralam
പച്ചക്കറിക്ക് വില വര്‍ദ്ധിക്കുന്ന വിഷയം ശ്രദ്ധയില്‍പ്പെട്ടതിനെ തുടര്‍ന്ന് കര്‍ഷകരില്‍ നിന്ന് പച്ചക്കറി നേരിട്ട് സംഭരിച്ച് ഹോര്‍ട്ടി കോര്‍പ്പ്, വി.എഫ്.പി.സി.കെ എന്നീ വിപണികള്‍ മുഖേന ലഭ്യമാക്കാന്‍…
By Harithakeralam
കായംകുളം : ഓണാട്ടുകരയിലെ കര്‍ഷകര്‍ ഉത്പാദിപ്പിക്കുന്ന കാര്‍ഷകോല്പന്നങ്ങളുടെയും മൂല്യവര്‍ദ്ധിത ഉല്‍പ്പന്നങ്ങകളുടെയും വില്‍പ്പനയ്ക്കായി വിപണനകേന്ദ്രം ആരംഭിക്കുമെന്ന് കൃഷിമന്ത്രി പി പ്രസാദ് പറഞ്ഞു.…
By Harithakeralam
സംസ്ഥാനത്തെ പഴം, പച്ചക്കറികളില്‍ വില്‍പ്പന നടത്തുന്ന വ്യാജ ജൈവ ഉല്പന്നങ്ങള്‍ നിയന്ത്രിക്കാന്‍ കര്‍ശന നടപടി കൈക്കൊള്ളുമെന്ന് കൃഷി മന്ത്രി പി. പ്രസാദ്. ഇതര സംസ്ഥാനങ്ങളില്‍ നിന്നും കേരളത്തിലേക്ക് എത്തുന്ന…
By Harithakeralam
വിളനാശമുണ്ടായാല്‍ കര്‍ഷകനു സഹായമാകുന്ന പദ്ധതികളില്‍ രജിസ്റ്റര്‍ ചെയ്യാനുള്ള അവസാനതിയ്യതി ജൂണ്‍ 30 ആണ്. കാലാവസ്ഥധിഷ്ഠിത പദ്ധതിയില്‍ നെല്ല്, വാഴ, കവുങ്ങ്, കുരുമുളക്, മഞ്ഞള്‍, ജാതി, കൊക്കോ, വെറ്റില,…
By Harithakeralam
കേരളത്തിലെ കര്‍ഷകര്‍ക്ക് മികച്ചയിനം നെല്‍വിത്തുകള്‍ ലഭ്യമാക്കുന്നതില്‍ തടസമില്ലെന്ന് കൃഷിവകുപ്പ്. വരുന്ന ജൂണ്‍ മാസത്തില്‍ ആരംഭിക്കുന്ന വിരിപ്പ് സീസണിലേക്കായി മികച്ച ഗുണമേന്മയുള്ള നെല്‍വിത്തുകള്‍ കൃഷിഭവനിലൂടെ…
By Harithakeralam
വെജിറ്റബിള്‍ ആന്‍ഡ് ഫ്രൂട്ട് പ്രമോഷന്‍ കൗണ്‍സിലിന്റെ അഗളി, കടമ്പഴിപ്പുറം, കാഞ്ഞിരപ്പുഴ, കോട്ടോപ്പാടം, കരിമ്പുഴ, കോട്ടായി, മലമ്പുഴ, പെരുമാട്ടി, പുതുപ്പരിയാരം, വടകരപതി, വാണിയംകുളം, വിയ്യകുറിശ്ശി എന്നീ സ്വാശ്രയ…
By Harithakeralam
© All rights reserved | Powered by Otwo Designs
Leave a comment