ഈ വര്ഷം സെക്രട്ടറിയേറ്റ് അങ്കണത്തില് പച്ചക്കറി കൃഷിയോടൊപ്പം പുഷ്പകൃഷിക്കും തുടക്കം കുറിച്ചിരുന്നു.
തിരുവനന്തപുരം: ഓണത്തിനൊരുമുറം പച്ചക്കറി പദ്ധതിയിലൂടെ സെക്രട്ടേറിയറ്റ് അങ്കണത്തില് വിളഞ്ഞ പച്ചക്കറിയുടെയും പൂക്കളുടെയും വിളവെടുപ്പ് മുഖ്യമന്ത്രി പിണറായി വിജയന് നിര്വ്വഹിച്ചു. കൃഷി മന്ത്രി അധ്യക്ഷനായ ചടങ്ങില് റവന്യൂ മന്ത്രി കെ. രാജന്, ജലവിഭവ വകുപ്പ് മന്ത്രി റോഷി അഗസ്റ്റിന്, വൈദ്യുതി വകുപ്പ് മന്ത്രി കെ. കൃഷ്ണന്കുട്ടി, കായിക വകുപ്പ് മന്ത്രി വി. അബ്ദുറഹിമാന്, ഭക്ഷ്യ പൊതുവിതരണ വകുപ്പ് മന്ത്രി അഡ്വ. ജി. ആര്. അനില്, ക്ഷീരവികസന വകുപ്പ് മന്ത്രി ജെ. ചിഞ്ചുറാണി, തുറമുഖ വകുപ്പ് മന്ത്രി വി. എന്. വാസവന്, കെ.പി. മോഹനന് എം എല് എ, ജനപ്രതിനിധികള്, കൃഷി വകുപ്പ് ഡയറക്ടര് ഡോ. അദീല അബ്ദുള്ള, കൃഷി അഡിഷണല് ഡയറക്ടര്മാരായ, സുനില് എ ജെ, തോമസ് സാമുവല്, പ്രിന്സിപ്പല് ഇന്ഫര്മേഷന് ഓഫീസര് നിസാം എസ്. എ. മറ്റ് ഉദ്ദ്യോഗസ്ഥര് തുടങ്ങിയവര് പങ്കെടുത്തു.
ഈ വര്ഷം സെക്രട്ടറിയേറ്റ് അങ്കണത്തില് പച്ചക്കറി കൃഷിയോടൊപ്പം പുഷ്പകൃഷിക്കും തുടക്കം കുറിച്ചിരുന്നു. പച്ചക്കറി ഇനങ്ങളായ വഴുതിന, കത്തിരി, മുളക്, തക്കാളി, വെണ്ട എന്നിവ 560 ചെടിച്ചട്ടികളിലും, ചീര പച്ച, ചുവപ്പ് അരുണ്, വ്ലാത്തങ്കര, മത്തന്, പടവലം, വെള്ളരി (30 തടം), സാലഡ് വെള്ളരി, പയര്, പാവല് എന്നിവ നിലത്ത് കൃഷി ചെയ്തിരുന്നു. കൂടാതെ മുളക്, വഴുതിന, തക്കാളി എന്നീ ഇനങ്ങളുടെ ഗ്രാഫ്റ്റ് ചെയ്ത തൈകളുമാണ് കൃഷി ചെയ്യാനായി വിനിയോഗിച്ചത്. ഉദ്ദേശം 1 ടണ് വിളവാണ് സെക്രെട്ടറിയറ്റിലെ പച്ചക്കറി കൃഷിയില് നിന്നും പ്രതീക്ഷിക്കുന്നത്.
പച്ചക്കറിയോടൊപ്പം പൂക്കള് ലഭിക്കുന്നതിനും, കീടരോഗ നിയന്ത്രണത്തിനുമായി ഓറഞ്ച്, മഞ്ഞ ഇനത്തില്പ്പെട്ട 1200 ഹൈബ്രിഡ് ചെണ്ടുമല്ലി തൈകളും സെക്രെട്ടറിയറ്റില് പൂത്തുലഞ്ഞു. കൃഷി വകുപ്പ് ഫാമുകള്, കേരള കാര്ഷിക സര്വ്വകലാശാല, വി.എഫ്.പി.സി.കെ. കാര്ഷിക കര്മ്മസേന, അഗ്രോ സര്വ്വീസ് സെന്റര് എന്നിവിടങ്ങളില് നിന്നുമാണ് നടീല് വസ്തുക്കളും ഉല്പാദനോപാധികളും ലഭ്യമാക്കിയത്. ഓണനാളുകളില് പച്ചക്കറി സുലഭമായി ലഭിക്കുന്നതിനും വിപണിയില് ഉണ്ടായേക്കാവുന്ന വിലക്കയറ്റം നിയന്ത്രിക്കുന്നതിനുമായി ഓണത്തിനൊരുമുറം പദ്ധതിയിലുടെ ആവശ്യമായ പച്ചക്കറികള് ഉല്പ്പാദിപ്പിക്കുന്നതിനു വേണ്ടിയുള്ള പ്രവര്ത്തനങ്ങള് നടപ്പിലാക്കിയിട്ടുണ്ട്. കര്ഷകര്, വിദ്യാര്ത്ഥികള്, സഹകരണ സ്ഥാപനങ്ങള്, കുടുംബശ്രീ, ഉദ്യോഗസ്ഥര്, സന്നദ്ധ സംഘടനകള്, ജനപ്രതിനിധികള്, തദ്ദേശസ്വയം ഭരണ സ്ഥാപനങ്ങള് തുടങ്ങി പൊതു സമൂഹത്തിലെ എല്ലാ വിഭാഗത്തെയും പങ്കെടുപ്പിച്ചുകൊണ്ടാണ് പദ്ധതി നടപ്പിലാക്കുന്നത്.
തിരുവനന്തപുരം: ഏതൊരു വികസന പ്രവര്ത്തനത്തിന്റെയും സദ്ഫലങ്ങള് അനുഭവിക്കാനും ആസ്വദിക്കാനും കൃഷി അനിവാര്യമെന്ന് കൃഷി വകുപ്പ് മന്ത്രി പി. പ്രസാദ്. മണ്ണ് പര്യവേക്ഷണ മണ്ണ് സംരക്ഷണ വകുപ്പ് മുഖേന നബാര്ഡിന്റെ…
കളമശ്ശേരി: ഇത്തവണത്തെ ഓണാഘോഷത്തിന് മാറ്റു കൂട്ടി കളമശേരി കാര്ഷികോത്സവ സമ്മേളനം. വിവിധ പരിപാടികള് കൊണ്ട് ശ്രദ്ധേയമാകുകയാണ് കാര്ഷികോത്സവം. ഉപ്പു തൊട്ടു കര്പ്പൂരം വരെ എന്തും ഇവിടെ…
തിരുവനന്തപുരം: ഓണത്തിനൊരുമുറം പച്ചക്കറി പദ്ധതിയിലൂടെ സെക്രട്ടേറിയറ്റ് അങ്കണത്തില് വിളഞ്ഞ പച്ചക്കറിയുടെയും പൂക്കളുടെയും വിളവെടുപ്പ് മുഖ്യമന്ത്രി പിണറായി വിജയന് നിര്വ്വഹിച്ചു. കൃഷി മന്ത്രി…
തിരുവനന്തപുരം: 'കര്ഷകരില് നിന്നും നേരിട്ട് ഉപഭോക്താക്കളിലേക്ക്' എന്ന ലക്ഷ്യത്തോടെ കേരള സര്ക്കാര് കൃഷി വകുപ്പ് നടപ്പിലാക്കുന്ന ഓണസമൃദ്ധി 2024 - കര്ഷകചന്തകള്ക്ക് തുടക്കമായി. കൃഷി ഭവനുകള്, ഹോര്ട്ടികോര്പ്പ്,…
അങ്കമാലി: കേരളത്തിനാവശ്യമായ പച്ചക്കറികളും പഴ വര്ഗങ്ങളും ഇവിടെ നിന്ന് ഉത്പാദിപ്പിക്കണമെന്ന് മന്ത്രി പി പ്രസാദ്. അങ്കമാലിയില് കര്ഷകര്ക്കുള്ള തിരിച്ചറിയല് കാര്ഡിന്റെ സംസ്ഥാനതല ഉദ്ഘാടനം…
തിരുവനന്തപുരം: കൃഷി വകുപ്പിന്റെ വിപണി ഇടപെടല് പദ്ധതിയുടെ ഭാഗമായി ഈ ഓണക്കാലത്ത് 2000 പഴം/പച്ചക്കറി വിപണികള് ഈ ഓണക്കാലത്തു സംഘടിപ്പിക്കുന്നു. 2024 സെപ്തംബര് 11, 12, 13, 14 തീയതികളിലാണ് ഓണവിപണികള്…
കൊച്ചി: സംസ്ഥാനത്തെ വിവിധ സന്നദ്ധ സംഘടനകളുടെ ആഭിമുഖ്യത്തില് നടപ്പിലാക്കി വരുന്ന കാര്ഷികപദ്ധതിയായ ജൈവഗ്രാമം പദ്ധതിയുടെ രണ്ടാം ഘട്ട പ്രവര്ത്തനങ്ങള്ക്ക് തുടക്കമായി. പദ്ധതിയുടെ രണ്ടാം ഘട്ട ഉത്ഘാടനവും…
തിരുവനന്തപുരം: കൃഷി വകുപ്പിന്റെ അഭിമാന പദ്ധതിയായ കാബികോ (കേരള അഗ്രോ ബിസിനസ് കമ്പനി) എക്സ്പോ സെന്ററിന്റെയും അഗ്രി പാര്ക്കിന്റെയും നിര്മ്മാണോദ്ഘാടനവും ശിലാസ്ഥാപനവും ആനയറ വേള്ഡ് മാര്ക്കറ്റ് കോമ്പൗണ്ടില്…
© All rights reserved | Powered by Otwo Designs
Leave a comment