വീട്ടുമുറ്റത്ത് കല്‍പ്പവൃക്ഷം നടാം

മറ്റു വിളകളെപ്പോലെ തെങ്ങ് കൃഷിയിലും മലയാളിയുടെ സാനിധ്യം നഷ്ടപ്പെട്ടു കൊണ്ടിരിക്കുകയാണ്. വീട്ടുമുറ്റത്ത് ഒന്നോ രണ്ടോ തെങ്ങു നടേണ്ടത് അത്യാവശ്യമാണ്.

By Harithakeralam

മലയാളിയുടെ കല്‍പ്പവൃക്ഷമാണ് തെങ്ങ്, തെങ്ങ് ചതിക്കില്ലെന്നാണ് നമ്മുടെ വിശ്വാസം. മറ്റു നാണ്യവിളകളെല്ലാം വന്‍ വില തകര്‍ച്ച നേരിടുമ്പോഴും തെങ്ങ് ഈ വിശ്വാസം സംരക്ഷിക്കുന്നുണ്ട്. 50 മുതല്‍ 55 രൂപവരെയാണിപ്പോള്‍ ഒരു കിലോ തേങ്ങയുടെ വില. മറ്റു വിളകളെപ്പോലെ തെങ്ങ് കൃഷിയിലും മലയാളിയുടെ സാനിധ്യം നഷ്ടപ്പെട്ടു കൊണ്ടിരിക്കുകയാണ്. വീട്ടുമുറ്റത്ത് ഒന്നോ രണ്ടോ തെങ്ങു നടേണ്ടത് അത്യാവശ്യമാണ്. നടാനുള്ള തേങ്ങ തെരഞ്ഞെടുക്കുമ്പോള്‍ ശ്രദ്ധിക്കേണ്ട കാര്യങ്ങളിതാ.

1. മടല്‍ ഇടിച്ചിലുള്ള തെങ്ങില്‍ നിന്നുള്ള തേങ്ങ നടാനെടുക്കരുത്.

2. 20-25 വര്‍ഷം പ്രായമായ തെങ്ങില്‍ നിന്നു വേണം വിത്ത് തേങ്ങയെടുക്കാന്‍.

3. 35 ല്‍ കൂടുതല്‍ ഓലകള്‍ ഉള്ളതും, പന്ത്രണ്ട് കുലകള്‍ ഉള്ളതുമായ തെങ്ങായിരിക്കണം.

4. വലിയ വലിപ്പമില്ലാത്ത ഇടത്തരം തേങ്ങയാണ് തെരഞ്ഞെടുക്കേണ്ടത്.

5. പേടു കായിക്കാത്ത, മച്ചിങ്ങ പൊഴിച്ചില്‍ ഇല്ലാത്ത തെങ്ങില്‍ നിന്നു വിത്ത് തേങ്ങയെടുക്കാന്‍.

6. ഓലമടല്‍ നേരെ വടിപോലെ വിരിഞ്ഞ് തുഞ്ചം അല്‍പ്പം വളഞ്ഞ് നില്‍ക്കുന്ന തെങ്ങില്‍ നിന്നായാല്‍ നല്ലത്.

7. കുലയില്‍ നിന്ന് താഴേക്ക് തൂങ്ങിക്കിടക്കുന്ന തേങ്ങകള്‍ തെരഞ്ഞെടുക്കുക.

8. വെള്ളത്തില്‍ലിട്ടാല്‍ നേരെ നില്‍ക്കുന്ന (തൊപ്പി) നില്‍ക്കുന്ന തെങ്ങയാണ് നല്ലത്.

9. കുലയുടെ ആദ്യത്തെയും അവസാനത്തെയും തേങ്ങകള്‍ നടാന്‍ എടുക്കരുത്.

തേങ്ങകള്‍ പാകും മുമ്പ്

1. തെരഞ്ഞെടുത്ത തേങ്ങകള്‍ തണലത്ത് തൊപ്പി താഴെക്കാക്കി 21 ദിവസം വെയ്ക്കുക.

2. തേങ്ങകള്‍ പാകുമ്പോള്‍ താപ്പി മുകളിലേയ്ക്ക് ആക്കി പാകുക.

തെങ്ങിന്‍ തൈകള്‍ തെരഞ്ഞെടുക്കുമ്പോള്‍

1. ആറു മാസത്തിനുള്ളില്‍ മുളച്ചതായിരിക്കണം.

2. ഒരു വര്‍ഷം പ്രായമായ തെങ്ങിന്‍ തൈയ്ക്ക് 6-8 ഓലകള്‍ ഉണ്ടായിരിക്കണം.

3. ഓലക്കാലുകള്‍ നേരത്തെ വിരിയണം.

4. ഓലയുടെ അഗ്രഭാഗത്ത് ആനവാല്‍ വിരിയുന്നതു നല്ലതാണ്.

5. പാകിയ തൈക്കളില്‍ ഏറ്റവും മികച്ച 60 % മാത്രമേ തെരഞ്ഞെടുക്കാവൂ.

Related News

നായയുടെ തൊണ്ടയില്‍ കുടുങ്ങിയ സൂചി സര്‍ജറിയിലൂടെ പുറത്തെടുത്തു

തടം തുറന്നു തെങ്ങിന് വളം നല്‍കാം

കിഴങ്ങു വര്‍ഗങ്ങള്‍ ജൈവരീതിയില്‍

കഫക്കെട്ടുമാറ്റാന്‍ പനിക്കൂര്‍ക്ക