ഇന്ത്യയുടെ വിവിധ സംസ്ഥാനങ്ങളില്‍ കാണുന്ന 17 ഇനങ്ങളിലായി 45 ഓളം പശുക്കള്‍ മഹാലക്ഷ്മി ഗോശാലയിലുണ്ട്.
By പി.കെ. നിമേഷ്
ഭാരതത്തിലെ തനതിനം പശുക്കളുടെ സംരക്ഷകനാണ് കോട്ടയം ആനിക്കാട് സ്വദേശി ഹരി. ഐടി മേഖലയില്‍ ജോലി ചെയ്തിരുന്ന ഹരി കോവിഡ് ലോക്ഡൗണ്‍ സമയത്താണ് കൃഷിയിലേക്കും മൃഗപരിപാലനത്തിലേക്കുമെത്തുന്നത്. ഇന്ത്യയുടെ വിവിധ സംസ്ഥാനങ്ങളില്‍ കാണുന്ന 17 ഇനങ്ങളിലായി 45 ഓളം പശുക്കള്‍ മഹാലക്ഷ്മി ഗോശാലയിലുണ്ട്. പാല്‍, ചാണകം, ഗോമൂത്രം എന്നിവയില്‍ നിന്നെല്ലാം വിവിധ തരം ഉത്പന്നങ്ങള്‍ ഇവിടെ നിര്‍മിക്കുകയും ചെയ്യുന്നു.
ഹരിയുടെ വീട്ട്മുറ്റത്ത് തന്നെയാണ് ഗോശാല. പണ്ടൊക്കെ വീടുകള്‍ക്ക് മുന്നില്‍ മുറ്റത്ത് തന്നെയാണ് പശുക്കള്‍ക്ക് ഗോശാലയുണ്ടാക്കിയിരുന്നത്. അതേ സമ്പ്രദായം പിന്തുടര്‍ന്ന് പഴയ രീതിയില്‍ മനോഹരമായിട്ടാണ് ആലയുടെ നിര്‍മാണം. സദാസമയം പാട്ടും കേട്ട് മൂക്ക് കയറില്ലാതെ സര്‍വസ്വതന്ത്രമായിട്ടാണ് ഇവിടെ പശുക്കളെ വളര്‍ത്തുന്നത്. വൃന്ദാവനത്തിലെ കാഴ്ചകള്‍ ചുവരുകളിലെല്ലാം വരച്ചു ചേര്‍ത്തിട്ടുണ്ട്. വീടിനകത്ത് കയറിയും മുറ്റത്ത് തുള്ളിച്ചാടി നടന്നുമാണ് പശുക്കുട്ടികള്‍ വളരുന്നത്. ഏതു സമയത്തും വെള്ളം ലഭിക്കാനുള്ള സംവിധാനവുമുണ്ട്. ചാണകമെല്ലാം ഉടന്‍ തന്നെ നീക്കം ചെയ്യും.
.jpg)
പരമ്പരാഗതമായി ഭാരതത്തിലുള്ള പശുക്കള്‍ മാത്രമാണിവിടെയുള്ളത്. റെഡ് സിന്ധി ഇനത്തില്‍പ്പെട്ട പശുവുമായിട്ടാണ് തുടക്കം, ഇതിനെ കാറില്‍ കയറ്റി കൊണ്ടുവരുകയായിരുന്നു. മഹാലക്ഷ്മിയെന്നു പേരുമിട്ടു, തുടര്‍ന്ന് അന്തേവാസികള്‍ കൂടിയതോടെ ഗോശാലയ്ക്കും അതേ പേരു നല്‍കി. രാധ, നന്ദ, താര, നന്ദിനി തുടങ്ങി പശുക്കള്‍ക്കും കിടാങ്ങള്‍ക്കുമെല്ലാം പ്രത്യേകം പേരുമുണ്ട്. വെച്ചൂര്‍, കാസര്‍കോഡ് കുള്ളന്‍, വില്വാദ്രി, ചെറുവള്ളി, തഞ്ചാവൂര്‍ കൃഷ്ണ, കാംഗ്രേജ്, താര്‍പാര്‍ക്കര്‍, കാങ്കയം, ഗീര്‍ തുടങ്ങിയ ഇനങ്ങളിലുള്ള പശുക്കള്‍ ഇവിടുണ്ട്. ഇവയുടെ കാളകളെയും സംരക്ഷിക്കുന്നു. അറവുശാലകളില്‍ നിന്നു രക്ഷപ്പെടുത്തി കൊണ്ടു വന്നതു മുതല്‍ സമാന ചിന്താഗതിക്കാര്‍ സൗജന്യമായി നല്‍കിയവ വരെ ഇവിടെയുണ്ട്. പ്രകൃതി ദത്തമായ ഭക്ഷണം മാത്രമാണ് പശുക്കള്‍ക്ക് നല്‍കുക. വൈക്കോല്‍, പുല്ല്, ധാന്യപ്പൊടികള്‍ എന്നിവയെല്ലാം നല്‍കും. ആറു മണിക്കാണ് മഹാലക്ഷ്മി ഗോശാലയിലെ ദിനചര്യകള്‍ക്ക് തുടക്കമാവുക. നല്ല മുറുക്കമുള്ള ചാണകമായിരിക്കും ഇവയ്ക്ക്, തൊഴുത്ത് വൃത്തിയാക്കാന്‍ എളുപ്പമാണ്, ദുര്‍ഗന്ധം ഒട്ടും തന്നെയില്ല. പശുക്കളെയും കിടാങ്ങളെയും വില്‍ക്കില്ലെന്നു പ്രത്യേകം ബോര്‍ഡുമുണ്ട്.
പാല്‍ വില്‍പ്പന മഹാലക്ഷ്മി ഗോശാലയിലില്ല, നല്ല കുഞ്ഞുങ്ങളെ ഉത്പാദിപ്പിച്ച് വംശം നിലനിര്‍ത്തുകയാണ് ലക്ഷ്യം. അമ്മപ്പശുവിന്റെ പാല്‍ കുട്ടികള്‍ ആവശ്യമുള്ളത്ര കുടിക്കും ഇതിനു ശേഷം മാത്രമാണ് കറവ. അവയുടെ ചിലവിനായി ചാണകത്തില്‍ നിന്നും മറ്റും ധാരാളം മൂല്യവര്‍ധിത ഉത്പന്നങ്ങള്‍ നിര്‍മിച്ച് വില്‍പ്പന നടത്തുന്നുണ്ട്. കുട്ടികള്‍ കുടിച്ചു ശേഷം വരുന്ന പാല്‍ മാത്രമേ കറന്നെടുക്കുകയുള്ളൂ. ഗിര്‍, കാംഗ്രേജ് പോലുള്ള ഇനങ്ങള്‍ക്ക് നല്ല പോലെ പാലുണ്ടാകും. ഇവ കറന്നെടുക്കും, പാക്കറ്റിലാക്കി വില്‍പ്പന നടത്തുന്നുണ്ട്. സമീപത്തുള്ള സൂപ്പര്‍ മാര്‍ക്കറ്റുകളിലാണ് വില്‍ക്കുന്നത്. ആവശ്യത്തിനു സാധനം നല്‍കാന്‍ കഴിയാത്ത പ്രശ്‌നമേയുള്ളൂ. സിപ്പപ്പ്, ഐസ്‌ക്രീം, തൈര്, നെയ്യ്, ലെസി, പനീര്‍ തുടങ്ങിയ ഉത്പന്നങ്ങളും തയാറാക്കുന്നു. വേനല്‍ക്കാലത്തെല്ലാം ഇവയ്ക്ക് വലിയ തോതില്‍ ആവശ്യക്കാരെത്തും. ചാണകത്തില്‍ നിന്ന് 30 തോളം വളങ്ങളാണ് നിര്‍മിക്കുന്നത്. ചാണകപ്പൊടി, ജീവാമൃതം പോലുള്ളവയ്ക്ക് ആവശ്യക്കാര്‍ ഏറെയാണ്. കസ്തൂരി മഞ്ഞള്‍, ഇഞ്ചി എന്നിവയെല്ലാം കൃഷി ചെയ്യുന്നു. ഇവയെല്ലാം മൂല്യവര്‍ധിത ഉത്പന്നങ്ങളാക്കിയാണ് വില്‍പ്പന. സോപ്പ്, കണ്‍മഷി, ചന്ദനത്തിരി, ഭസ്മം, സൗന്ദര്യവര്‍ധക വസ്തുക്കള്‍ എന്നിവയെല്ലാം ഇവിടെയുള്ള ഔട്ട്‌ലറ്റിലൂടെയും ഓണ്‍ലൈനായി വില്‍പ്പന നടത്തുന്നു.
സമൂഹമാധ്യമങ്ങളിലൂടെ മഹാലക്ഷ്മി ഗോശാലയുടെ വിശേഷങ്ങള്‍ അറിഞ്ഞാണ് സിനിമ നടനും കേന്ദ്രമന്ത്രിയുമായ സുരേഷ് ഗോപി ഇവിടേക്കെത്തുന്നത്. ഹരിയുടെ മകള്‍ മുകുന്ദയ്ക്ക് ഒരു പശുക്കിടാവിനെ സമ്മാനമായി നല്‍കുകയും ചെയ്തു. വില്വാദ്രി ഇനത്തില്‍പ്പെട്ട ഇതിന് രമണിയെന്നാണ് പേരു നല്‍കിയിരിക്കുന്നത്. മുകുന്ദയുമായി നല്ല കൂട്ടാണിപ്പോള്‍ രമണി. വിദ്യാര്‍ഥികള്‍ ഉള്‍പ്പടെ നിരവധി പേരാണ് ദിവസവും ഗോശാല സന്ദര്‍ശിക്കാന്‍ എത്തുന്നത്.
നാട്ട് പശുക്കളെ സംരക്ഷിക്കേണ്ട ആവശ്യത്തെക്കുറിച്ചും അവയുടെ ചാണകത്തിന്റെ പ്രത്യേകതകളെപ്പറ്റിയുമെല്ലാം ഇവിടെ പ്രദര്‍ശിപ്പിച്ചിട്ടുണ്ട്. സര്‍ക്കാറിന്റെയോ മറ്റു സംഘടനകളുടേയോ ഭാഗത്ത് നിന്നും തന്റെ ഉദ്യമത്തിന് ഒരു പ്രോത്സാഹനവും ലഭിച്ചിട്ടില്ലെന്നു പറയുന്നു ഹരി. പ്രകൃതിയുടെ സന്തുലിതമായ നിലനില്‍പ്പിന് തദ്ദേശീയമായ ഇനം പശുക്കളെ സംരക്ഷിക്കേണ്ടത് അത്യാവശ്യമാണ്. അധികൃതരുടെ ഭാഗത്ത് നിന്നും സഹായങ്ങള്‍ ലഭിക്കുകയണെങ്കില്‍ തന്റെ ഉദ്യമം ഇനിയും വിപുലീകരിക്കാമെന്നാണ് ഈ ചെറുപ്പക്കാരന്‍ പറയുന്നത്. വിശേഷങ്ങള്‍ അറിയാന്‍ ഹരിയെ വിളിക്കാം - 9745107911.
ഒരു കാലത്ത് കാലിവസന്ത കാരണം പശുവളര്‍ത്തല്‍ മേഖലയില്‍ ഉണ്ടായ വിപത്തുകള്‍ പോലെ തന്നെ മൃഗപരിപാലനമേഖലയില്‍ വലിയ ദുരിതങ്ങള്‍ വിതയ്ക്കുന്ന സാംക്രമിക വൈറസ് രോഗമാണ്ആടുവസന്തയും. ആടുകളിലും ചെമ്മരിയാടുകളിലും…
By ഡോ. മുഹമ്മദ് ആസിഫ്. എം.
ഭാരതത്തിലെ തനതിനം പശുക്കളുടെ സംരക്ഷകനാണ് കോട്ടയം ആനിക്കാട് സ്വദേശി ഹരി. ഐടി മേഖലയില്‍ ജോലി ചെയ്തിരുന്ന ഹരി കോവിഡ് ലോക്ഡൗണ്‍ സമയത്താണ് കൃഷിയിലേക്കും മൃഗപരിപാലനത്തിലേക്കുമെത്തുന്നത്. ഇന്ത്യയുടെ വിവിധ സംസ്ഥാനങ്ങളില്‍…
By പി.കെ. നിമേഷ്
മൃഗസംരക്ഷണ വകുപ്പിന്റെ കീഴില്‍ പുതുതായി പരിശീലനം പൂര്‍ത്തിയാക്കിയ 440 ഹെല്‍പ്പര്‍മാര്‍ പ്രവര്‍ത്തനത്തിന് സജ്ജമായി. കുടുംബശ്രീ അംഗങ്ങളായ പശുസഖിമാരെയാണ് പതിനേഴു ദിവസം കൊണ്ട് പരിശീലനം പൂര്‍ത്തിയാക്കി…
By Harithakeralam
ഏകദേശം 2,000 വര്‍ഷങ്ങള്‍ക്ക് മുമ്പ് ഇന്നത്തെ മെക്‌സിക്കോയിലാണ് ടര്‍ക്കി കോഴികളെ അവയുടെ തൂവലുകള്‍ക്കും, മാംസത്തിനുമായി ആദ്യമായി ഇണക്കി വളര്‍ത്തിയത്. ടര്‍ക്കി കോഴികളുടെ വലുപ്പത്തിലും രുചിയിലും ആകര്‍ഷ്ട്രരായി…
By ഡോ. ജോണ്‍ ഏബ്രഹാം
വീട്ടാവശ്യത്തിനും വാണിജ്യാടിസ്ഥാനത്തിലും കോഴി വളര്‍ത്തുന്നവര്‍ നമ്മുടെ നാട്ടില്‍ നിരവധിയാണ്. സ്ഥിരമായി കോഴികളെ വളര്‍ത്തുന്ന ആളുകള്‍ക്കുള്ള പരാതിയാണ് കൃത്യമായി മുട്ടയിടുന്നില്ല എന്നത്. എന്നാല്‍ കോഴികളെ…
By Harithakeralam
ന്യൂഡല്‍ഹി: പശുക്കുട്ടിയെ പരിപാലിക്കുന്ന ചിത്രം സമൂഹമാധ്യമത്തില്‍ പങ്ക് വച്ചു പ്രധാനമന്ത്രി നരേന്ദ്ര മോദി. പ്രധാനമന്ത്രിയുടെ ഔദ്യോഗിക വസതിയിലുള്ള പശുവിനുണ്ടായ കിടാവിന്റെ ചിത്രമാണ് പ്രധാനമന്ത്രി പങ്ക്…
By Harithakeralam
തിരുവനന്തപുരം: മൃഗസംരക്ഷണ മേഖലയിലെ കൃത്യമായ വിവര ശേഖരണം വിവിധ പദ്ധതി ആസൂത്രണങ്ങളുടെ നട്ടെല്ലാകുമെന്ന് മന്ത്രി ജെ. ചിഞ്ചുറാണി. സെപ്റ്റംബര്‍ 2 നു ആരംഭിക്കുന്ന ഇരുപത്തിയൊന്നാമത് കന്നുകാലി സെന്‍സസിനോടനുബന്ധിച്ചു…
By Harithakeralam
വിവര സാങ്കേതിക വിദ്യയുടെ സഹായത്തോടെ പശുവിന്റെ പൂര്‍ണ വിവരങ്ങള്‍ ലഭ്യമാകുന്ന ഇ സമൃദ്ധ സംവിധാനം കേരളത്തിലുടനീളം നടപ്പിലാക്കുമെന്ന് മന്ത്രി ജെ. ചിഞ്ചു റാണി പറഞ്ഞു. എറണാകുളം ജില്ലയിലെ കോതമംഗലം ബ്ലോക്കിനു…
By Harithakeralam
© All rights reserved | Powered by Otwo Designs
.jpg)
Leave a comment