മലബാറിന്റെ ഷോപ്പിങ് തലസ്ഥാനമാകാന്‍ കോഴിക്കോട്; ലുലുമാള്‍ ഉദ്ഘാടനം ഒമ്പതിന്

ലുലുവിന്റെ വരവോടെ മലബാര്‍ മേഖലയിലെ ഇത്തവണത്തെ ഓണം ഷോപ്പിങ്ങിന് തിളക്കം കൂടുമെന്ന് ഉറപ്പാണ

By Harithakeralam

2024-09-03

മലബാറിലെ ആദ്യത്തെ ലുലുമാള്‍ കോഴിക്കോട് ഈ മാസം ഒമ്പതിന് തുറന്നു പ്രവര്‍ത്തനമാരംഭിക്കും. മാങ്കാവില്‍ 3.5 ലക്ഷം ചതുരശ്രയടിയിലാണ് മലബാറിലെ ആദ്യ ലുലുമാള്‍ ഒരുങ്ങിയിരിക്കുന്നത്. ലോകോത്തര നിലവാരമുള്ള ഷോപ്പിങ് വിസ്മയമാണ് ലുലു ഗ്രൂപ്പ് മലബാറിന്റെ ആസ്ഥാന നഗരിയില്‍ ഒരുക്കിയിരിക്കുന്നത്. ലുലുവിന്റെ വരവോടെ മലബാര്‍ മേഖലയിലെ ഇത്തവണത്തെ ഓണം ഷോപ്പിങ്ങിന്   തിളക്കം കൂടുമെന്ന് ഉറപ്പാണ്.

മൂന്നു നിലകളുള്ള മാളില്‍  ലുലു ഹൈപ്പര്‍മാര്‍ക്കറ്റ്  1.5 ലക്ഷം ചതുരശ്രയടിയാണ് പ്രവര്‍ത്തിക്കുക. കുട്ടികള്‍ക്കായുള്ള വിനോദ ഏരിയയും 400 പേര്‍ക്ക് ഇരുന്ന് ഭക്ഷണം കഴിക്കാവുന്ന ഫുഡ് കോര്‍ട്ടുമൊരുക്കിയിട്ടുണ്ട്. ഒപ്പം ലോകോത്തിലെ മികച്ച ബ്രാന്‍ഡുകളുടെ ഔട്ട്‌ലെറ്റും. കൊച്ചി, തിരുവനന്തപുരം, പാലക്കാട് എന്നിവിടങ്ങളിലാണ് നിലവില്‍ സംസ്ഥാനത്ത് ലുലുമാളുകളുള്ളത്. തിരൂര്‍, കോട്ടയം, പെരിന്തല്‍മണ്ണ എന്നിവിടങ്ങളിലും ലുലുവിന്റെ മിനി ഷോപ്പിംഗ് മാള്‍ ഉടന്‍ വരും.

Related News

മഴക്കാലത്തും ഉദ്യാനത്തില്‍ വസന്തം തീര്‍ക്കാന്‍ റെയ്ന്‍ ലില്ലി

കേരളത്തില്‍ കയറാന്‍ മുട്ടയ്ക്കും ഫീസ്

ചിത്രകീടം ; പച്ചക്കറിക്കൃഷിയുടെ അന്തകന്‍

പച്ചമുളക് നന്നായി കായ്ക്കാനുളള വളം വീട്ടില്‍ തന്നെ

ലുലു ഹൈപ്പര്‍മാര്‍ക്കറ്റ്, ലുലു കണക്റ്റ്, ലുലു ഫാഷന്‍ എന്നിവയ്ക്ക് കൂടുതല്‍ പ്രാധാന്യമുള്ളവയാണ് മിനി മാളുകള്‍. മലബാറിന്റെ പ്രത്യേകിച്ച് കോഴിക്കോടിന്റെ വാണിജ്യ- ടൂറിസം മേഖലയ്ക്ക് വലിയ ഉണര്‍വ് നല്‍കും ലുലുവിന്റെ വരവെന്നാണ് കണക്ക് കൂട്ടല്‍. ധാരാളം പേര്‍ മാള്‍ സന്ദര്‍ശിക്കാനും ഷോപ്പിങ്ങിനുമായി സമീപ പട്ടണങ്ങളില്‍ നിന്നും കോഴിക്കോട്ടേക്ക് ഒഴുകിയെത്തും. ചരിത്രപരമായി വലിയ പ്രാധാന്യമുള്ള കോഴിക്കോട് നഗരത്തിന് സാമ്പത്തികമായി ഇത് ഗുണം ചെയ്യും.

രാജ്യത്തെ ചെറുകിട നഗരങ്ങളിലേക്ക് കൂടുതല്‍ ഇറങ്ങി ചെല്ലാനുള്ള  പദ്ധതിയുമായിട്ടാണ് എം.എ യൂസഫലിയുടെ ഉടമസ്ഥതയിലുള്ള ലുലു ഗ്രൂപ്പ് മുന്നോട്ടു പോകുന്നത്. ലക്‌നൗ, ഹൈദരാബാദ്, ബംഗളൂരു, കോയമ്പത്തൂര്‍ എന്നിവിടങ്ങളിലും ലുലുവിന് മാളുകളുണ്ട്. രാജ്യത്തെ ഏറ്റവും വലിയ മാള്‍ ഗുജറാത്തിലെ അഹമ്മദാബാദില്‍ നിര്‍മിക്കാനുള്ള ഒരുക്കത്തിലാണ് ലുലു ഗ്രൂപ്പ്.