ഫെഡറല്‍ ബാങ്കിന് റെക്കോഡ് പ്രവര്‍ത്തനലാഭം

കാര്യമായ തടസ്സങ്ങളൊന്നും നേരിടാതെയാണ് ഞങ്ങളിതു കൈവരിച്ചത്. കഴിഞ്ഞ ദശാബ്ദത്തിലെ ഏറ്റവും മികച്ച ആസ്തിഗുണമേന്മയാണ് ബാങ്ക് നേടിയിരിക്കുന്നത്. ശക്തമായ അടിത്തറ സൃഷ്ടിക്കാനുള്ള പ്രതിബദ്ധതയുടെ ഭാഗമായി, റിസ്‌ക് കൂടിയ ചില മേഖലകളില്‍ പ്രൊവിഷന്‍ ഉയര്‍ത്താനുളള തീരുമാനവും ഞങ്ങള്‍ കൈക്കൊണ്ടിട്ടുണ്ട്.' ബാങ്കിന്റെ എംഡിയും സി ഇ ഓയുമായ കെ.വി.എസ്. മണിയന്‍

By Harithakeralam

2025-01-28

കൊച്ചി:  2024 ഡിസംബര്‍ 31 ന് അവസാനിച്ച സാമ്പത്തികവര്‍ഷത്തെ മൂന്നാം പാദത്തില്‍ ഫെഡറല്‍ ബാങ്ക് 1569 കോടി രൂപ പ്രവര്‍ത്തനലാഭം രേഖപ്പെടുത്തി.  ചരിത്രത്തിലെ ഏറ്റവുമുയര്‍ന്ന പ്രവര്‍ത്തനലാഭമാണ് ഇതോടെ ഫെഡറല്‍ ബാങ്ക് രേഖപ്പെടുത്തിയിരിക്കുന്നത്. 'ഭാവി വളര്‍ച്ച ലക്ഷ്യം വച്ചുകൊണ്ട്, നിക്ഷേപ  വായ്പാ രംഗത്ത് അടിസ്ഥാനപരമായ നൂതന ആശയങ്ങള്‍ നടപ്പിലാക്കാന്‍ തുടങ്ങിയതിനാല്‍ ഈ പാദം വളരെ പ്രധാനപ്പെട്ടതായിരുന്നു. ചെലവേറിയ, വലിയ തുകയ്ക്കുള്ള നിക്ഷേപങ്ങള്‍ക്കു പകരം കുറഞ്ഞ തുകയ്ക്കുള്ള റീടെയ്ല്‍ നിക്ഷേപങ്ങളില്‍ ശ്രദ്ധ കേന്ദ്രീകരിക്കാനാണ് ഞങ്ങളുടെ തീരുമാനം. വരുമാനം കുറഞ്ഞ, കൂടിയ റിസ്‌കുള്ള ആസ്തികള്‍ ഞങ്ങള്‍ ഒഴിവാക്കിയിട്ടുമുണ്ട്. അച്ചടക്കം ഉറപ്പുവരുത്തുന്ന ഇതുപോലുള്ള തീരുമാനങ്ങള്‍ സ്വീകരിച്ചിട്ടും വായ്പകളില്‍ 15 ശതമാനവും നിക്ഷേപങ്ങളില്‍ 11 ശതമാനവും വളര്‍ച്ച കൈവരിക്കാന്‍ ബാങ്കിന് സാധിച്ചു.

കാര്യമായ തടസ്സങ്ങളൊന്നും നേരിടാതെയാണ് ഞങ്ങളിതു കൈവരിച്ചത്. കഴിഞ്ഞ ദശാബ്ദത്തിലെ ഏറ്റവും മികച്ച ആസ്തിഗുണമേന്മയാണ് ബാങ്ക് നേടിയിരിക്കുന്നത്. ശക്തമായ അടിത്തറ സൃഷ്ടിക്കാനുള്ള  പ്രതിബദ്ധതയുടെ ഭാഗമായി, റിസ്‌ക് കൂടിയ ചില മേഖലകളില്‍ പ്രൊവിഷന്‍ ഉയര്‍ത്താനുളള തീരുമാനവും ഞങ്ങള്‍ കൈക്കൊണ്ടിട്ടുണ്ട്.' ബാങ്കിന്റെ എംഡിയും സി ഇ ഓയുമായ കെ.വി.എസ്. മണിയന്‍ പ്രസ്താവിച്ചു. 'ഇടപാടുകാര്‍ക്ക് നല്‍കുന്ന സേവനം, അവരുമായുള്ള ആത്മബന്ധം, ജീവനക്കാരുടെ ക്ഷേമം, സുസ്ഥിരമായ വരുമാനം തുടങ്ങിയവയിലൂടെ ഏറ്റവും മികച്ച സ്ഥാപനമായി  മാറാനുള്ള ദൃഢപരിശ്രമത്തിലാണ് ബാങ്ക്. മുന്നിലേക്ക് നോക്കുമ്പോള്‍, ഭാവി അവസരങ്ങളെക്കുറിച്ച്  ഞങ്ങള്‍ക്ക് ശുഭാപ്തിവിശ്വാസമാണുള്ളത്. ബാങ്കുമായി ബന്ധപ്പെട്ട എല്ലാവര്‍ക്കും സ്ഥായിയായ മൂല്യം ഉറപ്പുവരുത്താനാവുമെന്ന ആത്മവിശ്വാസവും ഞങ്ങള്‍ക്കുണ്ട്,' അദ്ദേഹം കൂട്ടിച്ചേര്‍ത്തു. ബാങ്കിന്റെ മൊത്തം ബിസിനസ് 13.21 ശതമാനം വര്‍ധിച്ച് 496745 കോടി രൂപയിലെത്തി. മുന്‍വര്‍ഷം ഇതേ പാദത്തില്‍ 239591 കോടി രൂപയായിരുന്ന നിക്ഷേപം 266375 കോടി രൂപയായി വര്‍ധിച്ചു.

Related News

യുവാക്കളുടെ കുഴഞ്ഞു വീണ് മരണം: പ്രധാന വില്ലന്‍ ഫാസ്റ്റ് ഫുഡ് ; പഠന റിപ്പോര്‍ട്ടുമായി മെഡിക്കല്‍ വിദ്യാര്‍ഥികള്‍

തെങ്ങിന് കൂമ്പടപ്പും മണ്ഡരി ബാധയും; ശ്രദ്ധിച്ചില്ലെങ്കില്‍ വിളവ് കുത്തനെ കുറയും

വഴുതനയൊരു ഭീകരനാണ്; പതിവായി കഴിക്കൂ

നൂറുമേനി വിളവുമായി ജീരക സാമ്പ

വായ്പാ വിതരണത്തിലും ബാങ്കിന് മികച്ച വളര്‍ച്ച കൈവരിക്കാന്‍ സാധിച്ചു. ആകെ വായ്പ മുന്‍ വര്‍ഷത്തെ 199185 കോടി രൂപയില്‍ നിന്ന് 230370 കോടി രൂപയായി വര്‍ധിച്ചു. റീട്ടെയ്ല്‍ വായ്പകള്‍ 13 ശതമാനം വര്‍ധിച്ച്  73499 കോടി രൂപയായി.  കാര്‍ഷിക വായ്പകള്‍ 27.91 ശതമാനം വര്‍ധിച്ച്  34074 കോടി രൂപയിലും വാണിജ്യ ബാങ്കിങ് വായ്പകള്‍ 24.76 ശതമാനം വര്‍ധിച്ച് 25880 കോടി രൂപയിലും കോര്‍പറേറ്റ് വായ്പകള്‍ 7.62 ശതമാനം വര്‍ധിച്ച് 77465 കോടി രൂപയിലുമെത്തി. ബിസിനസ് ബാങ്കിംഗ് വായ്പകള്‍ 13.21 ശതമാനം വര്‍ദ്ധിച്ച് 18923 കോടി രൂപയായി. അറ്റപലിശ വരുമാനവും ചരിത്രത്തിലെ ഏറ്റവുമുയര്‍ന്നതായി.   14.50 ശതമാനം വര്‍ധനവോടെ അറ്റപലിശ വരുമാനം   2431.34 കോടി രൂപയിലെത്തി.  കഴിഞ്ഞ സാമ്പത്തിക വര്‍ഷം ഇത് 2123.36   കോടി രൂപയായിരുന്നു.

കഴിഞ്ഞ ദശാബ്ദത്തിലെ ഏറ്റവും മികച്ച ആസ്തിഗുണമേന്മയാണ് ബാങ്ക് കൈവരിച്ചിരിക്കുന്നത്.   4553.31 കോടി രൂപയാണ് ബാങ്കിന്റെ മൊത്ത നിഷ്‌ക്രിയ ആസ്തി. മൊത്തം വായ്പകളുടെ 1.95 ശതമാനമാണിത്. അറ്റ നിഷ്‌ക്രിയ ആസ്തി 1131.17  കോടി രൂപയാണ്. മൊത്തം വായ്പകളുടെ 0.49  ശതമാനമാണിത്. 74 .21 ആണ് നീക്കിയിരുപ്പ് അനുപാതം. ഈ പാദത്തോടെ ബാങ്കിന്റെ അറ്റമൂല്യം 32077.05  കോടി രൂപയായി വര്‍ധിച്ചു. 15.16 ശതമാനമാണ് മൂലധന പര്യാപ്തതാ അനുപാതം.  ബാങ്കിന് നിലവില്‍ 1550  ബാങ്കിംഗ് ഔട്ട് ലെറ്റുകളും 2054  എടിഎം/ സിഡിഎമ്മുകളുമുണ്ട്.