100 കൊല്ലത്തിലധികം ആയുസുള്ള ഞാവല്‍ പഴം വെള്ളക്കെട്ടിനെയും വരള്‍ച്ചയെയും അതിജീവിക്കും.
പണ്ടു കാലത്ത് പാതയോരത്തും തോട്ടുവരമ്പത്തും ആര്‍ക്കും വേണ്ടാതെ
കിടന്നിരുന്നതാണ് ഞാവല്‍ പഴം. ഞാവല്‍ പഴത്തിന്റെ ചേലാണെന്ന് സുന്ദരിയായ
നായികയെ കവി വിശേഷിപ്പിച്ചിരുന്നത്. എന്നാല്‍ ഗുണങ്ങള്‍ തിരിച്ചറിഞ്ഞതോട
ഇന്ത്യയുടെ ഈ സ്വന്തം പഴം വീണ്ടും ശ്രദ്ധേയമാകുകയാണ്. നിരവധി പേരാണിപ്പോള്‍
ഞാവല്‍ പഴത്തിന്റെ തൈകള്‍ നടുന്നത്. സര്‍ക്കാറിന്റെ വിവിധ പദ്ധതികള്‍
മുഖേനയും തൈകള്‍ നടാനായി വിതരണം ചെയ്യുന്നുണ്ട്. 100 കൊല്ലത്തിലധികം
ആയുസുള്ള ഞാവല്‍ പഴം വെള്ളക്കെട്ടിനെയും വരള്‍ച്ചയെയും അതിജീവിക്കും.
ഞാവല്‍ കൃഷി ചെയ്യാനുള്ള രീതികള്‍.
ഔഷധഗുണങ്ങള്‍ അനവധി
പ്രമേഹം, കൊഴുപ്പ്, അമിതവണ്ണം, രക്തസമ്മര്‍ദം തുടങ്ങിയവ നിയന്ത്രിക്കാന്‍ ഞാവല്‍പ്പഴം കഴിക്കുന്നതു സഹായിക്കുമെന്ന് അറിഞ്ഞതോടെയാണ് ഡിമാന്‍ഡ് കൂടിയത്. രക്തത്തിലെ ഹീമോഗ്ലോബിന്റെ അളവ് കൂട്ടാനും പല്ലിന്റെ ആരോഗ്യം സംരക്ഷിക്കാനുമിതു സഹായിക്കും. ആന്റി ബാക്റ്റീരിയല്‍, ആന്റി ഫംഗല്‍, ആന്റി ഓക്‌സിഡന്റ് ഗുണങ്ങളുണ്ട്. ഞാവല്‍പ്പഴത്തിന്റെ ജ്യൂസ് തൊണ്ടവേദന ശമിപ്പിക്കും. റേഡിയേഷന്‍ കൊണ്ടുണ്ടാകുന്ന ദോഷങ്ങളെ പരിഹരിക്കാനും ഞാവല്‍പ്പഴത്തിനാകുമെന്ന് പഠനങ്ങള്‍ സൂചിപ്പിക്കുന്നു. കുരുവും തൊലിയും പ്രമേഹ നിയന്ത്രണത്തിന് മികച്ച ഔഷധങ്ങളാണ്. പഴങ്ങള്‍ വയറുവേദനയ്ക്കും ഉദരരോഗങ്ങള്‍ക്കുമെതിരെ ഉപയോഗിക്കാം. അര്‍ശസ്, വയറുവേദന, വായിലുണ്ടാകുന്ന മുറിവുകള്‍ എന്നിവയ്‌ക്കെതിരെയും ഫലപ്രദമാണ്. പഴത്തില്‍ മാംസ്യം, കൊഴുപ്പ് , ധാതുക്കള്‍, നാര്, അന്നജം , കാത്സ്യം, ഫോസ്ഫറസ് എന്നിവ ധാരാളമായി അടങ്ങിയിട്ടുണ്ട്. വൈറ്റമിന്‍ സി, കരോട്ടിന്‍, പോട്ടാസ്യം, സോഡിയം, ഓക്‌സാലിക് ആസിഡ് എന്നിവയും നല്ല അളവിലുണ്ട്.
.png)
പുരാണങ്ങളിലും ഞാവല്‍ പുണ്യവൃക്ഷം
ജംബൂഫലമെന്ന് അറിയപ്പെടുന്ന ഞാവല്‍പ്പഴം വനവാസകാലത്ത് ശ്രീരാമന്റെയും സീതയുടെയും ലക്ഷ്മണന്റെയും ഭക്ഷണത്തിലെ പ്രധാനഫലവര്‍ഗങ്ങളില്‍ ഒന്നായിരുന്നു. ഭാരതത്തിലെ പുണ്യവൃക്ഷങ്ങളില്‍ ഒന്നാണ് ഞാവല്‍. ഞാവല്‍ വൃക്ഷങ്ങള്‍ ധാരാളം ഉണ്ടായിരുന്നതു കൊണ്ടാണ് ഇന്ത്യന്‍ ഉപഭൂഖണ്ഡത്തിന് ജംബൂദ്വീപ് എന്ന് പേരുണ്ടായിരുന്നത്.
ജാവാ പ്ലം, ഇന്ത്യന്‍ ബ്ലാക് ബെറി എന്നീ പേരുകളുമുണ്ട് ഞാവലിന്. ഇന്ത്യ ഉള്‍പ്പെടെയുള്ള തെക്ക് കിഴക്കേഷ്യന്‍ രാജ്യങ്ങളിലാണ് ഉത്ഭവം. ഉഷ്ണമേഖലാ പ്രദേശങ്ങളില്‍ ഒരു നിത്യഹരിതവൃക്ഷമായാണ് ഞാവല്‍ വളര്‍ത്തുന്നത്. ധാരാളം ഇലകള്‍ എല്ലാക്കാലത്തും ഉണ്ടാകുന്നതിനാല്‍ തണല്‍ വൃക്ഷമായി നടാനും ഏറെ അനുയോജ്യമാണ്.
കൃഷിരീതി
കുരു പാകി കിളിര്‍പ്പിച്ചെടുക്കുന്ന തൈകള്‍ കായ്ക്കാന്‍ പത്തുവര്‍ഷമെങ്കിലുമെടുക്കും. ലെയ്‌റിംഗില്‍ കൂടി ഉത്പാദിപ്പിച്ചെടുക്കുന്ന തൈകള്‍ മൂന്ന് വര്‍ഷത്തിനകം കായ്ച്ചു തുടങ്ങും. കൃഷി സ്ഥലങ്ങളുടെ അതിരുകളിലും തരിശു സ്ഥലങ്ങളിലും ഞാവല്‍ നട്ടു പിടിപ്പിക്കാം.
ആവശ്യക്കാര്‍ കൂടുന്നതിന് അനുസരിച്ചു പല നഴ്‌സറികളുമിപ്പോള്‍ ഞാവല്‍ തൈകള്‍ ഉത്പാദിപ്പിച്ചു വില്‍ക്കുന്നുണ്ട്. ഇത്തരം തൈകള്‍ സാധാരണ മരത്തിന്റെ അത്രയും ഉയരം വയ്ക്കില്ല. വര്‍ഷത്തില്‍ മൂന്ന് പ്രാവശ്യം ജൈവ വളവും വേനല്‍ക്കാലത്ത് ജലസേചനവും നല്‍കിയാല്‍ കൂടുതല്‍ പഴങ്ങള്‍ ഉണ്ടാകും.
നമ്മുടെ കാലാവസ്ഥയില്‍ നല്ല വിളവ് തരുന്ന പഴച്ചെടിയാണ് റംബുട്ടാന്‍. കര്‍ഷകര്‍ക്ക് നല്ല വരുമാനം നല്‍കുന്ന റംബുട്ടാനില്‍ കായ്‌പൊഴിച്ചില്‍ രൂക്ഷമാണിപ്പോള്‍. കാലാവസ്ഥയാണ് പ്രശ്‌നങ്ങള്‍ സൃഷ്ടിക്കുന്നത്. ഇതിനുള്ള…
By Harithakeralam
വീട്ട് മുറ്റത്ത് കുലകളായി മുന്തിരി വിളഞ്ഞ് നില്‍ക്കുന്നതു നല്ലൊരു കാഴ്ചയായിരിക്കും. അതൊക്കെ തണുപ്പുള്ള നാട്ടില്‍ മാത്രമേ ഉണ്ടാവൂ എന്നു പറയാന്‍ വരട്ടെ, നമ്മുടെ വീട്ടുമുറ്റത്തും മുന്തിരി വിളയും, നല്ല തണലും…
By Harithakeralam
ഒരു പഴത്തില്‍ തന്നെ നിരവധി പഴങ്ങളുടെ രുചി, അതാണ് ചെറിമോയ. പ്രകൃതിയുടെ ഫ്രൂട്ട്‌സലാഡ് എന്നാണ് ഈ പഴത്തിന്റെ വിശേഷണം. മാങ്ങ, ചക്ക,വാഴ, പേരയ്ക്ക, ആത്തച്ചക്ക, കൈതച്ചക്ക എന്നീ പഴങ്ങളുടെ സമ്മിശ്ര രുചിയാണിതിന്.…
By Harithakeralam
വാഴയ്ക്ക് കുല വരുന്ന സമയമാണിപ്പോള്‍. നല്ല വില കിട്ടുന്നതിനാല്‍ കര്‍ഷകരെല്ലാം വലിയ പ്രതീക്ഷയിലാണ്. എന്നാല്‍ രോഗങ്ങള്‍ വലിയ തോതില്‍ വാഴയ്ക്ക് ബാധിക്കുന്നുണ്ട്. ഇവയില്‍ ഏറെ ഗുരുതരമായതാണ് സിഗാര്‍…
By Harithakeralam
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
© All rights reserved | Powered by Otwo Designs
Leave a comment