വാഴപ്പിണ്ടിയില്‍ പൊട്ടാഷ് ധാരാളമുള്ളതിനാല്‍ പച്ചക്കറികള്‍ നന്നായി കായ്ക്കാനുമിതു സഹായിക്കും.
By Harithakeralam
ഗ്രോബാഗില്‍ കൃഷി ചെയ്യുന്നവര്‍ സ്ഥിരമായി ഉപയോഗിക്കുന്നതാണ് ചകിരിച്ചോര്‍ കമ്പോസ്റ്റ്. ഗ്രോബാഗില്‍ നടീല്‍ മിശ്രിതം നിറയ്ക്കുന്ന സമയത്ത് ചകിരിച്ചോര്‍ അത്യാവശ്യമാണ്. എന്നാല്‍ നമ്മള്‍ കൃഷി ചെയ്യുന്ന വാഴയുടെ പിണ്ടി ഉപയോഗിച്ച് നല്ല കമ്പോസ്റ്റ് ഉണ്ടാക്കിയെടുക്കാം. വാഴപ്പിണ്ടിയില്‍ പൊട്ടാഷ് ധാരാളമുള്ളതിനാല്‍ പച്ചക്കറികള്‍ നന്നായി കായ്ക്കാനുമിതു സഹായിക്കും. വാഴപ്പിണ്ടി കമ്പോസ്റ്റ് ഉണ്ടാക്കുന്ന വിധം പരിശോധിക്കൂ.
അടുക്കളത്തോട്ടത്തിലും പൂന്തോട്ടത്തിലും
വാഴക്കുല വെട്ടിയാല്‍ വെറുതെ കളയുന്ന സാധനമാണ് വാഴപ്പിണ്ടി. പോളകള്‍ ഒരു പാട് ഒഴിവാക്കി അകത്തുളള കാമ്പ് ഉപയോഗിച്ച് തോരനും മറ്റുമുണ്ടാക്കാറുണ്ട്. ഏറെ ഗുണങ്ങള്‍ നിറഞ്ഞതാണ് വാഴപ്പിണ്ടി. എന്നാല്‍ ഭൂരിഭാഗം പേരും വാഴപ്പിണ്ടിയെ തൊടിയില്‍ ഉപേക്ഷിക്കുകയാണ് പതിവ്. വെള്ളത്തിന്റെ അളവ് ധാരാളമുണ്ടിതില്‍, പിന്നെ പൊട്ടാഷും. ഇവ രണ്ടും പച്ചക്കറികള്‍ക്കും ഒപ്പം പൂന്തോട്ടത്തിലെ റോസിനും ഓര്‍ക്കിഡിനുമൊക്കെ ഏറെ നല്ലതാണ്.
.png)
തയാറാക്കുന്ന വിധം
അടിവശത്ത് മൂന്നോ നാലോ ദ്വാരമുള്ള പ്ലാസ്റ്റിക്ക് ബക്കറ്റോ ചട്ടിയോ, കുറച്ച് പച്ചച്ചാണകം എന്നിവയാണ് വാഴപ്പിണ്ടി കമ്പോസ്റ്റുണ്ടാക്കാന്‍ ആവശ്യമുള്ള വസ്തുക്കള്‍. വാഴപ്പിണ്ടി ചെറുതായി അരിയുക. നല്ല പോലെ ചെറുതായി അരിയുന്നതാണ് നല്ലത്. പച്ചച്ചാണകത്തില്‍ കുറച്ചു വെള്ളം ചേര്‍ത്ത് കുഴമ്പു രൂപത്തിലാക്കണം. ചെറുതായി അരിഞ്ഞ വാഴപ്പിണ്ടി പാത്രത്തിന്റെ കാല്‍ഭാഗം നിറയ്ക്കുക. തുടര്‍ന്ന് കുറച്ചു ചാണകം ഒഴിക്കുക. പിന്നീട് കുറച്ചു കൂടി വാഴപ്പിണ്ടിയിട്ട ശേഷം വീണ്ടും ചാണകം തളിക്കുക. പാത്രം നിറയുന്നതുവരെ ഈ രീതി തുടരുക, പിന്നീട് പാത്രം നന്നായി മൂടി തണലത്ത് വയ്ക്കുക. വെയിലും മഴയും കൊള്ളാതെ സൂക്ഷിക്കാന്‍ ശ്രദ്ധിക്കണം. വാഴപ്പിണ്ടിയില്‍ ധാരാളം വെള്ളമുള്ളതിനാല്‍ അവ പാത്രത്തിലെ ദ്വാരത്തിലൂടെ താഴേക്ക് പോകും. ഒരാഴ്ച കഴിഞ്ഞു പാത്രം തുറന്നു നന്നായി ഇളക്കി കൊടുക്കുക, വീണ്ടും അടച്ചു വയ്ക്കുക. ഒരു മാസം ഈ രീതി തുടരുക. പിന്നീട് എടുത്തു നോക്കിയാല്‍ വാഴപ്പിണ്ടി നല്ല കമ്പോസ്റ്റായി മാറിയിട്ടുണ്ടായിരിക്കും.
ഗുണങ്ങള്‍
മനുഷ്യനെന്ന പോലെ ചെടികള്‍ക്കും ഏറെ ഉപകാരപ്രദമാണ് വാഴപ്പിണ്ടി. ഗ്രോബാഗില്‍ നടീല്‍ മിശ്രിതമായി ഉപയോഗിക്കാന്‍ അനുയോജ്യമാണ്. നല്ല നീര്‍വാര്‍ച്ചയുണ്ടാകും, പൊട്ടാഷിന്റെ സാനിധ്യമുള്ളതിനാല്‍ പച്ചക്കറികള്‍ നന്നായി കായ്ക്കും. ചകിരിച്ചോറിന് പകരമുപയോഗിക്കാം. പൂന്തോട്ടത്തിലെ ചെടികള്‍ക്കും ഈ കമ്പോസ്റ്റ് ഏറെ നല്ലതാണ്.
വേരുതീനിപ്പുഴു, തടതുരപ്പന്‍, മാണവണ്ട്, കായ്തുരപ്പന്‍ പോലുള്ള കീടങ്ങള്‍ വലിയ നഷ്ടമാണ് കര്‍ഷകര്‍ക്ക് ഉണ്ടാക്കുക. തെങ്ങ്, കവുങ്ങ്, വാഴ പോലുള്ള വിളകളെ മൊത്തത്തില്‍ നശിപ്പിക്കാന്‍ ഇവ മതി. പലപ്പോഴും വിളകളെ…
By Harithakeralam
വേനല്‍മഴ നല്ല പോലെ മഴ കിട്ടിയതോടെ പച്ചക്കറിച്ചെടികള്‍ അല്‍പ്പമൊന്നു ജീവന്‍ വച്ചു നില്‍ക്കുകയായിരിക്കും. എന്നാല്‍ പല തരത്തിലുള്ള കീടങ്ങളും ഈ സമയത്ത് പ്രശ്‌നക്കാരായി എത്തും. ഇവയെ തുരത്താനും പച്ചക്കറികളുടെ…
By Harithakeralam
വേനല്‍ക്കാലമായതിനാല്‍ ദിവസവും കുറച്ചു പഴങ്ങള്‍ കഴിക്കുന്നതു നമ്മുടെ ആരോഗ്യത്തിനേറെ നല്ലതാണ്. മിക്ക പഴങ്ങളും തൊലിചെത്തിക്കളഞ്ഞാണ് ഉപയോഗിക്കുക. ഈ തൊലികള്‍ മാലിന്യമായി വലിച്ചെറിയാതെ അടുക്കളത്തോട്ടത്തിലെ…
By Harithakeralam
അടുക്കളത്തോട്ടമൊരുക്കുമ്പോള്‍ നിര്‍ബന്ധമായും നടേണ്ട പച്ചക്കറിയാണ് വഴുതന. ഏതു കാലാവസ്ഥയിലും വലിയ പരിചരണമൊന്നും നല്‍കിയില്ലെങ്കിലും വഴുതന നല്ല വിളവ് തരും. വെയിലും മഴയുമൊന്നും വഴുതനയ്ക്ക് പ്രശ്‌നമല്ല, ഇനി…
By Harithakeralam
നല്ല പരിചരണം നല്‍കിയാല്‍ വേനല്‍ച്ചൂടിലും പച്ചക്കറികളില്‍ നിന്നും മികച്ച വിളവ് ലഭിക്കും. പാവല്‍, പടവലം, വെണ്ട, വഴുതന തുടങ്ങിയ പച്ചക്കറികളെ ഈ സമയത്ത് പലതരത്തിലുള്ള കീടങ്ങള്‍ ആക്രമിക്കാനെത്തും. പൊതുവെ പച്ചപ്പ്…
By Harithakeralam
പൊള്ളുന്ന വെയിലത്തും പച്ചമുളകില്‍ നല്ല വിളവ് ലഭിക്കാന്‍ വീട്ടില്‍ തന്നെ ലഭിക്കുന്ന വസ്തുക്കള്‍ ഉപയോഗിച്ചൊരു വളം തയാറാക്കിയാലോ. വിപണിയില്‍ ലഭിക്കുന്ന പച്ചക്കറികളില്‍ ഏറ്റവുമധികം രാസകീടനാശിനികള്‍ പ്രയോഗിക്കുന്നവയാണ്…
By Harithakeralam
ഏതു കാലത്തും നല്ല വിളവ് തരുന്ന പച്ചക്കറിയാണ് വഴുതന. വേനലും മഴയുമൊന്നും വഴുതനയ്ക്ക് പ്രശ്‌നമല്ല, വലിയ പരിചരണമില്ലെങ്കിലും തരക്കേടില്ലാത്ത വിളവ് തരും. തണ്ട് വെട്ടിക്കൊടുത്താല്‍ ഒന്നോ രണ്ടോ വര്‍ഷം ഒരു ചെടിയില്‍…
By Harithakeralam
വേനല്‍ക്കാലത്ത് നല്ല വിള തരുന്ന പച്ചക്കറികളാണ് പന്തല്‍ വിളകള്‍. നനയ്ക്കാനുള്ള സൗകര്യം കൂടിയുണ്ടെങ്കില്‍ പന്തല്‍ വിളകളായ പടവലം, പാവയ്ക്ക, ചിരങ്ങ തുടങ്ങിയ വിളകള്‍ നല്ല പോലെ വളരും. വാണിജ്യക്കൃഷി ചെയ്യുന്നവര്‍ക്ക്…
By Harithakeralam
© All rights reserved | Powered by Otwo Designs
Leave a comment