ഇത്തവണ ഓണം സീസണിലേക്കായി ചെണ്ടുമല്ലി കൃഷിയാണ് കൂടുതലും ചെയ്തിരിക്കുന്നത്. 35 സെന്റില് പൂര്ണമായും ചെണ്ടുമല്ലി പൂക്കള് വിരിഞ്ഞു നില്ക്കുകയാണ്.
By നൗഫിയ സുലൈമാന്
ഓണനാളുകളിലേക്ക് ഇനി ഏതാനും ദിവസങ്ങള് മാത്രം. മലയാളികള് ഓണത്തെ വരവേല്ക്കാനുള്ള ഒരുക്കങ്ങളിലാണ്. കൂട്ടത്തില് കര്ഷകരും തിരക്കുകളിലാണ്, അക്കൂട്ടത്തിലൊരാളാണ് ധനലക്ഷ്മിയും. വീട്ടുകാര്യങ്ങളും ജോലിത്തിരക്കുകള്ക്കും ഇടയില് കൃഷി ലോകത്തും സജീവമാണ് ഈ ബാങ്ക് ഉദ്യോഗസ്ഥ. പതിവു പോലെ ഓണാഘോഷങ്ങള്ക്കായി പൂക്കൃഷി ചെയ്തിരിക്കുകയാണ് ധനലക്ഷ്മി. ഓണത്തിന് ഒരുമുറം പച്ചക്കറി വിഭാഗത്തില് ജില്ലയില് ഒന്നാസ്ഥാനവും സംസ്ഥാന തലത്തില് രണ്ടാംസ്ഥാനവും നേടിയ കര്ഷകയുടെ പൂക്കൃഷിയുടെ വിശേഷങ്ങളിലേക്ക്.
കൃഷി ധനലക്ഷ്മിക്ക് പുതുമുയുള്ള കാര്യമൊന്നും അല്ല. പാരമ്പര്യമായി കാര്ഷിക കുടുംബമാണ് ഇവരുടേത്. എന്നാല് ഇത്തവണ പൂക്കൃഷിയിലാണ് കൂടുതല് ശ്രദ്ധ നല്കിയിരിക്കുന്നത്. പാലക്കാട് ജില്ലയില് പല്ലശ്ശേന പഞ്ചായത്തില് തൊട്ടിന്കുളമ്പ് സ്വദേശിയായ ധനലക്ഷ്മി പറഞ്ഞു തുടങ്ങുന്നു. പലതരം പച്ചക്കറികളും നെല്ലും വാഴയുമൊക്കെ കൃഷി ചെയ്തിരുന്നു ഞങ്ങള്, ഇത്തവണ ഓണം സീസണിലേക്കായി ചെണ്ടുമല്ലി കൃഷിയാണ് കൂടുതലും ചെയ്തിരിക്കുന്നത്. 35 സെന്റില് പൂര്ണമായും ചെണ്ടുമല്ലി പൂക്കള് വിരിഞ്ഞു നില്ക്കുകയാണ്. ഓറഞ്ച് നിറമുള്ള ചെണ്ടുമല്ലി പൂക്കള് വിരിഞ്ഞു നില്ക്കുന്ന അതിസുന്ദരമായ കാഴ്ച കാണാന് നിരവധിപ്പേരാണ് പൂന്തോട്ടത്തിലേക്കെത്തുന്നത്.
പച്ചക്കറിത്തോട്ടത്തിലെ കീടശല്യത്തിനു പരിഹാരമായാണ് ഞങ്ങളാദ്യം ചെണ്ടുമല്ലി ചെടികള് നട്ടു തുടങ്ങുന്നത്. പച്ചക്കറിത്തോട്ടത്തിലെ പൂച്ചെടികളില് പൂക്കള് വിരിഞ്ഞു നില്ക്കുന്നതു കാണാനും നല്ല ഭംഗിയായി തോന്നി. പൂക്കളുടെ ആ സൗന്ദര്യമാണ് കൂടുതല് ചെണ്ടുമല്ലി ചെടികള് പറമ്പില് നടുന്നതിന് കാരണവും. കൂടുതല് ചെണ്ടുമല്ലി നടാമെന്നും കൃഷിയായി ചെയ്യാമെന്നൊക്കെ ഭര്ത്താവാണ് പറയുന്നത്. സുരേഷ് ബാബു എന്നാണ് ഭര്ത്താവിന്റെ പേര്. വില്ലേജ് ഓഫീസറാണ് അദ്ദേഹം. ഞങ്ങളൊരുമിച്ചാണ് കൃഷി കാര്യങ്ങളൊക്കെ ചെയ്യുന്നത്. ഏതായാലും അദ്ദേഹത്തിന്റെ ആശയം വിജയമായതിന്റെ സന്തോഷം ഞങ്ങള്ക്കുണ്ട്.
പച്ചക്കറി കൃഷിയുണ്ടെങ്കിലും ഏറെ അളവില് ചെയ്യുന്നില്ല. അടുത്തുള്ള കടകളിലേക്ക് പച്ചക്കറി നല്കാറുണ്ട്. വീട്ടാവശ്യത്തിനെടുക്കും. കഴിഞ്ഞ മൂന്നു വര്ഷമായി ചെണ്ടുമല്ലി ചെടി കൃഷി ചെയ്യുന്നുണ്ട്. ചാണകവും കോഴികാഷ്ഠവും അടിവളമായി ഉപയോഗിക്കും. ചെടി പിടിച്ചതിനു ശേഷം ഫാക്റ്റ് വളം നല്കും. ചെടി കുറച്ച് വലിപ്പം വയ്ക്കുമ്പോള് വീണ്ടും വളം ഇടും. ചെണ്ടുമല്ലി ചെടികള്ക്ക് വലിയ പരിചരണം ആവശ്യമില്ല. ഓണദിവസങ്ങളില് ചെണ്ടുമല്ലി പൂക്കള്ക്ക് നല്ല ഡിമാന്റ് ഉണ്ടല്ലോ. ആ ദിവസങ്ങളില് വില്ക്കാനാണ് ഞങ്ങളുടെ പ്ലാന്. അയല്വീടുകളിലും വീടിന് സമീപമുള്ള സ്കൂളുകളിലും വില്ക്കാനാണ് ഉദ്ദേശിക്കുന്നത്. മാര്ക്കറ്റ് വിലയില് നിന്നും കുറഞ്ഞ വിലയ്ക്കാണ് വില്ക്കാറുള്ളത്.
കൊലങ്കോട് കാനറ ബാങ്കിലാണ് ജോലി. അവധി ദിവസങ്ങളില് കുറേ സമയം കൃഷിക്കായി നീക്കി വയ്ക്കും. ജോലിക്ക് പോകുന്ന ദിവസങ്ങളില് രാവിലെയും വൈകുന്നേരവും കുറച്ചു സമയം കൃഷിപ്പണികള് ചെയ്യും. ഞാനും ഭര്ത്താവും കൂടിയാണ് കൃഷി കാര്യങ്ങളൊക്കെ ചെയ്യുന്നത്. കൂടുതല് പണി വരുന്ന സമയങ്ങളില് മാത്രമേ സഹായത്തിന് ആളെ വയ്ക്കാറുള്ളൂ. കൃഷിയില് നിന്ന് വലിയ ലാഭമൊന്നും ലഭിക്കുന്നില്ലെന്നതാണ് നേര്. എന്നാല് നഷ്ടമില്ലാതെ പോകാമെന്നു മാത്രം. കാലാവസ്ഥയാണ് കൃഷിയുടെ പ്രധാന വില്ലന്. വേനല്കാലമാണെങ്കില് ജലക്ഷാമമായിരിക്കും പ്രശ്നം. മഴക്കാലമാണെങ്കില് വെള്ളക്കെട്ടും മറ്റു പ്രശ്നങ്ങളും. ഇതൊക്കെ തരണം ചെയ്താണ് കൃഷി ചെയ്യുന്നതെന്നും ധനലക്ഷ്മി പറഞ്ഞു. പത്താം ക്ലാസ് വിദ്യാര്ഥി ആശിഷ്, നാലാം ക്ലാസില് പഠിക്കുന്ന ആത്മജ് എന്നിവരാണ് മക്കള്.
പൂന്തോട്ടത്തില് എപ്പോഴും സുഗന്ധം വേണമെങ്കില് നടേണ്ട ചെടിയാണ് ഗന്ധരാജന്. ചെടി നിറയെ വെള്ള പൂക്കളുണ്ടാകുന്ന ഗന്ധരാജന് സുഗന്ധത്തോടൊപ്പം അഴകം നല്കും. വലിയ പരിചരണമൊന്നുമില്ലാതെ തന്നെ നല്ല പോലെ പൂക്കുന്ന…
By Harithakeralam
വീടിന് മുന്നിലോ ബാല്ക്കണിയിലോ മതിലിനു സമീപത്തോ ഒരല്പ്പം കര്ട്ടന് തൂക്കുന്നതിന് പകരം ചെടി വളര്ത്തിയാലോ...? ഇതിനു പറ്റിയ പ്ലാന്റാണ് കര്ട്ടന് ക്രീപ്പര് പ്ലാന്റ്. താഴേക്ക് തൂങ്ങി വള്ളിയായി വളരുന്ന…
By Harithakeralam
പൂന്തോട്ടത്തിലെ ശോഭ കുറയുന്ന കാലമാണ് വേനല്. ചൂട് കൂടുമ്പോള് ചെടികള് വാടി പൂക്കള് കൊഴിഞ്ഞു പോകുന്നു. നല്ല പരിചരണം നല്കിയാലും പൂന്തോട്ടം വേനലില് കളര്ഫുള്ളായിക്കൊള്ളണമെന്നില്ല. എന്നാല് ഈ കാലാവസ്ഥയില്…
By Harithakeralam
ഇന്ത്യയുടെ മഹാനഗരമായ മുംബൈയിലെ പിങ്ക് വസന്തത്തിന്റെ ദൃശ്യങ്ങള് സമൂഹമാധ്യമങ്ങളില് വൈറലായിക്കൊണ്ടിരിക്കുകയാണ്. ഈസ്റ്റേണ് എക്സ്പ്രസ് ഹൈവേയുടെ ഇരുഭാഗങ്ങളിലും മനോഹരമായ പിങ്ക് പൂവുകള് നിറഞ്ഞു നില്ക്കുന്ന…
By Harithakeralam
പേരു കേള്ക്കുമ്പോള് വലിയ പരിചയം തോന്നില്ലെങ്കിലും നമ്മുടെ വീട്ട് മുറ്റത്ത് നല്ല പോലെ പൂവിടുന്ന ചെടിയാണ് നിക്കോഡിയ. വയലറ്റ്, ലാവെന്ഡര് നിറങ്ങളില് ധാരാളം പൂക്കളുണ്ടാകുന്ന ഈ ചെടിക്ക് വലിയ പരിചരണമൊന്നും…
By Harithakeralam
തണുപ്പും വെയിലുമുള്ളതിനാല് റോസ് നല്ല പോലെ പൂക്കുന്ന കാലമാണിപ്പോള്. പൂന്തോട്ടത്തില് റോസാച്ചെടി പൂത്ത് നില്ക്കുന്ന കാഴ്ച മനോഹരമാണ്. എന്നാല് പലതരത്തിലുള്ള രോഗങ്ങളുമിപ്പോള് റോസാച്ചെടിയെ ബാധിക്കും. ഇതിലൊന്നാണ്…
By Harithakeralam
മുത്ത് പോലുള്ള ഇലകള് തൂങ്ങിക്കിടക്കുന്ന വള്ളിച്ചെടി... വീട്ടിനകത്തും ഓഫീസിലും ബാല്ക്കണിയുമെല്ലാം വളര്ത്താന് അനുയോജ്യമായ സ്ട്രിങ് ഓഫ് പേള്സ്. പേരു സൂചിപ്പിക്കും പോലെ മുത്തുകള് തൂങ്ങിക്കിടക്കുന്നതു…
By Harithakeralam
വീട്ടുമുറ്റത്തും അകത്തളങ്ങളിലും വളര്ത്താന് അനുയോജ്യമായ വള്ളിച്ചെടിയാണ് സ്പാനിഷ് മോസ്. അമേരിക്കന് ദ്വീപുകളില് സ്വാഭാവികമായി വളരുന്ന ഈ ചെടി നമ്മുടെ നാട്ടില് അലങ്കാരത്തിനായിട്ടാണ് വളര്ത്തുന്നത്. പൂന്തോട്ടത്തില്…
By Harithakeralam
© All rights reserved | Powered by Otwo Designs
Leave a comment