കോവളം ഉദയ സമുദ്ര ഹോട്ടലില് നടക്കുന്ന ദ്വിദിന ഉച്ചകോടിയില് ദേശീയ-അന്തര് ദേശീയ തലത്തിലുള്ള കാന്സര് സര്ജറി വിദഗ്ദ്ധര് പങ്കെടുക്കും.
By Harithakeralam
തിരുവനന്തപുരം: സേനാധിപന് എജ്യുക്കേഷന് ഫൗണ്ടേഷന്റെ ആഭിമുഖ്യത്തില് എച്ച്പിബി ആന്ഡ് ജിഐ( ഹെപ്പറ്റോപാന്ക്രിയാറ്റിക് ബിലിയറി ആന്ഡ് ഗാസ്ട്രോ ഇന്റസ്റ്റൈനല്) ക്യാന്സര് സര്ജന്മാരുടെ ആഗോള ഉച്ചകോടി മെയ് 10,11 തീയതികളില് കോവളത്ത് നടക്കുമെന്ന് ഓര്ഗനൈസിങ് കമ്മിറ്റി സെക്രട്ടറിയും സേനാധിപന് എജ്യുക്കേഷന് ഫൗണ്ടേഷന് സ്ഥാപകനുമായ പ്രൊഫ. ഡോ. ബൈജു സേനാധിപന് വാര്ത്താസമ്മേളനത്തില് അറിയിച്ചു. കോവളം ഉദയ സമുദ്ര ഹോട്ടലില് നടക്കുന്ന ദ്വിദിന ഉച്ചകോടിയില് ദേശീയ-അന്തര് ദേശീയ തലത്തിലുള്ള കാന്സര് സര്ജറി വിദഗ്ദ്ധര് പങ്കെടുക്കും.
യു.എസ്.എ, ബ്രസീല്, മലേഷ്യ, ജപ്പാന്, ഇറ്റലി, ലണ്ടന് എന്നീ രാജ്യങ്ങളില് നിന്നുള്ള പ്രമുഖ എച്ച്പിബി ആന്ഡ് ജിഐ ക്യാന്സര് സര്ജറി വിദഗ്ദ്ധന്മാരാണ് കോവളത്ത് നടക്കുന്ന സമ്മിറ്റില് പങ്കെടുക്കുന്നത്. അമേരിക്കയിലെ മയോക്ലിനിക്ക് സര്ജന് ഡോ. മൈക്കേല് കെന്ഡ്രിക്, ജപ്പാനിലെ ടോക്യോ മെഡിക്കല് യൂണിവേഴ്സിറ്റി ഹോസ്പിറ്റലിലെ കണ്സള്ട്ടന്റ് സര്ജന് പ്രൊഫ. നാഗാകവ യൂചി, ഇറ്റലിയിലെ ഹുമാനിറ്റാസ് യൂണിവേഴ്സിറ്റി കണ്സള്ട്ടന്റ് സര്ജന് പ്രൊഫ. ഗുയ്ഡോ ടോര്സിലി, യൂണിവേഴ്സിറ്റി ഓഫ് മലേഷ്യ മെഡിക്കല് സെന്ററിലെ കോളോറെക്ടറല് സര്ജന് പ്രൊഫ. സിയോന് പാന് കിം തുടങ്ങിയവരാണ് ഇന്റര്നാഷണല് ഫാക്കല്റ്റിയിലെ പ്രമുഖര്. കൂടാതെ ദേശിയതലത്തില് ശ്രദ്ധേയരായ 70 ല്അധികം കാന്സര് സര്ജന്മാരും ഉച്ചകോടിയില് പങ്കെടുത്ത് സംസാരിക്കും.
ആഗോളതലത്തില് അര്ബുദ ബാധിതരുടെ എണ്ണം വര്ദ്ധിക്കുന്ന സാഹചര്യത്തില് എച്ച്പിബി ആന്ഡ് ജിഐ ക്യാന്സര് സര്ജന്മാരുടെ ഉച്ചകോടിക്ക് ഏറെ പ്രാധാന്യമുണ്ടെന്നും വിവിധ വിഷയങ്ങളെ കുറിച്ചുള്ള ആഴത്തിലുള്ള ചര്ച്ചകള്ക്കും പ്രഭാഷണങ്ങള്ക്കും കോവളം വേദിയാകുമെന്നും സമ്മിറ്റ് ഓര്ഗനൈസിങ് ചെയര്മാന് ഡോ. എച്ച് രമേശ് പറഞ്ഞു. അഞ്ഞൂറിലധികം സര്ജന്മാര് പങ്കെടുക്കുന്ന ഉച്ചകോടിയില് വിവിധ വിഷയങ്ങളെ ആസ്പദമാക്കിയുള്ള പാനല് ചര്ച്ച, മെഡിക്കല് വിദ്യാര്ത്ഥികള്ക്കും സര്ജന്മാര്ക്കുമായുള്ള പഠന ക്ലാസ്, പ്രാക്ടിക്കല് സെഷന്സ് എന്നിവയും ഉള്പ്പെടുത്തിയിട്ടുണ്ട്.
പാന്ക്രിയാസ്, കരള്, വന്കുടല്,മലാശയം തുടങ്ങിയ ശരീരഭാഗങ്ങളെ ബാധിക്കുന്ന കാന്സര് ചികിത്സയ്ക്കുള്ള ഏറ്റവും ആധുനികവും രോഗികള്ക്ക് ഗുണകരവുമായ ശസ്ത്രക്രിയാമാര്ഗങ്ങള് ആരോഗ്യമേഖലയില് പ്രവര്ത്തിക്കുന്നവര്ക്ക് പരിചയപ്പെടുത്തുകയും പുതിയ സാഹചര്യങ്ങളെ കുറിച്ചുള്ള അവബോധം സൃഷ്ടിക്കുകയുമാണ് സമ്മിറ്റിന്റെ ലക്ഷ്യമെന്ന് പ്രൊഫ.ഡോ. ബൈജു സേനാധിപന് പറഞ്ഞു. സമ്മിറ്റിന്റെ ഭാഗമായി ലാപ്പറോസ്കോപ്പി സര്ജറിയില് മികവ് പുലര്ത്തുന്നവര്ക്ക് സേനാധിപന് എജ്യുക്കേഷന് ഫൗണ്ടേഷന് നല്കിവരുന്ന ഏകലവ്യ അവാര്ഡ് 2025ന്റെ പ്രഖ്യാപനവുമുണ്ടാകും.
പുരസ്കാര ജേതാവിന് സ്വര്ണ മെഡലും ജപ്പാനിലെ ടോക്യോ മെഡിക്കല് യൂണിവേഴ്സിറ്റി ഫെലോഷിപ്പും നല്കുമെന്നും അദ്ദേഹം അറിയിച്ചു. പത്രസമ്മേളനത്തില് അസോസിയേഷന്സ് ഓഫ് സര്ജന്സ് ഓഫ് ഇന്ത്യ എക്സി. ഡയറക്ടര് ഡോ. സുല്ഫികര് എം.എസ് ,ഡോ. രമാദേവി, എസ് ഇ എഫ് മാനേജര് വിശ്വനാഥന്, ഓവര്സീസ് കോര്ഡിനേറ്റര് ഡോ. പീറ്റര് കെബിന്റോ എന്നിവര് പങ്കെടുത്തു.
കടുത്ത ചൂടാണിപ്പോള് കേരളത്തില്. റംസാന് നോമ്പ് എടുക്കുന്നവര് നിര്ജലീകരണം വരാതിരിക്കാന് ശ്രദ്ധിക്കണം. ഇതിനു സഹായിക്കുന്ന ചില പാനീയങ്ങള് പരിചയപ്പെടാം.
By Harithakeralam
ശരീരത്തിലെ കൊഴുപ്പിന്റെ അളവ് ആരോഗ്യത്തെ ദോഷകരമായി ബാധിക്കുംവിധം വര്ദ്ധിക്കുന്ന അവസ്ഥയെയാണ് അമിതവണ്ണം അഥവാ പൊണ്ണത്തടി എന്ന് വിളിക്കുന്നതെന്ന് നമുക്കെല്ലാവര്ക്കും അറിയാം. കുട്ടികളെന്നും യുവാക്കളെന്നും…
By Dr. Vimal M.V
ശരീരത്തിലുണ്ടാകുന്ന ചീത്ത കൊളസ്ട്രോളാണ് പക്ഷാഘാതം, ഹൃദയസ്തംഭനം പോലുള്ള ഗുരുതരമായ പ്രശ്നങ്ങള്ക്ക് കാരണം. ചീത്ത കൊളസ്ട്രോളിന്റെ അളവ് ശരീരത്തില് വര്ധിക്കുന്നതു തടയുകയാണ് ഇതിനെ പ്രതിരോധിക്കാനുള്ള…
By Harithakeralam
എത്ര വര്ണിച്ചാലും തീരാത്ത ഗുണങ്ങളാണ് മുരിങ്ങയിലയ്ക്കുള്ളത്. മുരിങ്ങയിലയും കായും പലതരത്തില് നാം കഴിക്കാറുണ്ട്. മുരിങ്ങയില പൊടിയാക്കി ചായയുണ്ടാക്കാന് വരെ ഉപയോഗിക്കുന്നു. തമിഴ്നാട്ടില് ഏക്കറുകണക്കിന്…
By Harithakeralam
പായസത്തിലും മറ്റും നാം ഉപയോഗിക്കുന്ന ഉണക്കമുന്തിരി രണ്ടു തരത്തിലുണ്ട്, കറുപ്പും മഞ്ഞയും. ഇതില് ഏതാണു മികച്ചത്. രണ്ടിലും അടങ്ങിയിരിക്കുന്ന വസ്തുക്കളുടെ അളവില് മാറ്റമുണ്ട്. അവ പരിശോധിക്കാം.
By Harithakeralam
വൃക്ക രോഗികളുടെ എണ്ണം ദിവസം തോറും നമ്മുടെ നാട്ടില് വര്ധിച്ചു വരികയാണ്. ഭക്ഷണ രീതിയില് വരുന്ന മാറ്റങ്ങള് തന്നെയാണിതിനു പ്രധാന കാരണം. വൃക്കയുടെ ആരോഗ്യത്തിന് കരുത്ത് പകരുന്ന ചില ഭക്ഷണങ്ങള് നോക്കാം.
By Harithakeralam
മറവി വലിയൊരു പ്രശ്നമായി മാറിയിരിക്കുകയാണിപ്പോള്. പ്രായമായവരില് മറവി സ്ഥിരമായിരുന്നുവെങ്കിലും ഇപ്പോള് ചെറുപ്പക്കാര് വരെ മറവി കാരണം വലഞ്ഞിരിക്കുകയാണ്. ഭക്ഷണക്രമത്തില് വന്ന മാറ്റവും മൊബൈല് പോലുള്ള…
By Harithakeralam
പലര്ക്കും വിവിധ കാരണങ്ങള് കൊണ്ടു കഴുത്തു വേദന വരാം. യുവാക്കള്ക്കിടയിലിപ്പോള് കഴുത്തു വേദന വ്യാപകമാണ്. കംപ്യൂട്ടറിന് മുന്നില് ഇരുന്നുള്ള ജോലിയും മൊബൈല് ഉപയോഗവുമെല്ലാം ഇതിനു കാരണമാണ്. താഴെ പറയുന്ന…
By Harithakeralam
© All rights reserved | Powered by Otwo Designs
Leave a comment