കോഴിക്കോട് കുറ്റിയാടിക്ക് സമീപം സൂപ്പിക്കടയിലാണ് ഇവരുടെ ഉദ്യാനവും നഴ്സറിയും. വിവിധ ഇനത്തിലും നിറത്തിലുമുള്ള ബോഗണ്‍വില്ലകള്‍ ആവശ്യപ്പെട്ട് നിരവധി പേരാണിവിടെ എത്തുന്നത്.
By പി.കെ. നിമേഷ്
കടലാസുപൂക്കളൊരുക്കുന്ന വസന്തമാണ് ജോജോ ജേക്കബ്- ബിന്ദു ജോസഫ് ദമ്പതികളുടെ ഉദ്യാനമാകെ. പല നിറങ്ങളില്‍ പൂത്ത് നില്‍ക്കുന്ന ബോഗണ്‍വില്ലകള്‍ ആരെയും ആകര്‍ഷിക്കും. കോഴിക്കോട് കുറ്റിയാടിക്ക് സമീപം സൂപ്പിക്കടയിലാണ് ഇവരുടെ ഉദ്യാനവും നഴ്സറിയും. വിവിധ ഇനത്തിലും നിറത്തിലുമുള്ള ബോഗണ്‍വില്ലകള്‍ ആവശ്യപ്പെട്ട് നിരവധി പേരാണിവിടെ എത്തുന്നത്.
1998 മുതല്‍ ജോജോ ജേക്കബിന്റെ കുടുംബം നഴ്സറി നടത്തുന്നു, രണ്ടു പ്ലാക്കല്‍ നഴ്സറി, പെരുവണ്ണാമുഴി കൃഷി വിജ്ഞാന്‍ കേന്ദ്രയുടെ മാതൃക തോട്ടമായി തെരെഞ്ഞെടുത്തിട്ടുമുണ്ട്. കൃഷി വിജ്ഞാന്‍ കേന്ദ്രയില്‍ പരിശീലനത്തിന് എത്തുന്നവരെല്ലാം രണ്ടു പ്ലാക്കല്‍ നഴ്സറിയില്‍ സന്ദര്‍ശനം നടത്തും. ഇവര്‍ക്കു വേണ്ട കാര്യങ്ങളെല്ലാം വിശദമായി പറഞ്ഞു നല്‍കുകയും ചെയ്യും. തെങ്ങ്, ഫലവൃക്ഷങ്ങള്‍ പോലുള്ളവയായിരുന്നു ആദ്യകാലത്ത് നഴ്സറിയിലുണ്ടായിരുന്നത്. പുതിയ നഴ്സറികള്‍ ധാരാളം വന്നതോടെ ചുവട് മാറ്റത്തിനായി ബോഗന്‍ വില്ലകളിലേക്ക് മാറി. ഇതിനിടെ കുറ്റിക്കുരുമുളക് തൈകള്‍ തയാറാക്കിയിരുന്നു. പിന്നീട് ഇതും വ്യാപകമായി തുടങ്ങിയതോടെ ബോഗന്‍വില്ലകളില്‍ ശ്രദ്ധ കേന്ദ്രീകരിച്ചു.
.png)
നാടന്‍ ഇനങ്ങള്‍ വളര്‍ത്തിയായിരുന്നു തുടക്കം. വര്‍ഷത്തില്‍ ഒരിക്കല്‍ വേനല്‍ക്കാലത്ത് മാത്രമേ നാടന്‍ ഇനങ്ങളില്‍ പൂക്കളുണ്ടാവൂ. പിന്നീടുള്ള സമയത്തെല്ലാം ചെടിയില്‍ വെറും ഇലകള്‍ മാത്രമായിരിക്കും, മാത്രമല്ല ചെടി പൂന്തോട്ടത്തിനൊരു ബാധ്യതയാവുകയും ചെയ്യും. ഇതിനൊരു പരിഹാരമെന്ന നിലയിലാണ് തായ്ലന്‍ഡ് ഇനങ്ങള്‍ തെരഞ്ഞെടുത്തത്. ഹൈബ്രിഡ് ഇനങ്ങളായതിനാല്‍ വര്‍ഷത്തില്‍ പല തവണ പൂക്കും. കൂടുതല്‍ സമയം പൂക്കള്‍ നിലനില്‍ക്കും. നല്ല മഴയുള്ള സമയങ്ങളിലൊഴികെ മിക്ക ചെടികളും പൂവിടാറുണ്ട്. ഒരു ചെടിയില്‍ തന്നെ പല നിറത്തിലുള്ള പൂക്കളുമുണ്ടാകും. പശ്ചിമ ബംഗാള്‍, പുനെ എന്നിവിടങ്ങളിലെ നഴ്സറികളില്‍ നിന്നാണ് തൈകള്‍ വാങ്ങുക. 500 രൂപ മുതല്‍ 5000 രൂപ വരെ വിലയുള്ള തൈകളുണ്ട്. ഇവ ഇവിടെയെത്തിച്ചു വളര്‍ത്തി ഗ്രാഫ്റ്റ്, ലെയര്‍ എന്നിവ നടത്തി പുതിയ തൈകളുണ്ടാക്കി വില്‍പ്പന നടത്തും. കാലാവസ്ഥ അനുസരിച്ചാണ് ഗ്രാഫ്റ്റ് ചെയ്യുന്നതിലുള്ള വിജയം. 60 തോളം കളറുകളില്‍ ബോഗന്‍ വില്ലകള്‍ ഇപ്പോഴുണ്ട്, ഇവ വീട്ടിലും സമീപത്തുള്ള തോട്ടത്തിലുമായിട്ടാണ് വളര്‍ത്തുന്നത്. വര്‍ഷങ്ങള്‍ പ്രായമുള്ള നാടന്‍ ഇനങ്ങളില്‍ ഗ്രാഫ്റ്റ് ചെയ്തു പല നിറത്തിലുള്ള പൂക്കളുണ്ടാകുന്ന ചെടികള്‍ തയാറാക്കാറുണ്ട്, ഇവയ്ക്ക് മോഹവിലയാണ്... ഒരു ലക്ഷം വരെ വില ലഭിച്ചിട്ടുണ്ട്.
വൈവിധ്യമാര്‍ന്ന ഇനങ്ങളും നിറങ്ങളുമാണ് ബോഗന്‍ വില്ലയിലുള്ളത്. മറ്റു പൂച്ചെടികളെ അപേക്ഷിച്ച് പരിചരണം വളരെ കുറച്ചു മതി. കീടങ്ങളുടെ ആക്രമണം കാര്യമായി ഉണ്ടാകാറുമില്ല. ഇതിനാല്‍ വീട്ടമ്മമാര്‍ക്കും ജോലിയുള്ളവര്‍ക്കുമെല്ലാം പൂന്തോട്ടമൊരുക്കാന്‍ ബോഗന്‍ വില്ല ധൈര്യമായി തെരഞ്ഞെടുക്കാമെന്നു പറയുന്ന ബിന്ദു ജോസഫ്. നനയും വളരെക്കുറച്ചു മതി, വെയില്‍ നല്ല പോലെ വേണം താനും. ഒരു മാസത്തോളമൊക്കെ പൂക്കള്‍ ചെടിയില്‍ നിലനില്‍ക്കുകയും ചെയ്യും. ഫംഗസ് ബാധ വരാതിരിക്കാന്‍ സാഫ് കലക്കി തളിച്ചു കൊടുക്കാറുണ്ട്. 19ഃ19ഃ19 അഞ്ച് ഗ്രാം ഒരു ലിറ്റര്‍ വെള്ളത്തിലെന്ന തോതില്‍ പൂവിടുമ്പോള്‍ തളിച്ചു കൊടുക്കും. ഇടയക്ക് ചട്ടിയിലെ മണ്ണിളക്കി ചാണകപ്പൊടി ഇടാം.
വീടിന് സമീപത്തുള്ള പത്തേക്കറോളം തോട്ടത്തില്‍ വിവിധ തരത്തിലുള്ള പഴങ്ങളും പച്ചക്കറികളുമെല്ലാം കൃഷി ചെയ്യുന്നുണ്ട്. റംബുട്ടാന്‍, തായ്വാന്‍ ആപ്പിള്‍ ചാമ്പ, സപ്പോട്ട, പ്ലാവ്, മാവ് തുടങ്ങിയ പഴച്ചെടികളാണുള്ളത്. ഇവയില്‍ പലതും ഗ്രോബാഗിലും ചാക്കിലുമെല്ലാം നട്ട് വിളവെടുക്കുന്നു. അമൃത വിദ്യാലയത്തില്‍ കൗണ്‍സിലിംഗ് സൈക്കോളജിസ്‌റ് ആയും അക്കാഡമിക് കോ ഓര്‍ഡിനേറ്റര്‍ ആയും ജോലി ചെയ്യുന്ന ബിന്ദു ഇപ്പോള്‍, സൈക്കോളജിയില്‍ പിഎച്ച്ഡി ചെയ്യുന്നു. നിരവധി അംഗീകാരങ്ങളും ഈ കര്‍ഷക ദമ്പതികളെ തേടിയെത്തിയിട്ടുണ്ട്.
2008-ല്‍ മികച്ച കര്‍ഷകനുള്ള ഇന്ത്യന്‍ അഗ്രിക്കള്‍ച്ചറല്‍ ഇന്‍സ്റ്റിറ്റിയൂട്ടിന്റെ ദേശീയ പ്രൊഗ്രസീവ് ഫാര്‍മര്‍ അവാര്‍ഡ്, 2002-ല്‍ മികച്ച യുവകര്‍ഷകനുള്ള പുരസ്‌കാരവും ജോജോയ്ക്ക് ലഭിച്ചിട്ടുണ്ട്. പണ്ഡിറ്റ് ദീന ദയാല്‍ പുരസ്‌കാരം നേടിയ മലയാളി വനിത എന്ന പദവിയും ബിന്ദു ജോസഫിനു സ്വന്തം, പിഎസ്‌സി പരീക്ഷയിലെ വരെ ചോദ്യമാണിതിന്ന്.
.jpg){kind=tracking}
വീട്ട് മുറ്റവും മതിലുമെല്ലാം ആകര്‍ഷകമാക്കാന്‍ ഏറെ അനുയോജ്യമായ ചെടിയാണ് പത്ത്മണി ചെടി. പല നിറത്തിലുള്ള കുഞ്ഞുപൂക്കള്‍ ധാരാളമുണ്ടാകുന്ന പത്ത് മണിച്ചെടികള്‍ കാണാന്‍ തന്നെ നല്ല ഭംഗിയാണ്. ടേബിള്‍ റോസ്,…
By Harithakeralam
ഇന്ത്യോനേഷ്യയില്‍ കാണപ്പെടുന്ന അതിമനോഹരിയായ പക്ഷിയാണ് ബേഡ് ഓഫ് പാരഡൈ്, വലപ്പോഴും മാത്രമാണ് ഈ പക്ഷി ചിറകുകള്‍ വിടര്‍ത്തുക. ഈ പക്ഷിയോട് സാമ്യമുള്ള പൂക്കളുണ്ടാകുന്ന ചെടിക്കും ഇതേ പേരാണ്. ഇന്‍ഡോര്‍…
By Harithakeralam
സസ്യലോകത്തെ മാസംഭോജികളായ നെപ്പന്തസിനെക്കുറിച്ച് സ്‌കൂളില്‍ പഠിച്ചിട്ടുണ്ടാകും. കൊച്ചു കുട്ടിയായിരിക്കുമ്പോള്‍ അത്ഭുതത്തോടെ കേട്ട നെപ്പന്തസ് ചെടിയിപ്പോള്‍ നമ്മുടെ വീട്ടിലും വളര്‍ത്താം ലഭിക്കും. ഇരപിടിയന്‍…
By Harithakeralam
പൂന്തോട്ടത്തിലെ രാജ്ഞിയാണ് റോസ്. റോസാച്ചെടിയില്ലാത്ത പൂന്തോട്ടത്തിന് അഴക് കുറവായിരിക്കും. വിവിധ നിറത്തിലും വലിപ്പത്തിലും പൂക്കളുണ്ടാകുന്ന ധാരാളമിനം റോസുകളുണ്ട്. അന്തരീക്ഷത്തില്‍ ചൂട് വര്‍ധിച്ചു വരുന്നതിനാല്‍…
By Harithakeralam
വലിയ തടാകത്തിലും വെള്ളം കയറിക്കിടക്കുന്ന പാടങ്ങളിലുമൊക്കെ തനിയെ വളര്‍ന്നിരുന്ന താമരയെ വീട്ട്മുറ്റത്ത് ചെറിയ കുളം നിര്‍മിച്ചും പാത്രത്തിലുമൊക്കെ വളര്‍ത്തുന്നവരുണ്ട്. മുറ്റത്തൊരു താമരക്കുളം വീടിന്റെ ലുക്ക്…
By Harithakeralam
പൂന്തോട്ടത്തിലെ ചെടികള്‍ നല്ല പോലെ പൂക്കാറില്ലെന്ന പരാതി മിക്കവര്‍ക്കുമുണ്ട്. മികച്ച പരിചരണം നല്‍കിയാലും ചെടികളില്‍ വിരിയുക ഒന്നോ രണ്ടോ പൂക്കള്‍ മാത്രം. എന്നാല്‍ ഇതേ ചെടികള്‍ തന്നെ മറ്റു ചിലരുടെ വീട്ടുമുറ്റത്ത്…
By Harithakeralam
കൊല്‍ക്കത്ത് നഗരത്തിനോട് ചേര്‍ന്ന് താമസിക്കുന്ന അരൂപ് ഘോഷ് എന്ന യുവാവിന്റെ ജീവിതം മാറ്റി മറിച്ചത് ജമന്തിപ്പൂക്കളാണ്. ജമന്തിപ്പൂവും തൈകളും വിത്തുമെല്ലാം വില്‍പ്പന നടത്തി അരൂപ് സമ്പാദിക്കുന്നത് കോടികളാണ്.…
By Harithakeralam
രണ്ടടി വരെ വളരുന്ന ചെടിയാണ് കോസ്‌മോസ്. പിങ്ക്, വെള്ള, ചുവപ്പ് നിറങ്ങളിലായിരിക്കും പൂക്കള്‍. വെള്ളം അധികം ആവശ്യമില്ല, പക്ഷേ ആഴ്ചയില്‍ ഒരിക്കല്‍ നനയ്ക്കണം. അല്ലെങ്കില്‍…
By Harithakeralam
© All rights reserved | Powered by Otwo Designs
Leave a comment