മന്ത്രിമാരെ വേദിയിലിരുത്തി വിമര്‍ശനം ; കര്‍ഷകര്‍ നേരിടുന്ന പ്രശ്‌നങ്ങള്‍ ചൂണ്ടിക്കാട്ടിയ താരത്തിന് കൈയടികള്‍

സപ്ലൈകോയില്‍ നെല്ല് നല്‍കിയ കര്‍ഷര്‍ക്ക് ഇതുവരെ പണം നല്‍കിയിട്ടില്ലെന്നും തിരുവോണദിവസം അവര്‍ ഉപവാസത്തിലാണെന്നുമുള്ള ജയസൂര്യയുടെ പരാമര്‍ശം വലിയ ചര്‍ച്ചയായിരിക്കുകയാണ്.

By Harithakeralam

2023-08-30

കൊച്ചി: കൃഷി മന്ത്രി പി. പ്രസാദ്, വ്യവസായ മന്ത്രി പി. രാജീവ് എന്നിവരെ വേദിയിലിരുത്തി കര്‍ഷകര്‍ നേരിടുന്ന പ്രശ്‌നങ്ങള്‍ ചൂണ്ടിക്കാട്ടി നടന്‍ ജയസൂര്യ. സപ്ലൈകോയില്‍ നെല്ല് നല്‍കിയ കര്‍ഷര്‍ക്ക് ഇതുവരെ പണം നല്‍കിയിട്ടില്ലെന്നും തിരുവോണദിവസം അവര്‍ ഉപവാസത്തിലാണെന്നുമുള്ള  ജയസൂര്യയുടെ പരാമര്‍ശം വലിയ ചര്‍ച്ചയായിരിക്കുകയാണ്. കഴിഞ്ഞ ദിവസം കളമശേരി കാര്‍ഷികോത്സവത്തില്‍ സംസാരിക്കുന്നതിനിടെയായിരുന്നു ജയസൂര്യയുടെ വിമര്‍ശനം.

കൃഷിക്കാര്‍ അനുഭവിക്കുന്നത് ചെറിയ പ്രശ്‌നങ്ങളല്ല. കൃഷി മന്ത്രി പി. പ്രസാദിന്റെ ചെവിയിലേക്ക് ഒരുപക്ഷേ ചില കാര്യങ്ങള്‍ എത്താന്‍ ഒരുപാട് വൈകും. ഒരു സിനിമ പരാജയപ്പെട്ടു കഴിഞ്ഞാല്‍ അത് അവസാനം അറിയുന്നത് നായകാനാണെന്ന് ചിലര്‍ തമാശയായി പറയാറുണ്ട്. ആക്ടര്‍ ജയസൂര്യ എന്ന നിലയിലല്ല സംസാരിക്കുന്നത്. സാധാരണക്കാരനായ വ്യക്തിയാണ് ചില കാര്യങ്ങള്‍ ഓര്‍മിപ്പിക്കുന്നത്. എന്റെ സുഹൃത്തും നടനുമായ കൃഷ്ണപ്രസാദ് കൃഷികൊണ്ടു ജീവിക്കുന്ന വ്യക്തിയാണ്. അഞ്ചാറ് മാസമായി നെല്ല് കൊണ്ടുകൊടുത്തിട്ട്, സപ്ലൈകോയില്‍നിന്ന് ഇതുവരെ പൈസ കിട്ടിയിട്ടില്ല. തിരുവോണദിവസം അവര്‍ ഉപവാസമിരിക്കുകയാണ്. ഒന്ന് ഓര്‍ക്കൂ, നമ്മുടെ കൃഷിക്കാര്‍ തിരുവോണദിവസം പട്ടിണിയിരിക്കുകയാണ്. എന്തുകൊണ്ടാണ് ഉപവാസമിരിക്കുന്നതെന്ന് അറിയാമോ...?, അധികാരികളുടെ കണ്ണിലേക്ക് ഇത് എത്താന്‍ വേണ്ടിയാണ്. അവര്‍ക്ക് വേണ്ടിയാണ് ഞാന്‍ സംസാരിക്കുന്നത്. വേറൊരു രീതിയിലും ഇതിനെ കാണരുതെന്നും ജയസൂര്യ പറഞ്ഞു.  

Related News

ജൈവ വളങ്ങളുടെ പ്രാധാന്യം കൃഷിയില്‍

വാണിജ്യ പ്ലാവ് കൃഷിക്ക് J33

തക്കാളിയുടെ ഇലകളില്‍ ചിത്രം വരച്ച പോലെ കാണുന്നു, വെണ്ടയുടെ ഇല മഞ്ഞളിക്കുന്നു

പച്ചയും ചുവപ്പും ഇടകലര്‍ത്തി നടാം, നന നിയന്ത്രിക്കാം

ഇന്നത്തെ സ്ഥിതിവെച്ചു പച്ചക്കറികള്‍ കഴിക്കാന്‍ പേടിയാണ്. കേരളത്തിന് പുറത്തുണ്ടായ പച്ചക്കറിയാണ് നമ്മള്‍ കഴിക്കുന്നത്. അതില്‍ പലതും വിഷമടിച്ചവയാണ്. പാലക്കാട്ടെ അരിമില്ല് സന്ദര്‍ശിച്ചപ്പോള്‍ ഇതുവരെ കാണാത്ത ഒരു ബ്രാന്‍ഡ് കണ്ടു. ഇതിനെക്കുറിച്ച് ഉടമസ്ഥനോട് ചോദിച്ചപ്പോള്‍, അത് ഇവിടെ കച്ചവടത്തിനില്ലെന്നും പുറത്തേക്കുള്ള ഫസ്റ്റ് ക്വാളിറ്റിയാണെന്നുമാണ് പറഞ്ഞത്. അന്തെന്താ, കേരളത്തിലുള്ളവര്‍ക്ക് ഫസ്റ്റ് ക്വാളിറ്റി കഴിക്കാനുള്ള യോഗ്യതയില്ലേയെന്നും നമ്മള്‍ പൈസ കൊടുത്ത് അത് വാങ്ങിക്കില്ലേയെന്നും ചോദിച്ചപ്പോള്‍ ഇവിടെ ക്വാളിറ്റി ചെക്കിങ് ഇല്ലെന്നാണ് അയാള്‍ പറഞ്ഞത്.

ക്വാളിറ്റി ചെക്കിങ് നടത്താനുള്ള സംവിധാനമാണ് ആദ്യം ഇവിടെ വരേണ്ടതെന്നാണ് എനിക്ക് തോന്നുന്നത്. അങ്ങനെയാണെങ്കില്‍ വിഷപ്പച്ചക്കറികള്‍ കഴിക്കാതെ ക്വാളിറ്റിയുള്ള ഭക്ഷണങ്ങള്‍ നമുക്ക് കഴിക്കാന്‍ പറ്റും. മന്ത്രി തന്നെ തെറ്റിദ്ധരിക്കരുത്. ഇത് ഓര്‍മപ്പെടുത്തല്‍ മാത്രമാണ്. ഇവന് ഇതൊക്കെ അകത്തിരുന്ന് പറഞ്ഞാല്‍ പോരെയെന്ന് ഒരുപക്ഷേ മന്ത്രി ഓര്‍ക്കും. അകത്തിരുന്ന് പറഞ്ഞാല്‍ സര്‍ കേള്‍ക്കുന്ന ഒരുപാട് പ്രശ്‌നത്തില്‍ ഒരു പ്രശ്‌നമായി മാത്രം ഇത് മാറും. ഇത്രയും പേരുടെ മുന്‍പില്‍നിന്ന് പറയുമ്പോള്‍ താങ്കളും അത് ഗൗരവമായി എടുക്കുമെന്നാണ് തന്റെ വിശ്വാസംമെന്നും ജയസൂര്യ പറഞ്ഞു. നടന്റെ വിമര്‍ശനം സമൂഹമാധ്യമങ്ങളിലടക്കം വലിയ ചര്‍ച്ചയായതോടെ വിശദീകരണവുമായി മന്ത്രി പി. പ്രസാദ് അടക്കമുള്ളവര്‍ രംഗത്തെത്തിയിട്ടുണ്ട്.