ക്ഷീര കര്‍ഷകര്‍ക്ക് അധിക പാല്‍വിലയായും, കാലിത്തീറ്റ സബ്സിഡിയായും ക്ഷീര സംഘങ്ങളിലെ കൈകാര്യച്ചെലവുകളിലേയ്ക്കായും മില്‍മ മലബാര്‍ മേഖലാ യൂണിയന് ഭരണസമിതി യോഗം ഏഴ് കോടി രൂപ പ്രഖ്യാപിച്ചു.
By Harithakeralam
കോഴിക്കോട്: അധിക പാല്‍ വില, ക്ഷീര സംഘങ്ങള്‍ക്കുളള കൈകാര്യച്ചെലവുകള്‍, കാലിത്തീറ്റ സബ്സിഡി എന്നീ ഇനത്തില്‍ മലബാര്‍ മില്‍മ ക്ഷീര കര്‍ഷകര്‍ക്ക് 2024-25 സാമ്പത്തിക വര്‍ഷത്തില്‍ നല്‍കുന്ന സാമ്പത്തിക സഹായം 60 കോടി രൂപ കടന്നു. റംസാന്‍, വിഷു, ഈസ്റ്റര്‍ ആഘോഷങ്ങളോടനുബന്ധിച്ച് ക്ഷീര കര്‍ഷകര്‍ക്ക് അധിക പാല്‍വിലയായും, കാലിത്തീറ്റ സബ്സിഡിയായും ക്ഷീര സംഘങ്ങളിലെ കൈകാര്യച്ചെലവുകളിലേയ്ക്കായും മില്‍മ മലബാര്‍ മേഖലാ യൂണിയന് ഭരണസമിതി യോഗം ഏഴ് കോടി രൂപ പ്രഖ്യാപിച്ചു.
2025 മാര്‍ച്ച് ഒന്ന് മുതല്‍ 31 വരെ ആനന്ദ് മാതൃകാ ക്ഷീര സംഘങ്ങള്‍ വഴി മേഖലാ യൂണിയന് ലഭിക്കുന്ന നിശ്ചിത ഗുണനിലവാരമുള്ള പാലിന് ലിറ്ററിന് 2.00 രൂപ അധിക പാല്‍ വിലയായി നല്‍കും. മേഖലാ യൂണിയന് 2024 ഡിസംബര്‍ മാസത്തെ പാലളവിന് അനുസൃതമായി നല്‍കിയ ഒരു രൂപയും, 2025 മാര്‍ച്ച് മാസത്തില്‍ അളക്കുന്ന പാലളവിന് അനുസൃതമായി നല്‍കുവാന്‍ പ്രഖ്യാപിച്ച ഒരു രൂപ 50 പൈസയും ചേര്‍ത്ത് 2 രൂപ 50 പൈസ മാര്‍ച്ച് മാസത്തില്‍ ക്ഷീര കര്‍ഷകര്‍ക്ക് നല്‍കുവാന്‍ നേരത്തെ പ്രഖ്യാപിച്ചിരുന്നു. ഇപ്പോള്‍ അനുവദിച്ച തുകയും കൂടി ചേര്‍ത്താല്‍ ആകെ ഒരു ലിറ്റര്‍ പാലിന് 4 രൂപ 50 പൈസ അധികമായി ക്ഷീര കര്‍ഷകരിലേയ്ക്ക് 2025 മാര്‍ച്ച് മാസത്തില്‍ എത്തിച്ചേരും. 2025 മാര്‍ച്ച് മാസത്തെ 4-ാം മത്തെ ബില്ലായി പാല്‍ വിലയിലൂടെ ഈ തുക ആനന്ദ് മാതൃകാ ക്ഷീര സംഘങ്ങള്‍ക്ക് ലഭിക്കും. ഇതുപ്രകാരം നിലവില്‍ മേഖലാ യൂണിയന് ഒരു ലിറ്റര്‍ പാലിന് നല്‍കുന്ന വിലയായ 45 രൂപ 90 പൈസ 50 രൂപ 40 പൈസയായി വര്‍ദ്ധിക്കും. ഇപ്പോള്‍ പ്രഖ്യാപിച്ച അധിക പാല്‍വില പ്രകാരം കാസര്‍ഗോഡ് മുതല്‍ പാലക്കാട് വരെയുള്ള ആറ് ജില്ലകളിലെ ക്ഷീരകര്‍ഷകരിലേക്ക് നാല് കോടിരൂപ അധികമായി വന്നു ചേരും.
.png)
മേഖലാ യൂണിയന് പാലളക്കുന്ന ആനന്ദ് മാതൃകാ ക്ഷീര സംഘങ്ങള്‍ക്ക് പ്രവര്‍ത്തന ഫണ്ടിനായി രണ്ട്് കോടി രൂപയാണ് അനുവദിച്ചത്. പ്രസ്തുത സംഘങ്ങള്‍ക്ക് 2025 മാര്‍ച്ച് ഒന്ന് മുതല്‍ 31 വരെ നല്‍കിയ പാലിന് ലിറ്ററിന് ഒരു രൂപ വച്ച് അധികപാല്‍ വിലയായി ലഭിക്കും. സംഘങ്ങളുടെ കൈകാര്യ ചെലവുകള്‍ക്കായുള്ള പ്രവര്‍ത്തന ഫണ്ടായി ഉപയോഗപ്പെടുത്തുതിനാണ് സഹായം. 2025 ഏപ്രില്‍ മാസത്തെ രണ്ടാമത്തെ പാല്‍ വിലയിലൂടെ ഈ തുക കൈമാറും. മില്‍മ ഗോമതി ഗോള്‍ഡ് കാലിത്തീറ്റക്ക് 50 കിലോ ചാക്കൊന്നിന് 150 രൂപ ഏപ്രില്‍ മാസത്തില്‍ സബ്സിഡി അനുവദിച്ചു.കേരള കോ ഓപ്പറേറ്റീവ്് മില്‍ക്ക് മാര്‍ക്കറ്റിംഗ് ഫെഡറേഷന്‍ ചാക്കൊന്നിന് പ്രഖ്യാപിച്ച 100 രൂപ സബ്സിഡിക്ക് പുറമെയാണിത്. മലബാര്‍ മില്‍മയുടെ സഹോദര സ്ഥാപനമായ മലാബാര്‍ റൂറല്‍ ഡവലപ്പ്മെന്റ് ഫൗണ്ടേഷന്റെ ടിഎംആര്‍ കാലിത്തീറ്റക്കും ട്രൂ മീല്‍ ടിഎംആര്‍ ഫീഡിനും കിലോയ്ക്ക് ഒരു രൂപ വീതവും സബ്്സിഡി ലഭിക്കും.
2024- 25 സാമ്പത്തിക വര്‍ഷം മലബാര്‍ മേഖലയിലെ ക്ഷീരകര്‍ഷകരിലേക്ക് 54 കോടി രൂപ അധികപാല്‍ വിലയായും, കാലിത്തീറ്റ സബ്സിഡിയായും ഇതുവരെ അനുവദിച്ചിട്ടുണ്ട്. ഇപ്പോള്‍ പ്രഖ്യാപിച്ചിട്ടുള്ള ഏഴ് കോടി രൂപ കൂടി ചേര്‍ത്താല്‍ 61 കോടി രൂപയാകുമെന്ന് മില്‍മ ചെയര്‍മാന്‍ കെ.എസ്. മണി, മാനേജിംഗ് ഡയറക്ടര്‍ കെ.സി. ജെയിംസ് എന്നിവര്‍ അറിയിച്ചു.
.jpg){kind=tracking}
കോഴിക്കോട്: അധിക പാല്‍ വില, ക്ഷീര സംഘങ്ങള്‍ക്കുളള കൈകാര്യച്ചെലവുകള്‍, കാലിത്തീറ്റ സബ്സിഡി എന്നീ ഇനത്തില്‍ മലബാര്‍ മില്‍മ ക്ഷീര കര്‍ഷകര്‍ക്ക് 2024-25 സാമ്പത്തിക വര്‍ഷത്തില്‍ നല്‍കുന്ന സാമ്പത്തിക…
By Harithakeralam
ബഹിരാകാശത്ത് മാസങ്ങളോളം താമസിച്ചു ഭൂമിയിലെത്തിയ സുനിത വില്ല്യംസിന് ലോകം നല്‍കിയത് ഗംഭീര വരവേല്‍പ്പായിരുന്നു. സാങ്കേതിക പ്രശ്‌നങ്ങള്‍ കാരണം ബഹിരാകാശ നിലയത്തില്‍ കുടുങ്ങിയ സുനിതയെയും സഹ പ്രവര്‍ത്തകനായ ബുച്ച്…
By Harithakeralam
ഇസാഫ് ബാങ്ക് ഇക്കഴിഞ്ഞ സാമ്പത്തിക വര്‍ഷത്തെ (2024-25) അവസാനപാദമായ ജനുവരിമാര്‍ച്ചിലെ പ്രാഥമിക ബിസിനസ് പ്രവര്‍ത്തനക്കണക്കുകള്‍ പുറത്തുവിട്ടു. റീട്ടെയ്ല്‍ വായ്പകള്‍ മുന്‍വര്‍ഷത്തെ സമാനപാദത്തിലെ 5,893…
By Harithakeralam
കായലിലേക്ക് മാലിന്യം തള്ളിയ സംഭവത്തില്‍ ഗായകന്‍ എം.ജി. ശ്രീകുമാറിന് പിഴ. സമൂഹമാധ്യമങ്ങളില്‍ പങ്കുവച്ച വീഡിയോയിലെ ദിവസും സമയവും സ്ഥലവും പരിശോധിച്ച് പഞ്ചായത്ത് അധികൃതരാണ് എം ജി ശ്രീകുമാറിന് പിഴയിട്ടത്.…
By Harithakeralam
കൊച്ചി: പദ്ധതി വിഹിതത്തില്‍ മിച്ചം പിടിച്ച തുക ഉപയോഗിച്ച് കറന്റ് , ഗ്യാസ് ബില്ലുകളില്‍ 25 ശതമാനം ഇളവ് നല്‍കാന്‍ കിഴക്കമ്പലം, ഐക്കരനാട് പഞ്ചായത്തുകള്‍. ട്വന്റി ട്വന്റി ഭരിക്കുന്ന എറണാകുളം കിഴക്കമ്പലം,…
By Harithakeralam
കേരളത്തില്‍ നിന്ന് തേങ്ങ കടത്തി വെളിച്ചെണ്ണ വിപണിയില്‍ കൃത്രിമ ക്ഷാമമുണ്ടാക്കി തമിഴ്‌നാട് ലോബി. കേരളത്തില്‍ തേങ്ങ് കൂടുതലുള്ള മേഖലകളിലെത്തി തേങ്ങ സംഭരിച്ച് തമിഴ്‌നാട്ടിലേക്ക് കടത്തുകയാണ് ഈ ലോബി ചെയ്യുന്നത്.…
By Harithakeralam
തിരുവനന്തപുരം: 'ഡിജിറ്റല്‍ ലഹരിക്ക്' അടിമകളായ കുട്ടികളെ സാധാരണ ജീവിതത്തിലേക്ക് തിരികെ കൊണ്ടുവരാന്‍ പൊലീസ് നടപടി ശക്തമാക്കി. ഓണ്‍ലൈന്‍ ഗെയിമുകള്‍, സമൂഹമാദ്ധ്യമങ്ങള്‍, അശ്ലീല വെബ്‌സൈറ്റുകളിലടക്കം അടിമകളായി…
By Harithakeralam
കേരള മീഡിയ അക്കാദമിയുടെ 2024 - 25ലെ മാധ്യമ ഗവേഷണ ഫെലോഷിപ്പുകള്‍ പ്രഖ്യാപിച്ചു. പൊതു ഗവേഷണ (General Research) മേഖലയില്‍ ഹരിതകേരളം ന്യൂസ് ചീഫ് സബ് എഡിറ്റര്‍ നൗഫിയ ടി.എസ് ഫെല്ലോഷിപ്പിന് അര്‍ഹയായി.…
By Harithakeralam
© All rights reserved | Powered by Otwo Designs
Leave a comment