കൂടാതെ, ആരോഗ്യകരമായ ശരീരത്തിന് ബദാം ഭക്ഷണത്തിന്റെ ഭാഗമാക്കണമെന്നും ചര്‍ച്ചയില്‍ അഭിപ്രായമുയര്‍ന്നു.
By Harithakeralam
കൊച്ചി: ആല്‍മണ്ട് ബോര്‍ഡ് ഓഫ് കാലിഫോര്‍ണിയ കൊച്ചിയിലെ ഗേറ്റ് വേ ഹോട്ടലില്‍ 'ആയുര്‍വേദത്തിന്റെ പാരമ്പര്യം: തിളക്കമുള്ള ചര്‍മ്മത്തിനും ആരോഗ്യകരമായ മുടിക്കും ബദാം' എന്ന വിഷയത്തില്‍ ചര്‍ച്ച സംഘടിപ്പിച്ചു. പ്രകൃതിദത്തവും പോഷകസമൃദ്ധവുമായ ഭക്ഷണം എങ്ങനെയാണ് ആരോഗ്യകരമായ ചര്‍മ്മവും മുടിയും സമ്മാനിക്കുന്നതെന്ന് വ്യക്തമാക്കിയ ചര്‍ച്ച ആയുര്‍വേദത്തിന്റെ പ്രാധാന്യവും ചൂണ്ടിക്കാട്ടി.
ആയുര്‍വേദ വിദഗ്ധ ഡോ.മധുമിത കൃഷ്ണന്‍, പ്രശസ്ത നടി രജിഷ വിജയന്‍, ന്യൂട്രീഷന്‍ ആന്‍ഡ് വെല്‍നസ് കണ്‍സള്‍ട്ടന്റ് ഷീല കൃഷ്ണസ്വാമി എന്നിവര്‍ പാനല്‍ ചര്‍ച്ചയില്‍ പങ്കെടുത്തു. ശരീരത്തിന്റെ ആരോഗ്യം സംരക്ഷിക്കുന്നതില്‍, പ്രത്യേകിച്ച് ആരോഗ്യകരമായ ചര്‍മ്മവും മുടിയും നിലനിര്‍ത്തുന്നതില്‍ ബദാം വഹിക്കുന്ന പങ്ക് ചൂണ്ടിക്കാണിച്ച് ഡോ.മധുമിത കൃഷ്ണന്‍ ചര്‍ച്ച ആരംഭിച്ചു. ബദാം ചര്‍മത്തിന്റെ ആരോഗ്യവും തിളക്കവും വര്‍ധിപ്പിക്കുമെന്ന് ആയുര്‍വേദ, സിദ്ധ, യുനാനി ഗ്രന്ഥങ്ങളില്‍ പറയുന്നതായി ചര്‍ച്ചയില്‍ പങ്കെടുത്തവര്‍ വ്യക്തമാക്കി.
.jpg)
കൂടാതെ, ആരോഗ്യകരമായ ശരീരത്തിന് ബദാം ഭക്ഷണത്തിന്റെ ഭാഗമാക്കണമെന്നും ചര്‍ച്ചയില്‍ അഭിപ്രായമുയര്‍ന്നു. ആയുര്‍വേദം ബദാമിനെ ഒരു പ്രധാന ഭക്ഷണമായി അംഗീകരിച്ചിട്ടുള്ളതായി ചര്‍ച്ച വ്യക്തമാക്കി. നാഡീവ്യവസ്ഥയെ സന്തുലിതമാക്കാന്‍ സഹായിക്കുന്നതിനൊപ്പം ബദാം അകാല നര ഇല്ലാതാക്കുന്നതിനും മുടി കൊഴിച്ചില്‍ കുറയ്ക്കുന്നതിലും മൊത്തത്തിലുള്ള ചര്‍മ്മത്തിന്റെ ആരോഗ്യം പ്രോത്സാഹിപ്പിക്കുന്നതിലും ഫലപ്രദമാണെന്ന് ചര്‍ച്ചയില്‍ അഭിപ്രായമുയര്‍ന്നു. ബദാം പോലുള്ള പ്രകൃതിദത്ത വിഭവങ്ങള്‍ ഭക്ഷണത്തിന്റെ ഭാഗമാക്കണമെന്ന് അഭിപ്രായപ്പെട്ട ഷീല കൃഷ്ണസ്വാമി ഭക്ഷണക്രമത്തിന്റെ പ്രാധാന്യത്തെക്കുറിച്ചും സംസാരിച്ചു. ബദാം തന്റെ ലഘുഭക്ഷണമാണെന്ന് പറഞ്ഞ രജിഷ വിജയന്‍ യാത്രയിലും ഷൂട്ടിംഗ് സമയത്തും ബദാം കയ്യില്‍ കരുതാറുണ്ടെന്ന് പറഞ്ഞു. വേഗത്തില്‍ വയര്‍ നിറഞ്ഞതായി തോന്നിപ്പിക്കുന്നതിനാല്‍ ബദാം ജങ്ക് ഫുഡ് ഒഴിവാക്കാനും ആരോഗ്യം മെച്ചപ്പെടുത്താനും സഹായിക്കുമെന്നും രജിഷ പറഞ്ഞു. ഭക്ഷണം തിരഞ്ഞെടുക്കുമ്പോള്‍ ആവശ്യമായ ശ്രദ്ധയേക്കുറിച്ചും ബദാം പോലുള്ള പ്രകൃതിദത്തവും പോഷകസമൃദ്ധവുമായ വിഭവങ്ങളെ തിരഞ്ഞെടുക്കേണ്ടതിന്റെ പ്രാധാന്യത്തെക്കുറിച്ചും രജിഷ വ്യക്തമാക്കി.
'ആയുര്‍വേദം പറയുന്നതനുസരിച്ച് ബദാം പോലുള്ള പ്രകൃതിദത്ത വിഭവങ്ങള്‍ ശരീരത്തിന് പോഷണം നല്‍കുകയും രോഗപ്രതിരോധത്തിന് സഹായിക്കുയും ചെയ്യും. ഇത്തരം വിഭവങ്ങള്‍ ഭക്ഷണത്തില്‍ ഉള്‍പ്പെടുത്തുന്നത് ത്രിഫല ദോഷങ്ങള്‍ ഇല്ലാതാക്കുകയും ശരീരത്തിന് സന്തുലിതാവസ്ഥ നല്‍കുകയും ചെയ്യും. ബദാം മെനുവില്‍ ഉള്‍പ്പെടുത്തുക വഴി ആന്തരിക അവയവങ്ങളുടെ ആരോഗ്യം മെച്ചപ്പെടുകയും തിളക്കമുള്ള ചര്‍മ്മവും ആരോഗ്യകരമായ മുടിയും ലഭിക്കുന്നതിന് കാരണമാകുകയും ചെയ്യും. മധുമിത കൃഷ്ണന്‍ പറഞ്ഞു. ബാഹ്യ സൗന്ദര്യത്തിന് പിന്നില്‍ ആന്തരിക അവയങ്ങളുടെ പ്രവര്‍ത്തനമുണ്ട്. ശരിയായ രീതിയിലുള്ള ഭക്ഷണം ശീലമാക്കുക വഴി ഇത് നേടാനാകും. പഞ്ചസാര, ഉപ്പ്, കാര്‍ബോഹൈഡ്രേറ്റ് എന്നിവ കൂടുതലുള്ള സംസ്‌കരിച്ചതും പാക്ക് ചെയ്തതുമായ ഭക്ഷണം ഒഴിവാക്കി, പകരം പ്രകൃതിദത്തവും പോഷകസമൃദ്ധവുമായ വിഭവങ്ങള്‍ കഴിക്കാനാണ് ഞാന്‍ നിര്‍ദ്ദേശിക്കുന്നത്.
പോഷക ഗുണമുള്ള ബദാം പോലുള്ള വിഭവങ്ങള്‍ നിങ്ങളുടെ മെനുവില്‍ ഉള്‍പ്പെടുത്തേണ്ടത് അത്യാവശ്യമാണ്. പ്രോട്ടീന്‍, ഇരുമ്പ്, കാല്‍സ്യം, ഡയറ്ററി ഫൈബര്‍, മഗ്‌നീഷ്യം എന്നിവയുള്‍പ്പെടെ 15 അവശ്യ പോഷകങ്ങള്‍ ബദാമില്‍ അടങ്ങിയിട്ടുണ്ട്. ചര്‍മ്മത്തിന്റെ ആരോഗ്യത്തിന് ഗുണം ചെയ്യുന്ന ആന്റി ഏജിംഗ് ഗുണങ്ങള്‍ക്ക് പേരുകേട്ട വിറ്റാമിന്‍ ഇ എന്ന പോഷകവും ബദാമിലുണ്ട്. യഥാര്‍ഥത്തില്‍, ദിവസവും ബദാം ഉപയോഗിക്കുന്നത് ചൂടിനോടുള്ള ചര്‍മ്മത്തിന്റെ പ്രതിരോധം വര്‍ദ്ധിപ്പിക്കാനും ചര്‍മ്മത്തിന്റെ ആരോഗ്യം മെച്ചപ്പെടുത്താനും സഹായിക്കും. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച്, നാഷണല്‍ ഇന്‍സ്റ്റിറ്റ്യൂട്ട് ഓഫ് ന്യൂട്രീഷന്‍ (ഐസിഎംആര്‍-എന്‍ഐഎന്‍) പ്രസിദ്ധീകരിച്ച ഇന്ത്യക്കാര്‍ക്കായുള്ള ഭക്ഷണ മാര്‍ഗ്ഗനിര്‍ദ്ദേശങ്ങളില്‍ ബദാം പോഷകസമൃദ്ധമാണെന്ന് അംഗീകരിച്ചിട്ടുണ്ടെന്നും ന്യൂട്രീഷന്‍ ആന്‍ഡ് വെല്‍നസ് കണ്‍സള്‍ട്ടന്റ് ഷീല കൃഷ്ണസ്വാമി പറഞ്ഞു.
സൗത്ത് ഇന്ത്യയില്‍ ആദ്യമായി അതി നൂതന ക്യാപ്‌സ്യൂള്‍ പേസ്‌മേക്കര്‍ (AVEIR ) ചികിത്സയുമായി കോഴിക്കോട് മെട്രോമെഡ് ഇന്റര്‍നാഷണല്‍ കാര്‍ഡിയാക് സെന്റര്‍. കോഴിക്കോട് സ്വദേശിയായ 75 വയസുകാരനിലാണ്…
By Harithakeralam
മറവി വലിയൊരു പ്രശ്‌നമായി മാറിയിരിക്കുകയാണിപ്പോള്‍. പ്രായമായവരില്‍ മറവി സ്ഥിരമായിരുന്നുവെങ്കിലും ഇപ്പോള്‍ ചെറുപ്പക്കാര്‍ വരെ മറവി കാരണം വലഞ്ഞിരിക്കുകയാണ്. ഭക്ഷണക്രമത്തില്‍ വന്ന മാറ്റവും മൊബൈല്‍ പോലുള്ള…
By Harithakeralam
വേനല്‍, മഴ, തണുപ്പ് എന്നീ കാലങ്ങളിലെല്ലാം പൊതുവായി നമുക്കുണ്ടാകുന്ന പ്രശ്‌നമാണ് തൊണ്ട വേദന. വലിയ തോതില്‍ പ്രശ്‌നങ്ങളുണ്ടാക്കുന്ന രോഗമാണ് തൊണ്ട വേദന. മഞ്ഞു കാലം വരാനിരിക്കുന്നതിനാല്‍ ഇനി പ്രശ്‌നം രൂക്ഷമാകാനേ…
By Harithakeralam
കൊച്ചി: അഞ്ചു മിനിറ്റ് കൊണ്ട് പാചകം ചെയ്തു കഴിക്കാന്‍ കഴിയുന്ന '5 മിനിറ്റ് ബ്രേക്ക്ഫാസ്റ്റ്' ശ്രേണിയില്‍ ആറ് പുതിയ ഉല്‍പ്പന്നങ്ങള്‍ ഓര്‍ക്ക്‌ല ഇന്ത്യ സി ഇ ഒ സഞ്ജയ് ശര്‍മയുടെ സാന്നിധ്യത്തില്‍ വിപണിയില്‍…
By Harithakeralam
കൊച്ചി: ആല്‍മണ്ട് ബോര്‍ഡ് ഓഫ് കാലിഫോര്‍ണിയ കൊച്ചിയിലെ ഗേറ്റ് വേ ഹോട്ടലില്‍ 'ആയുര്‍വേദത്തിന്റെ പാരമ്പര്യം: തിളക്കമുള്ള ചര്‍മ്മത്തിനും ആരോഗ്യകരമായ മുടിക്കും ബദാം' എന്ന വിഷയത്തില്‍ ചര്‍ച്ച സംഘടിപ്പിച്ചു.…
By Harithakeralam
ഇന്ത്യയില്‍ പത്തില്‍ ഒരാള്‍ക്കെങ്കിലും വൃക്ക സംബന്ധമായ പ്രശ്‌നങ്ങളുണ്ടെന്നാണ് പറയുന്നത്. ശരീരത്തിന്റെ സന്തുലിതമായ പ്രവര്‍ത്തനത്തിന് വൃക്കയുടെ ആരോഗ്യം പ്രധാനമാണ്. ഇതിനായി ശ്രദ്ധിക്കേണ്ട കാര്യങ്ങള്‍.
By Harithakeralam
പോഷകങ്ങളുടെ പവര്‍ ഹൗസ് എന്ന് ഭക്ഷ്യശാസ്ത്രം വിശേഷിപ്പിച്ച ഭക്ഷ്യോത്പന്നമാണ് മുട്ട. മുട്ടയുടെ പോഷകപ്പെരുമയും ആരോഗ്യകരമായ ഭക്ഷണശീലങ്ങളില്‍ മുട്ട ഉള്‍പ്പെടുത്തേണ്ടതിന്റെ പ്രാധാന്യവും വിളിച്ചോതി…
By ഡോ. എം. മുഹമ്മദ് ആസിഫ്
പാലില്‍ അല്‍പ്പം മഞ്ഞള്‍ ചേര്‍ത്ത് കുടിക്കുന്നത് ആരോഗ്യത്തിന് ഏറെ നല്ലതാണ്. പണ്ട് മുതലേ നമ്മുടെ ആരോഗ്യസംരക്ഷണത്തില്‍ മഞ്ഞള്‍ പാലിന് വലിയ സ്ഥാനമുണ്ട്. ആധുനിക വൈദ്യ ശാസ്ത്രവും ഇതു ശരിവയ്ക്കുന്നു.
By Harithakeralam
© All rights reserved | Powered by Otwo Designs
.jpg)
Leave a comment