ഓമനപ്പക്ഷികളെ വളര്‍ത്തുകയും ഇവയുടെ കുഞ്ഞുങ്ങളെ വില്‍ക്കുകയും ചെയ്യുന്നവരില്‍ ഇന്ത്യയില്‍ മുന്‍പന്തിയിലാണ് തിരുവനന്തപുരം കട്ടാക്കട സ്വദേശിയായ റെജി ജോജോയുടെ സ്ഥാനം.
ലോകത്തിന്റെ വിവിധ ഭാഗങ്ങളില്‍ നിന്നുള്ള പക്ഷികള്‍ ചേക്കേറിയ കൂടാണ് റെജി
ജോജോയുടെ വീട്. വീട്ടുമുറ്റത്തും ടെറസിലും നിരവധി കൂടുകള്‍, ഇവയിലെല്ലാം പല
ഇനങ്ങളില്‍പ്പെട്ട പക്ഷികള്‍… പലതും ലക്ഷങ്ങള്‍ വിലയുള്ളവ. ഓമനപ്പക്ഷികളെ
വളര്‍ത്തുകയും ഇവയുടെ കുഞ്ഞുങ്ങളെ വില്‍ക്കുകയും ചെയ്യുന്നവരില്‍
ഇന്ത്യയില്‍ മുന്‍പന്തിയിലാണ് തിരുവനന്തപുരം കട്ടാക്കട സ്വദേശിയായ റെജി
ജോജോയുടെ സ്ഥാനം. കുട്ടിക്കാലത്ത് പ്രാവുകളെ വളര്‍ത്തി തുടങ്ങിയ ഹോബി ഇന്നു
റെജിക്ക് നല്ല വരുമാനം നേടിക്കൊടുക്കുന്ന ബിസിനസ് കൂടിയാണ്.
പക്ഷികള്‍ പലതരം
ലോകത്തിന്റെ വിവിധ ഭാഗത്ത് നിന്നുള്ള പക്ഷികള്‍ റെജിയുടെ കൈയിലുണ്ട്. വിവിധതരം മക്കാവ്കള്‍, കൊക്കാറ്റുകള്‍, ആമസോണ്‍ പാരറ്റ്, ലോറീസ്, എക്ലറ്റസ്, ആഫ്രിക്കന്‍ േ്രഗ പാരറ്റ്, ഫിഞ്ച്സ്, വിവിധ കൊന്യൂര്‍, വിവിധ തരം ലവ് ബേഡ്‌സുകള്‍ എന്നിവയാണ് റെജിയുടെ കൂടുകളില്‍ വളരുന്നത്. ഇവയെല്ലാം മികച്ച രീതിയില്‍ പരിപാലിച്ച് കുട്ടികളെ ഇന്ത്യയിലെ വിവിധ സംസ്ഥാനങ്ങളിലേക്ക് വില്‍പ്പന നടത്തുകയും ചെയ്യുന്നുണ്ട്. ബ്ലൂ ആന്‍ഡ് യെല്ലോ മക്കാവു, ഗ്രീന്‍ വിങ് മെക്കാവോ, ഹാന്‍സ് മെക്കാവോ എന്നിങ്ങനെ പോകുന്ന മക്കാവ്കള്‍. ഇതില്‍ പലതിനും ജോഡിക്ക് ഒന്നര ലക്ഷം മുതല്‍ നാലു ലക്ഷം രൂപവരെ വിലയുള്ളതാണ്. യെല്ലോ ക്രൗണ്‍ ആമസോണ്‍, മിലി ആമസോണ്‍ എന്നിങ്ങനെ പോകുന്ന ആമസോണ്‍ പെറ്റ്‌സിന്റെ കലക്ഷന്‍. റെയ്ന്‍ബോ ലോറി മുതല്‍ പല തരത്തിലുള്ള ലോറികളുമുണ്ട് റെജിയുടെ കൈയില്‍. കൊക്കാറ്റു ഇനത്തിലെ ഗ്രെയ്റ്റര്‍ സള്‍ഫര്‍ ക്രെസ്റ്റഡ് കൊക്കാറ്റു, സള്‍ഫര്‍ ക്രസ്റ്റഡ് കൊക്കാറ്റു, മീഡിയം സള്‍ഫര്‍ കൊക്കാറ്റു, കാലാ കൊക്കാറ്റു, അമ്പര്‍ല കൊക്കാറ്റു എന്നിവയും മനോഹരമായ കാഴ്ചയാണ്.
കുഞ്ഞുങ്ങളുടെ വില്‍പ്പന
പക്ഷികളുടെ കുഞ്ഞുങ്ങളെ വില്‍പ്പനയിലൂടെയാണ് റെജി തന്റെ വരുമാനം കണ്ടെത്തുന്നത്. ഈ മേഖലയില്‍ ഇന്ത്യയിലെ പ്രമുഖരില്‍ ഒരാളാണ് റെജി. തീരെ ചെറിയ കുട്ടിയായിരിക്കുമ്പോള്‍ തന്നെ പക്ഷികളെ വാങ്ങി പരിപാലിച്ചു തുടങ്ങണമെന്ന അഭിപ്രായക്കാരനാണ് ഇദ്ദേഹം. എന്നാല്‍ മാത്രമേ നല്ല പോലെ ഇണങ്ങുകയുള്ളൂ. പിന്നീടുള്ള പരിപാലനത്തിനും സൗകര്യം ഇതുതന്നെയാണ്. ഓരോ ഇനത്തിനും മുട്ടയിടലും കുട്ടികളെ വളര്‍ത്തലുമെല്ലാം പ്രത്യേകമാണ്. മക്കാവ്കള്‍ മൂന്നു മുതല്‍ നാല് മുട്ടവരെയാണ് ഇടുക, ഇവ വിരിഞ്ഞു കുട്ടികള്‍ പുറത്ത് വരാന്‍ 25 മുതല്‍ 32 ദിവസം വേണം. കുട്ടികളെ സൂക്ഷിക്കാനും പരിചരിക്കാനും ഭക്ഷണം നല്‍കാനുമൊക്കെ റെജിക്ക് തന്റേതായ മാര്‍ഗങ്ങളുണ്ട്. ഈ മേഖലയിലെ ദീര്‍ഘനാളത്തെ പരിചയസമ്പത്തു കൊണ്ട് സ്വയം ആര്‍ജിച്ചെടുത്തതാണ് ഇവയെല്ലാം.
.png)
പ്രത്യേകം കൂടുകളും പരിചരണവും
റെജിയുടെ വീട്ടുമുറ്റത്ത് ഇരുമ്പുകമ്പികള്‍ കൊണ്ടു നിര്‍മിച്ച ധാരാളം കൂടുകളുണ്ട്. മൃഗശാലയില്‍ എന്ന പോലെ അത്യാധുനിക സൗകര്യമുള്ള വിശാലമായ ഈ കൂടുകളിലാണ് വിവിധ തരം പക്ഷികള്‍ വളരുന്നത്. ഒരു കൂട്ടില്‍ ഒരിനത്തില്‍പ്പെട്ട പക്ഷിയുടെ ഒരു ജോഡി എന്ന കണക്കിലാണ് വളര്‍ത്തല്‍. മുട്ടയിടാനും പക്ഷികള്‍ ആരോഗ്യത്തോടെ വളരാനും ഇതാണ് നല്ലതെന്നു പറയുന്നു റെജി. ഭക്ഷണം കഴിക്കാനും മുട്ടയിടാനും വെയിലും മഴയുമെല്ലാം കൊള്ളാനുമുള്ള സൗകര്യത്തോടെയാണ് കൂടുകള്‍ നിര്‍മിച്ചിരിക്കുന്നത്. നല്ല സുരക്ഷാ സംവിധാനങ്ങളും ഓരോ കൂട്ടിലുമുണ്ട്. ധാന്യങ്ങളും പഴങ്ങളുമാണ് പക്ഷികള്‍ക്കുള്ള തീറ്റ. ചെറുധാന്യങ്ങള്‍ മുളപ്പിച്ച് നല്‍കും, പഴങ്ങള്‍ കഴുകി വൃത്തിയാക്കി മുറിച്ചു ചെറിയ കഷ്ണങ്ങളാക്കി നല്‍കും. നമ്മുടെ നാട്ടില്‍ ലഭിക്കുന്ന ഏതു തരം പഴങ്ങളും ഇവയ്ക്കു നല്‍കാറുണ്ട്. മുട്ട പുഴുങ്ങിയതും പക്ഷികള്‍ക്ക് ഏറെ ഇഷ്ടമാണ്. രണ്ടു മാസത്തിലൊരിക്കല്‍ വിരമരുന്നും നല്‍കും, വിരശല്യമുണ്ടായാല്‍ പക്ഷികള്‍ക്ക് നിരവധി അസുഖങ്ങള്‍ പിടിപെടാന്‍ സാധ്യതയുണ്ട്. ഇടയ്ക്കിടയ്ക്ക് കൂടുകളും കഴുകി വൃത്തിയാക്കും, ഇല്ലെങ്കില്‍ ഫംഗസ് ബാധിക്കും.
കൗതുകം വരുമാനത്തിനു വഴിമാറിയപ്പോള്‍
കുട്ടിക്കാലത്ത് തുടങ്ങിയ കൗതുകം വരുമാനത്തിന് വഴിമാറുമെന്നു റെജി ഒരിക്കലും വിചാരിച്ചിരുന്നില്ല. പ്രാവുകളെയും ലൗ ബേര്‍ഡ്‌സിനെയും മുയലിനെയും വളര്‍ത്തിയാണ് ഈ മേഖലയിലേക്ക് എത്തിയത്. പിന്നീട് ഇവയെ വിറ്റു കിട്ടുന്ന പണം കൊണ്ടു മറ്റിനങ്ങളെ സ്വന്തമാക്കി. പുതിയ ഇനങ്ങളെക്കുറിച്ചു കേള്‍ക്കുമ്പോള്‍ അവയെക്കുറിച്ചു പഠിക്കുകയും സ്വന്തമാക്കാന്‍ ശ്രമിക്കുകയും ചെയ്യും. എട്ട് വര്‍ഷമായി പ്രധാന പ്രവര്‍ത്തനമേഖലയും ഇതു തന്നെയാണ്. ഇതര സംസ്ഥാനങ്ങളിലുള്ള ചില ഫാമുകളില്‍ സൂപ്പര്‍വൈസറുടെ ജോലിയും ചെയ്യുന്നുണ്ട്. അമ്മ ശ്യാമളയും ഭാര്യ അജിതാകുമാരിയും മക്കളായ അഭിഷേകും അഖിലേഷും പക്ഷി വളര്‍ത്തലില്‍ പിന്തുണയുമായുണ്ട്. കുടുംബത്തിന്റെ പിന്തുണയുണ്ടെങ്കില്‍ മാത്രമേ ഇത്തരം കാര്യങ്ങള്‍ മുന്നോട്ടു കൊണ്ടു പോകാന്‍ കഴിയൂ എന്നാണ് റെജിയുടെ പക്ഷം. ബിസിനസായി മാത്രം കണ്ടു രംഗത്ത് എത്തിയാല്‍ കാര്യമില്ല പക്ഷികളോടുള്ള സ്‌നേഹം ചോരയില്‍ വേണം, എന്നാല്‍ മാത്രമേ വിജയം നേടാന്‍ കഴിയൂ എന്നും റെജി ജോജോ പറയുന്നു. കൂടുതല്‍ വിവരങ്ങള്‍ക്ക് വിളിക്കാം – 9562018391.
.jpg){kind=tracking}
അങ്കക്കോഴികളില്‍ കേമനാണ് അസില്‍... കോഴിപ്പോര് നമ്മുടെ നാട്ടില്‍ നിരോധിച്ചെങ്കിലും അസില്‍ ഇനത്തെ ധാരാളം പേര്‍ ഇപ്പോഴും വളര്‍ത്തുന്നുണ്ട്. വലിപ്പത്തിലും സൗന്ദര്യത്തിനുമൊപ്പം പോരാട്ടവീര്യം കൂടി ചേര്‍ന്നവയാണ്…
By Harithakeralam
ഇന്ത്യന്‍ ക്രിക്കറ്റ് ടീം മുന്‍ ക്യാപ്റ്റന്‍ മഹേന്ദ്ര സിങ് ധോണിയുടെ ഹെലികോപ്റ്റര്‍ ഷോട്ട് പ്രസിദ്ധമാണ്. എത്ര ശക്തനായ ബൗളറാണെങ്കിലും പന്ത് കൂളായി ക്യാപ്റ്റന്‍ ഗ്യാലറിയിലേത്തിക്കും. അത്ര ശക്തമായ സിക്‌സറുകള്‍…
By Harithakeralam
കടുത്ത വേനലില്‍ പശുക്കള്‍ക്കും സൂര്യതാപവും സൂര്യാഘാതവും ഏല്‍ക്കാനുള്ള സാധ്യതയേറെയാണ്. സംസ്ഥാനത്ത് മുന്‍വര്‍ഷങ്ങളില്‍ നിരവധി കന്നുകാലികള്‍ക്ക് സൂര്യാഘാതമേറ്റ് ജീവന്‍ നഷ്ടമായിട്ടുണ്ട്. പകല്‍ 11 നും 3 നും…
By ഡോ. എം. മുഹമ്മദ് ആസിഫ്
ത്രിപുരയിലെ തനത് ഇനം താറാവായ ത്രിപുരേശ്വരിക്ക് അംഗീകാരം ഇന്ത്യന്‍ കൗണ്‍സില്‍ ഓഫ് അഗ്രികള്‍ചര്‍ റിസോഴ്‌സിന്റെ (ഐസിഎആര്‍) കീഴിലുള്ള നാഷനല്‍ ബ്യൂറോ ഓഫ് അനിമല്‍ ജനറ്റിക് റിസോഴ്‌സ് (എന്‍ബിഎജിആര്‍) ന്റെ അംഗീകാരമാണ്…
By Harithakeralam
തേങ്ങാപ്പാലൊഴിച്ച താറാവുകറി മലയാളിയുടെ പ്രിയപ്പെട്ട വിഭവമാണ്. ഇതു കഴിക്കാന്‍ കുട്ടനാട്ടിലെ കള്ളുഷാപ്പുകളിലേക്ക് വണ്ടി കയറാന്‍ വരട്ടേ... ഒന്നു മനസുവച്ചാല്‍ നമ്മുടെ വീട്ടില്‍ ചെറിയ കുളമുണ്ടാക്കി താറാവിനെ…
By Harithakeralam
മലപ്പുറത്ത് ഒട്ടകത്തെ കശാപ്പ് ചെയ്ത് ഇറച്ചി വില്‍ക്കാനുള്ള നീക്കത്തിനെതിരേ നടപടിയുമായി പൊലീസ്. ജില്ലയിലെ കാവനൂരിര്‍, ചീക്കോട് എന്നീ സ്ഥലങ്ങളിലാണ് ഒട്ടകത്തെ കൊന്ന് ഇറച്ചി വില്‍ക്കാന്‍ ചിലര്‍ ശ്രമം നടത്തിയിരുന്നത്.…
By Harithakeralam
സംസ്ഥാനത്ത് ചൂട് കടുത്തതിനാല്‍ വളര്‍ത്തുമൃഗങ്ങള്‍ക്ക് പ്രത്യേക കരുതല്‍ വേണം. ഇതു സംബന്ധിച്ച് മൃഗസംരക്ഷണ വകുപ്പ് അധികൃതര്‍ മുന്നറിയിപ്പ് നല്‍കി, പ്രത്യേക മാനദണ്ഡങ്ങളും പുറത്തിറക്കി. പശുക്കളെയും മറ്റു…
By Harithakeralam
ജീവന്‍ നഷ്ടപ്പെടുന്നമെന്ന അവസ്ഥയിലായിരുന്ന തന്റെ കുഞ്ഞിനെയും കൊണ്ട് കൃത്യമായി മൃഗാശുപത്രിയില്‍ തന്നെയെത്തിയ നായയുടെ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലാണ്. തുര്‍ക്കിയുടെ തലസ്ഥാനമായ ഇസ്താംബൂളില്‍ നിന്നാണ്…
By Harithakeralam
© All rights reserved | Powered by Otwo Designs
Leave a comment