വീട്ടില് തന്നെ കുറച്ച് മല്ലി വളര്ത്തിയാല് നല്ല ഗുണമുള്ള ഇലകള് നമുക്ക് തന്നെ സ്വന്തമാക്കാം.
By Harithakeralam
കറികള്ക്ക് രുചിയും സുഗന്ധവും വര്ധിപ്പിക്കാന് മല്ലിയില ഉപയോഗിക്കുന്ന ശീലം നമുക്കെല്ലാമുണ്ട്. ദിവസങ്ങളോളം വാടാതിരിക്കാന് വലിയ തോതില് കീടനാശിനികള് പ്രയോഗിച്ചാണ് മല്ലിയില നമ്മുടെ മാര്ക്കറ്റിലേക്ക് എത്തുന്നത്. വീട്ടില് തന്നെ കുറച്ച് മല്ലി വളര്ത്തിയാല് നല്ല ഗുണമുള്ള ഇലകള് നമുക്ക് തന്നെ സ്വന്തമാക്കാം. കടയില് നിന്നു വാങ്ങുന്ന മല്ലി തന്നെ വിത്തിനായി ഉപയോഗിക്കാം.
മല്ലിവിത്തുകള് ഒരു തുണിയില് കിഴിയായി കെട്ടി രാത്രി ഒരു പാത്രം വെള്ളത്തില് ആ കിഴി മുക്കി വെക്കുക എന്നതാണ്. രാവിലെ ആ കിഴി എടുത്തു തുറന്നു നോക്കാതെ കൊണ്ടുപോയി മണ്ണില് വെക്കുക, വൈകുന്നേരമായാല് വീണ്ടും ആ കിഴി വെള്ളത്തില് മുക്കി വെക്കുക... പിറ്റേ ദിവസവും രാവിലെ ആ കിഴിയെടുത്തു മണ്ണില് വീണ്ടും വെക്കുക... ഇങ്ങനെ മൂന്നോ നാലോ തവണയിത് തുടര്ന്ന ശേഷം ആ കിഴി തുറന്നു നോക്കിയാല് മുഴുവന് വിത്തുകളും മുളച്ചതായി നിങ്ങള്ക്കു കാണാന് സാധിക്കും. ഇനി ചെയ്യേണ്ടത്, ചട്ടിയിലോ അല്ലെങ്കില് തോട്ടത്തിലോ, മിക്സ് ചെയ്തു വെച്ച മണ്ണില് ഇതു വിതറി കൊടുക്കലാണ്. അതിന്റെ മുകളില് അല്പം മണ്ണ് കൂടെ വിതറുക. വെള്ളം തളിച്ച ശേഷം, ഇത്തിരി റവ വിതറി കൊടുക്കുക. ഉറുമ്പുകള് റവ എടുത്തു കൊള്ളും മല്ലി വിത്തിനു ശല്യമുണ്ടാവില്ല.
മല്ലിച്ചെടികള് നാലഞ്ച് ഇഞ്ച് ഉയരം വെച്ചാല് ഉടനെ അടിഭാഗത്തുള്ള ഇലകളും ചെറിയ ചില്ലകളും നുള്ളിയെടുക്കാം. ഇലകള് നുള്ളിയാല് മാത്രമേ മല്ലിയിലകള് കൂടുതല് ഉണ്ടാകുകയുള്ളൂ. എല്ലാ ചെടികളില് നിന്നും ഒരു തവണയെങ്കിലും ഇലകള് നുള്ളണം, കാരണം ഇലകള് നുള്ളിയാല് മാത്രമേ ചെടി വീണ്ടും നല്ലപോലെ കിളിര്ക്കാന് തുടങ്ങുകയുള്ളു. രണ്ടു മൂന്നു ആഴ്ച കൂടുമ്പോള് ഇങ്ങനെ ഇല നുള്ളാം. ഇല്ലെങ്കില് ചെടികളില് പൂവിടാന് തുടങ്ങും. അതോടെ പുതിയ ഇലകള് വരാതെയാവും. തുടര്ന്നും ഇലകള് വേണമെങ്കില്, അതില് ഉണ്ടാകുന്ന പൂക്കളെ പിഴുതു കളഞ്ഞാലും മതി. നല്ലപോലെ വളമൊക്കെ കൊടുത്താല് മല്ലിചെടി രണ്ടടിവരെ ഉയരം വെയ്ക്കും. മല്ലിയിലയുടെ തീക്ഷ്ണമായ മണം കാരണം കീട ശല്യം കുറവായിരിക്കും.
1. ഈര്പ്പം അധികമായാല് കുമിള് ബാധവരാന് സാധ്യതയുണ്ട്. അപ്പോള് മല്ലിയിലയില് വെളുത്ത പൊടി പോലെ വന്നു നിറയും. ഈ കുമിള് ബാധ വരാതിരിക്കാന് മല്ലിച്ചെടികള്ക്കു നല്ല വായു സഞ്ചാരം ആവശ്യമാണ്. ഏതെങ്കിലുമൊരു ഇലയില് ബാധ കാണുകയാണെങ്കില് ഉടനെ ആ ചെടി പിഴുതെടുത്തു ദൂരെ കളയണം, അല്ലെങ്കില് മറ്റു ചെടികള്ക്കും ബാധിച്ചേക്കം.
2. ചെടിയുടെ കടക്കല് എപ്പോഴും വൃത്തിയായി വെക്കണം. ചീഞ്ഞ ഇലകളോ പൂക്കളോ ഉണ്ടെങ്കില് കുമിള് ബാധ വരാനേറെ സാധ്യതകളുണ്ട്.
വെയിലത്ത് നല്ല പോലെ നനയ്ക്കുകയും വളങ്ങള് നല്കുകയും ചെയ്താല് വെണ്ടയില് നിന്നു മികച്ച വിളവ് ലഭിക്കും. മൊസൈക്ക് രോഗം, തണ്ടുതുരപ്പന്, ഇലചുരുട്ടിപ്പുഴു എന്നിവ ഈ സമയത്ത് വെണ്ടയില് പ്രശ്നം സൃഷ്ടിച്ചു തുടങ്ങും.…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
വിവിധ വിഭവങ്ങളില് നാം ഉപയോഗിക്കുന്ന പുതിന മനുഷ്യന് ഏറെ ഗുണങ്ങള് നല്കുന്ന ഇലയാണ്. എന്നാല് വിപണിയില് ലഭിക്കുന്ന പുതിനയില് വലിയ തരത്തിലുള്ള കീടനാശിനികള് പ്രയോഗിക്കുന്നതാണ്. ഇതു വലിയ തരത്തിലുള്ള ആരോഗ്യപ്രശ്നങ്ങളാണ്…
By Georgekutty Mathew
വേനലില് നല്ല വിളവ് തരുന്നവയാണ് പന്തല് വിളകള്, ഇതില് ഏറ്റവും പ്രധാനമാണ് പാവല്. എന്നാല് കീടങ്ങള് വലിയ തോതില് പാവലിനെ ആക്രമിക്കാനെത്തും. വിത്തിടുമ്പോള് തന്നെ ശ്രദ്ധിച്ചില്ലെങ്കില് കീടങ്ങളെ തുരത്താന്…
By Harithakeralam
വെയില് ശക്തമാണെങ്കിലും നല്ല വിളവ് തരുന്ന പച്ചക്കറികളാണ് വഴുതന-വെള്ളരി വിളകള്. എന്നാല് രോഗങ്ങളും കീടങ്ങളും ഈ സമയത്ത് ഇവയെ ശക്തമായി ആക്രമിക്കും. കീടനാശിനി പ്രയോഗം മനുഷ്യനും പ്രകൃതിക്കും ദോഷവുമാണ്. രോഗ-കീട…
By Harithakeralam
പച്ചക്കറികളിലുണ്ടാകുന്ന പ്രധാന പ്രശ്നമാണ് ഫംഗസ് ബാധ. ഇലകളിലുള്ള നിറവ്യത്യാസം, പാടുകള്, ഇലകളിലും തണ്ടിലുമുള്ള പൂപ്പലുകള്, ചെടി വാടിപ്പോകല്, മുരടിപ്പ് തുടങ്ങിയ സൂചനകള് ഫംഗസ് അണുബാധയുടെ…
By Harithakeralam
പയര്, വെണ്ട, വഴുതന, തക്കാളി, പടവലം, പാവല് എന്നിവ നല്ല വിളവ് തരുന്ന സമയമാണിത്. എന്നാല് കീടങ്ങളുടെ ആക്രമണം അതിരൂക്ഷമാണെന്നു കര്ഷകര് പറയുന്നു. വീര്യം കൂടിയ രാസകീടനാശിനികള് പ്രയോഗിച്ചാല് നമ്മുടെ ശരീരത്തിനും…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
© All rights reserved | Powered by Otwo Designs
Leave a comment