വെളിച്ചെണ്ണയോട് മത്സരിച്ചു പച്ചക്കറികള്‍; വിലക്കയറ്റത്തിലും കേരളം നമ്പര്‍ വണ്‍: ഇത്തവണ ഓണമുണ്ണാന്‍ കാണം വില്‍ക്കേണ്ടി വരും

കേരളത്തില്‍ പച്ചക്കറിക്കൃഷിയുണ്ടെന്ന് സര്‍ക്കാറും കൃഷി വകുപ്പ് ഉദ്യോസ്ഥരും അവകാശപ്പെടുന്നുണ്ടെങ്കിലും അതെല്ലാം കടലാസിനെ കണക്ക് മാത്രമാണ്, മലയാളിയുടെ അടുപ്പ് പുകയണമെങ്കില്‍ അയല്‍വാസി കനിയണമെന്നതാണ് സത്യം.

By Harithakeralam

2025-08-05

പച്ചക്കറി വില കേരളത്തില്‍ കുത്തനെ വര്‍ധിക്കുന്നു. ഒരു മാസം കൊണ്ട് വിവിധ പച്ചക്കറികളുടെ വില 20 മുതല്‍ 60 ശതമാനം വരെ ഉയര്‍ന്നു. കനത്ത മഴയെ തുടര്‍ന്ന് ഉത്പാദനത്തിലെ കുറവാണ് വില വര്‍ധിക്കാന്‍ കാരണമെന്നാണ് വ്യാപാരികള്‍ പറയുന്നത്. ആന്ധ്ര, തമിഴ്‌നാട്, കര്‍ണാടക എന്നീ സംസ്ഥാനങ്ങളില്‍ നിന്നാണ് കേരളത്തിലേക്ക് പ്രധാനമായും പച്ചക്കറികള്‍ എത്തുന്നത്. കാലാവസ്ഥ വ്യതിയാനം മൂലം ഇവിടെയെല്ലാം ഉത്പാദനം വളരെ കുറവാണ്. കേരളത്തില്‍ പച്ചക്കറിക്കൃഷിയുണ്ടെന്ന് സര്‍ക്കാറും കൃഷി വകുപ്പ് ഉദ്യോസ്ഥരും അവകാശപ്പെടുന്നുണ്ടെങ്കിലും അതെല്ലാം കടലാസിനെ കണക്ക് മാത്രമാണ്, മലയാളിയുടെ അടുപ്പ് പുകയണമെങ്കില്‍ അയല്‍വാസി കനിയണമെന്നതാണ് സത്യം.

അടുക്കളയിലെ പ്രധാനിയായ തക്കാളിക്ക്  കിലോ 60 രൂപയാണ് വില, 40 രൂപയില്‍ നിന്നാണ് ഈ കുതിപ്പ്.  കാരറ്റിന് 20 ശതമാനം വില ഉയര്‍ന്ന് 80 രൂപയിലെത്തി. സവാള, ഉരുളക്കിഴങ്ങ് എന്നിവയുടെ വിലയില്‍ മാത്രമാണ് വലിയ മാറ്റമില്ല. സവാള കിലോയ്ക്ക് 30 രൂപയും ഉരുളക്കിഴങ്ങിന് 45 രൂപയുമാണ് പൊതുവെ വില. കിലോയ്ക്ക് 55 രൂപയുണ്ടായിരുന്ന ഇഞ്ചി വില ഒരുമാസം കൊണ്ട് 80 - 100 രൂപയിലേക്ക് ഉയര്‍ന്നു. വെളുത്തുള്ളി വില കിലോയ്ക്ക് 120 - 140 രൂപയാണ്. പാവയ്ക്ക, പയര്‍, പടവലം എന്നിവയ്ക്ക് 60 മുതല്‍ 80 വരെയാണ് വില.

Related News

മഴക്കാലത്തും റോസ് കുല കുലയായി പൂക്കും

വ്യായാമം കഴിഞ്ഞാല്‍ ഉടനേ വെള്ളം കുടിക്കരുത്; പണി വരുന്ന വഴികള്‍ ഒരുപാടുണ്ട്

മഴക്കാലത്ത് അടുക്കള അവശിഷ്ടം ബാധ്യതയാകുന്നുണ്ടോ...? അടുക്കളത്തോട്ടത്തിലേക്കുള്ള വളം തയാറാക്കാം

എല്ലാ വേദനയും ഗ്യാസ് അല്ല; കരുതിയിരിക്കണം സൈലന്റ് അറ്റാക്കിനെ

ഓണം കഷ്ടിച്ച് ഒരുമാസം മാത്രം അകലെയാണ്, സാധാരണ ഈ സമയത്താണ് പച്ചക്കറികള്‍ക്ക് വില വര്‍ധിക്കുക. എന്നാല്‍ ഇത്തവണ വിലക്കയറ്റം മുമ്പേ തുടങ്ങിയിട്ടുണ്ട്. ഓണക്കാലമാകുമ്പോഴേക്കും മിക്ക പച്ചക്കറികളും സെഞ്ച്വറി അടിക്കുമെന്നാണ് വിപണിയില്‍ നിന്നുള്ള സൂചന. ഇതിനൊപ്പം വെളിച്ചെണ്ണ, തേങ്ങ വിലയും കുതിപ്പ് തുടരുകയാണ്.