വിഷ പാമ്പുകള്‍ നാട്ടിലേക്ക് ഇറങ്ങുന്നു: കേരളമടക്കമുള്ള സംസ്ഥാനങ്ങളില്‍ ജാഗ്രത വേണം

കൊടിയ വിഷമുള്ള പാമ്പുകളും ഇന്ത്യയില്‍ ജനവാസ കേന്ദ്രത്തിലേക്ക് എത്തുമെന്നും ഇതിനെ പ്രതിരോധിക്കാന്‍ നടപടി സ്വീകരിക്കണമെന്നുമാണ് പുതിയ പഠനങ്ങള്‍ പറയുന്നത്.

By Harithakeralam

2025-09-05

വന്യമൃഗങ്ങളും മനുഷ്യനും തമ്മിലുള്ള സംഘര്‍ഷം കേരളമടക്കം പല സംസ്ഥാനങ്ങളിലും വലിയ പ്രശ്‌നങ്ങളാണ് സൃഷ്ടിക്കുന്നത്. ആന, കാട്ടുപന്നി, കുരങ്ങ്, മയില്‍ തുടങ്ങിയ ജീവികളുടെ ശല്യം കാരണം നിരവധി പേര്‍ക്കാണ് ജീവനും ജീവിത മാര്‍ഗവും നഷ്ടമായിരിക്കുന്നത്. കാലാവസ്ഥ വ്യതിയാനവും വന നശീകരണവുമെല്ലാം ഇതിനു കാരണമാണ്. ഇതിനൊപ്പം കൊടിയ വിഷമുള്ള പാമ്പുകളും ഇന്ത്യയില്‍ ജനവാസ കേന്ദ്രത്തിലേക്ക് എത്തുമെന്നും ഇതിനെ പ്രതിരോധിക്കാന്‍ നടപടി സ്വീകരിക്കണമെന്നുമാണ് പുതിയ പഠനങ്ങള്‍ പറയുന്നത്. മൂര്‍ഖന്‍, വള്ളിക്കെട്ടന്‍, ചേനത്തണ്ടന്‍, ചുരുട്ടുമണ്ഡലി എന്നീ കൊടും വിഷമുള്ള പാമ്പുകളാണ് ജനവാസകേന്ദ്രങ്ങളിലേക്ക് കൂടുതലായി എത്താന്‍ സാധ്യതയുള്ളത്.

ലോകത്ത് പാമ്പ് കടിയേറ്റ് ഏറ്റവും കൂടുതല്‍ മനുഷ്യര്‍ മരിക്കുന്ന രാജ്യമാണ് ഇന്ത്യ. ഒരോ വര്‍ഷവും 50,000  മുതല്‍ 60,000 പേര്‍ നമ്മുടെ രാജ്യത്ത് പാമ്പ് കടിയേറ്റു മരിക്കുന്നു. കേരളം, ആന്ധ്രപ്രദേശ്, പശ്ചിബംഗാള്‍, ഒഡീഷ, ഉത്തര്‍പ്രദേശ്, മഹാരാഷ്ട്ര എന്നീ സംസ്ഥാനങ്ങളിലാണ് ഇതില്‍ ഭൂരിഭാഗവും പേരും. ഈ സംസ്ഥാനങ്ങള്‍ തന്നെയാണ് വിഷപ്പാമ്പുകളുടെ ഭീഷണിക്കെതിരേ കരുതി ഇരിക്കേണ്ടത്. plos neglected tropical diseases പ്രസിദ്ധീകരിച്ച പഠനത്തിലാണ് ഈ കണ്ടെത്തല്‍.

Related News

ഒരു പിടി ഇല, ഒരുപാട് ഗുണങ്ങള്‍

കമ്പോസ്റ്റ് നിര്‍മിക്കുമ്പോള്‍ ശ്രദ്ധിക്കേണ്ട കാര്യങ്ങള്‍

നല്ല ഉറക്കത്തിനു സഹായിക്കുന്ന ഭക്ഷണങ്ങള്‍

കര്‍ഷകരില്‍ നിന്നും നേരിട്ട് സംഭരിച്ചത് 4.33 കോടിയുടെ ഉല്‍പ്പന്നങ്ങള്‍

കാലാവസ്ഥ വ്യതിയാനം തന്നെയാണ് ഇവിടെയും വില്ലന്‍. ആവാസ വ്യവസ്ഥ നഷ്ടമാകുന്ന പാമ്പുകള്‍ നാട്ടിലേക്ക് ഇറങ്ങുകയാണ്. മനുഷ്യവാസമുള്ള മേഖലകളില്‍ വരാന്‍ ഇഷ്ടപ്പെടാത്ത രാജവെമ്പാലയെ ഇപ്പോള്‍ നഗരങ്ങളില്‍ നിന്നും പോലും കണ്ടെത്തുന്നുണ്ട്. പാമ്പുകളുടെ കൃത്യമായ കണക്ക് ശേഖരിക്കാന്‍ കഴിയാത്തതും വെല്ലുവിളി ഉയര്‍ത്തുന്നു. ഗ്രാമപ്രദേശങ്ങളില്‍ നിരീക്ഷണം നടത്തുക പലപ്പോഴും പ്രായോഗികമല്ല.  

നഗരവത്കരണവും ഭൂമിയുടെ വിനിയോഗവും വരും കാലങ്ങളിലും തുടരുമെന്നതിനാല്‍ വലിയ ഭീഷണിയാണ് പാമ്പുകള്‍ ഉയര്‍ത്തുക. ഇതിനെ നേരിടാന്‍ ജനങ്ങള്‍ക്ക് ബോധവത്കരണം നല്‍കേണ്ടത് അത്യാവശ്യമാണെന്നും പഠനത്തില്‍ നിര്‍ദേശമുണ്ട്. പ്രതിരോധ മരുന്നുകളുമായി ആശുപത്രികളും സജ്ജമായിരിക്കണം. കൂടുതല്‍ ആശുപത്രികളില്‍ ആന്റി വനം ലഭ്യമാക്കണം.